NEHEMIA 12:8 - IBIBILIA INDAKATIFU MU LUTIRICHI LWITAKHO NENDE LWISUKHA

⁸ Yaka nako mira ka vandu vu lwivulu lwa Levi: Yeshwa, Binuhi, Kadimieli, Sherebia, Yuda, nende Matania, halala na vakhonyani veve, yali mwimilili wi tsinyimbo tsiu khusanditsa.

NEHEMIA 12:8 Iomraidhean Croise

NEHEMIA 11:17

Matania mwana wa Mika, mwana wa Zabudi, nali mwitsukhulu wa Asafu, neye mwimilili wraanjitsa lisaala liu khusanditsa; Bakubukia neye wakhonyanila Matania mu muhinzilu nende Abuda mwana wa Shamuha, mwana wa Galala, nali mwitsukhulu wa Yedutsuni.

NEHEMIA 12:24

Yaka nako mira ka vandu vu lwivulu lwa Levi: Hashiabia, Sherebia, nende Yeshwa mwana wa Kadimieli, halala na vakhonyani vavo va vimililanga. Vali vaheelwa muhinzilu ku khwitsominya nu khusanditsa khulondokhana khu mivaalo ka Daudi, mundu wa Nyasaye. Shia shituma shia vandu shialondokhananga ni shituma shindi mu shikha shiashio.

NEHEMIA 11:22

Mwimilili mukali wa vandu vu lwivulu lwa Levi vamenyanga mu Yerusalemi, yali Uzi mwana wa Bani, mwana wa Hashabia mwana wa Matania, mwana wa Mika. Uzi yali mulala khu vitsukhulu va Asafu, vali nivaheelwa muhinzilu ku khwimba tsinyimbo mu Litempeli lia Nyasaye.

NEHEMIA 9:4

Khwaliho ni shiiko shiu khuseenakhu, shia vandu vu lwivulu lwa Levi vasinjilakhu. Yeshwa, Bani, Kadimieli, Hashabuneya, Buni, Sherebia, Bani, nende Kenani, navo vasinjila havundu henaho. Vasaala ikulu nu mwoyo mukali khu Mwami Nyasaye, uli Nyasaye wavo.

NEHEMIA 7:48

Lebana, Hagaba, Shalamai,

1 TSINYINGA 9:33

Valala khurula mu vandu vi tsinzu tsia vandu vu lwivulu lwa Levi, navo vali nivaheelwa muhinzilu ku khwimba tsinyimbo mu Litempeli. Vimilili va vandu vi tsinzu tsienetso, vamenyanga mu miumbakho, vali vavohololwa khukhola mihinzilu chindi, shichila vakholanga muhinzilu kwavo, vutukhu nu mbasu.

EZIRA 3:2

Nalwo lwa Yeshwa mwana wa Yozadaki, nende vasalisi veshie, Zerubabeli mwana wa Shalitieli nende viikho veve, vumbakha vuyia vwaali vwa Nyasaye wa Israeli, khukholelakhu misango chi vihanwa viu khusambwa, khulondokhana khuli kahandikwa mu Malako ka Musa, wali mundu wa Nyasaye.

NEHEMIA 12:7

Salu, Amoku, Hilikia, nende Yedaya. Navo vali vimilili va vasalisi nende vakhonyani vavo mumatukhu ka Yeshwa.

NEHEMIA 12:9

Vakhonyani vavo nivali Bakabukia nende Uno, vasinjila khuluveka lundi, nivavaheenzi mu muhinzilu kwa vakholanga.

EZIRA 2:40

Vandu vi tsinzivulu tsia vandu vu lwivulu lwa Levi tsia Yeshwa nende Kadimieli, nivali voosi makhomi saba na vane khuvirila khu lwivulu lwa Hodavia vakalukha nivarula mu vuhaambe.

NEHEMIA 7:43

Yaka nako mira ka vandu varulanga mu vandu vu lwivulu lwa Levi: vitsukhulu va Yeshwa, nivali yavo varulanga mu vandu vu lwivulu lwa Kadimieli va Hodavia yivula, vali vandu makhomi saba na vane;