NEHEMIA 13:10 - IBIBILIA INDAKATIFU MU LUTIRICHI LWITAKHO NENDE LWISUKHA

¹⁰ Niitsa khumanya khandi ndi vandu vu lwivulu lwa Levi vali nivali khuheelwa vindu via venyekhanga vave nivanyolanga. Khulwa yako kachila vandu vu lwivulu lwa Levi nende vimbanga tsinyimbo, nivali yavo vakholanga muhinzilu khwilukha, shia mulala khukalukha mu mulimi kwekwe.

NEHEMIA 13:10 Iomraidhean Croise

NEHEMIA 10:37

Khulahila mu Litempeli lia Nyasaye weru, shinokho shialombwa khu imu yu khuraanga khucheswa khu shia muhika, khandi shihanwa shieru shindi shi idivai, makura ku musayituni, nende matunda kandi koosi lukanu. Khulahila khu vandu vu lwivulu lwa Levi, vasololanga injeso mu milimi chieru, injeso khurula khu viraakwa vimeelanga mu milimi chieru.

MALAKI 3:8

Ni kilikali, mundu anyala khukaata Nyasaye? Khali ndio, munyi mungatanga! Navutswa muvoolanga, ‘Khumukaatanga munjila shina?’ Mungatanga shichila itsaka yenyu nende vihanwa vienyu.

NEHEMIA 12:47

Mumatukhu ka Zerubabeli nende Nehemia, Vaisraeli voosi vasololanga vihanwa shia litukhu khukhonya vandu vimbanga tsinyimbo nende valindi vi vilivwa. Vavikhanga haluveka vihanwa viu khuha vandu vu lwivulu lwa Levi; khali vandu vu lwivulu lwa Levi venavo, nivavikha haluveka via vasalisi.

LITSUSHITSWA 12:19

Muve vacheli muvuli khwivilila vandu vu lwivulu lwa Levi khumatukhu koosi, ka muliitsa khuva nu mushili mwoyo mu shivala shienyu.

LIVALITSWA 35:2

“Voolela Vaisraeli vahe vandu vu lwivulu lwa Levi, malala khu mataala ka vamenyamu nende lwayilu lu khwayitsamu miruku chiavo himbi khu mataala kenako, khurula khu miandu chiavo.

NEHEMIA 10:39

shichila Vaisraeli nende vandu vu lwivulu lwa Levi, valiitsa khulera vihanwa viavo vi imu, idivai, makura ku musayituni mu tsinzu tsi livishilu li vindu, Havundu Hatakatifu ha vavikhanga, khandi havundu ha vasalisi varumikhanga, valindi vi shilivwa nende vandu vimbanga tsinyimbo vamenyanga. “Shiukhunyala khwivilila inzu ya Nyasaye weru tawe.”

2 TSINYINGA 31:4

Yavoolela vandu vamenyanga mu Yerusalemi valere vihanwa via vasalisi nende vandu vu lwivulu lwa Levi vali nivatushili khuheelwa, nikanyalikha vamalili vwiyangu vwavo khukhola ka Malako ku Mwami Nyasaye kenyanga vakhole.

ISAYA 43:23

Mushili khunderela likondi lienyu li shihanwa shiu khusambwa, inoho khumba luyali shichila misango chienyu. Khali shili khumunyashitsa khwenya munderele vihanwa vienyu, inoho khumuteteshitsa lwa mureevanga mumbe vubani.