NEHEMIA 11:3 - IBIBILIA INDAKATIFU MU LUTIRICHI LWITAKHO NENDE LWISUKHA

³ Navo vali vimilili vi tsisomo vamenyanga mu Yerusalemi; navutswa valala khu Vaisraeli, vasalisi, vandu vu lwivulu lwa Levi, varumishi vi Litempeli nende vitsukhulu va varumishi va Solomoni, vamenya mu milimi chiavo mu mataala ka Yuda.

NEHEMIA 11:3 Iomraidhean Croise

EZIRA 2:1

Vandu vu lusomo lwa Babilonia vali nivarula mu vuhaambe vu Mwami Nebukadineza yali niyahila mu vuhaambe mu litaala lia Babilonia vakalukha Yerusalemi nende Yuda; shia mulala yasimukha natsia mu litaala lielie liarulamu.

EZIRA 2:43

Vandu vi tsinzivulu tsia varumishi vi Litempeli vali Ziha, Hasufa, Tabahotsi,

EZIRA 2:70

Vasalisi, vandu vu lwivulu lwa Levi, nende vandu vandi vamenya mu Yerusalemi inoho himbi Yerusalemi. Vimbi vi tsinyimbo, valindi vi vilivwa nende varumishi vi litempeli vamenya mu mataala kavo; ma Vaisraeli vandi voosi nivamenya mu mataala kavo.

NEHEMIA 11:20

Vaisraeli vandi voosi, halala na vasalisi nende vandu vu lwivulu lwa Levi, vali nivarikala mu mataala koosi ka Yuda; shia mulala mu milimi chiali chia vakuuka vavo.

NEHEMIA 11:4

Nikhali, vandu vandi, nivali yavo varulanga mu vandu vi tsimbia tsia Yuda nende Benyamini vamenya mu Yerusalemi. Khurula mu vitsukhulu va Yuda, khwaliyo na Atsaya mwana wa Uzia, mwana wa Zakaria mwana wa Amaria, mwana wa Shefatia mwana wa Mahalaleli, wali mwitsukhulu wa Perezi;

NEHEMIA 7:39

Yaka nako kali mira ka vasalisi: vitsukhulu va Yedaya, nivali vu lwivulu lwa Yeshwa vali vandu tsimia tisa makhomi saba na vavaka;

NEHEMIA 7:43

Yaka nako mira ka vandu varulanga mu vandu vu lwivulu lwa Levi: vitsukhulu va Yeshwa, nivali yavo varulanga mu vandu vu lwivulu lwa Kadimieli va Hodavia yivula, vali vandu makhomi saba na vane;

NEHEMIA 7:46

Yaka nako mira ka varumishi vakholanga muhinzilu mu Litempeli: vitsukhulu va Ziha, Hasufa, Tabahotsi,

NEHEMIA 7:6

Vandu vanyishi khu yavo, vali nivahilwa mu vuhaambe varula mu lusomo lwa Babilonia, nivakalukha Yerusalemi nende Yuda, shia mulala natsia mu litaala liavo. Vandu vi tsinzu tsiavo vali nivamenyanga mu vuhaambe mu Babilonia, khuraanjila khulitukhu liu Mwami Nebukadineza yali niyavahilayo khuva vavohe.

NEHEMIA 7:7

Vitsayo na Zerubabeli, Yeshwa, Nehemia, Azaria, Rahamia, Nahamani, Modekai, Bilishani, Misiperetsi, Bigivai, Nehumu, nende Bahana. Iyi nayo isavu ya Vaisraeli voosi khulondokhana khu lwivulu lwavo:

NEHEMIA 7:73

Vasalisi, vandu vu lwivulu lwa Levi, valindi vi vilivwa, vandu vimbanga tsinyimbo, valala khu vandu valiho, varumishi vi Litempeli, nende Vaisraeli valala vamenya vene mu mataala kavo. Lwa mweli kwa saba kwatukha, Vaisraeli vamenya vene mu mataala kavo.