NEHEMIA 13:5 - IBIBILIA INDAKATIFU MU LUTIRICHI LWITAKHO NENDE LWISUKHA

⁵ khandi yali waha Tobia inzu ingali ya vavikhamu vihanwa vi imu, vubani nende vindu viarumikhanga mu Litempeli, injeso yi imu, idivai, nende makura ka vandu vu lwivulu lwa Levi vaheelwa varumishile, vandu vimbanga tsinyimbo nende valindi vi vilivwa venyekhanga khuheelwa, khali khumeetakhu vindu via vasololanga khulu khuha vasalisi.

NEHEMIA 13:5 Iomraidhean Croise

NEHEMIA 12:44

Mumatukhu kenako, vandu varovolwa khusinjilila tsinzu tsi livishilu lia vavikhamu vihanwa mu Litempeli, khali khumeetakhu injeso, imu yu khuraanga khucheswa nende matunda ku khuraanga khwenga khu shia muhika. Vandu venavo vaheelwa muhinzilu ku khusolola mu milimi himbi khu mataala manyishi lukanu, vihanwa viu khuha vasalisi nende vandu vu lwivulu lwa Levi khulondokhana khuli malako kenyanga. Vayahudi voosi vayaanzitswa na vasalisi nende vandu vu lwivulu lwa Levi vakholanga muhinzilu;

NEHEMIA 10:38

Musalisi wosi, urulanga mu vitsukhulu va Haruni, aliitsa khuva na vandu vu lwivulu lwa Levi, lwa va nivanyolanga itsaka; khandi vandu vu lwivulu lwa Levi venavo valiitsa khuhila shitonye shilala shi likhomi khu itsaka yeneyo mu Litempeli lia Nyasaye weru, khandi mu tsinzu tsi livishilu li vindu;

2 TSINYINGA 34:11

Vahaana khandi tsisenti khu vafundi vi tsimbaho nende vumbashi khukuula machina kakhongwa, nende tsimbaho tsi mikulu nende tsirilu tsiu khumbashila tsia vami va Yuda vali nivalekha nitsikuundanga.

NEHEMIA 10:37

Khulahila mu Litempeli lia Nyasaye weru, shinokho shialombwa khu imu yu khuraanga khucheswa khu shia muhika, khandi shihanwa shieru shindi shi idivai, makura ku musayituni, nende matunda kandi koosi lukanu. Khulahila khu vandu vu lwivulu lwa Levi, vasololanga injeso mu milimi chieru, injeso khurula khu viraakwa vimeelanga mu milimi chieru.

NEHEMIA 13:7

maningalukha Yerusalemi. Nalwo lwa niitsa khumanya vutamanu vu musalisi Eliashibu yali nakholi, lwa yalombela Tobia inzu mu lwanyi lwi Litempeli lia Nyasaye.

EZEKIELI 40:38

Ilwanyi wu lwanyi, khwaliyo nu mumbakho kundi, kwali nu kwahambinyinywa khu vwinjililu vu khwinjila mukari. Mumbakho kwenoko kwaheenzanga lwanyi lwi ilwanyi, khandi naho ha vochitsilanga miruku chia vali nivasinza khukholela misango chi vihanwa viu khusambwa.

2 TSINYINGA 31:11

Mwami Hezekia yahaana lilako varecheshe tsinzu tsiu khuvikhamu vindu mu Litempeli liu Mwami Nyasaye; manivakhola ndio.

NEHEMIA 10:36

Khulahila khandi khu vasalisi varumikhanga mu Litempeli lia Nyasaye weru, mwana wi shiyayi mukhulundu mu vaana veru vi shiyayi voosi inoho shimoli shiukhuraanga khwivulwa shi ing'ombe, shimeme shiukhuraanga khwivulwa shi likondi, shimeme shiukhuraanga khwivulwa shi imbuli, khuli Malako kenyanga kakholwi.