NEHEMIA 11:5 - IBIBILIA INDAKATIFU MU LUTIRICHI LWITAKHO NENDE LWISUKHA

⁵ khandi Maseya mwana wa Baruku, mwana wa Koli-hozehi, mwana wa Hazaya mwana wa Adaya, mwana wa Yoharibu mwana wa Zakaria, wali mwitsukhulu wa Shela.

NEHEMIA 11:5 Iomraidhean Croise

NEHEMIA 3:15

Shalumu mwana wa Koluhozehi, wali nali mwimilili wamihanga lusomo lwa Mizipa, yumbakha vuyia Shilivwa shiu Musinji. Yakhunikha vwinjililu vwi shilivwa khandi narechekhakhu miliango, vivia, nende milondi chiu khwikala. Yumbakha lisisi lili himbi khu mulimi kwa vandu vi inzu yu vwami, ha lituvwi lialaangwangwa Lituvwi lia Shela, khali khutsia khutukha khu viko viu khuseenakhu nu kholomokhanga khurula mu litaala likali lia Daudi.

1 TSINYINGA 9:5

Shiloni halala nu mwana wewe wi shiyayi Asaya nende vaana veve vi shiyayi.

1 TSINYINGA 4:21

Shela yali mulala khu vaana va Yuda yivula. Vitsukhulu veve vali Eru, nali mundu wraanjitsa litaala lia Leka; khandi Lahada, nali mundu wraanjitsa litaala lia Maresha, khandi wu lwivulu lwa vandu vanavanga tsimbala, vamenyanga mu litaala lia Betsi-ashibeha;

LIVALITSWA 26:20

Vitsukhulu va Yuda, khulondokhana khu tsinzu tsiavo vali: Shelani, Perezi, Zera;

LIRAANGA 38:5

Khali ndio, yivula mwana wi shiyayi wundi, wa yakulikha lira Shela. Kezibu, naho havundu wu mukhali wewe yivulila mwana wi shiyayi mwenoyo.

NEHEMIA 11:4

Nikhali, vandu vandi, nivali yavo varulanga mu vandu vi tsimbia tsia Yuda nende Benyamini vamenya mu Yerusalemi. Khurula mu vitsukhulu va Yuda, khwaliyo na Atsaya mwana wa Uzia, mwana wa Zakaria mwana wa Amaria, mwana wa Shefatia mwana wa Mahalaleli, wali mwitsukhulu wa Perezi;

NEHEMIA 11:6

Isavu ya vitsukhulu va Perezi, yavo voosi vamenyanga mu Yerusalemi vali vandu tsimia tsine makhomi sita na munane; voosi vali ni tsingulu tsiu khukwana.