NEHEMIA 1:3 - IBIBILIA INDAKATIFU MU LUTIRICHI LWITAKHO NENDE LWISUKHA

³ Vanjipa, “Vandu vihonolokha khuhilwa mu vuhaambe, vamenyanga mu lusomo lwenolo vavirilanga mu vutiinyu vunyishi nu khuheelwa tsisoni. Lisisi lia Yerusalemi limali khupomolanyinywa, khandi vilivwa vi litaala likali vialaalitswa nu mulilu.”

NEHEMIA 1:3 Iomraidhean Croise

1 VAMI 9:7

niitsa khurulitsa vandu vaanje Israeli mu shivala shia navaha. Niitsa khandi khulekha Litempeli lia kholi khuva litakatifu yili, khuva havundu ha vanyala khusaala khwinzi. Vandu valiitsa khusekha Vaisraeli shia havundu hosi khandi va vachaye.

2 VAMI 25:10

Mukaanda kwa vasikali veve voosi, vapomolanyinya masisi ki litaala likali.

2 TSINYINGA 36:19

Vasamba Litempeli lia Nyasaye, nivapomola lisisi lia Yerusalemi, nivasamba tsinzu tsiosi tsiu vwami khandi nivononyinya vindu vialio viosi vili nu vukuuli vululu.

EZIRA 2:1

Vandu vu lusomo lwa Babilonia vali nivarula mu vuhaambe vu Mwami Nebukadineza yali niyahila mu vuhaambe mu litaala lia Babilonia vakalukha Yerusalemi nende Yuda; shia mulala yasimukha natsia mu litaala lielie liarulamu.

EZIRA 5:8

Yivi mwami, khwenyanga khukhuvoolela ndi khwasimukha nu khutsia mu lusomo lwa Yuda, manukhunyola Litempeli lia Nyasaye wi tsingulu ni liu mbakhwangwa vuyia, na machina makali nende tsirilu nitsisimiishwi mu masisi. Muhinzilu kwenoko kwa kholekhanga ni tsingulu khandi kwatsilililanga vwangu.

NEHEMIA 11:3

Navo vali vimilili vi tsisomo vamenyanga mu Yerusalemi; navutswa valala khu Vaisraeli, vasalisi, vandu vu lwivulu lwa Levi, varumishi vi Litempeli nende vitsukhulu va varumishi va Solomoni, vamenya mu milimi chiavo mu mataala ka Yuda.

NEHEMIA 2:13

Narula mu litaala likali, nimbirila mu Shilivwa shiu Luhoongo khuluveka luli imbo nuvushili vutukhu, ninzia ikuvanda nu wakhavira Musinji kwi Inge khutukha khu Shilivwa shia Masiingo. Nakola kola khu masisi ka Yerusalemi, kali nikapomolanyinywa nende vilivwa viali nivialaalitswa nu mulilu.

NEHEMIA 2:17

Navutswa navavoolela, “Munyi vene muloli vutiinyu vwa khuvirilamu, khuli litaala likali lia Yerusalemi liapomolanyinywa nu khukwa lichiinga, khandi khuli vilivwa vi litaala likali vialaalitswa nu mulilu. Numuyaanza hambi! Chendi khumbashi vuyia lisisi lia Yerusalemi, nikanyalikha khuvuli khutsililila khunyola tsisoni.”

NEHEMIA 2:3

Navoolela Mwami Aratashasita, “Yivi mwami, uhindile muno! Shichila shina mbuli khuva nu vuveleli mu mwoyo kwanje, lwa ndolanga ni tsimoni tsianje litaala likali, li mivili chia vakuuka vaanje vayeveelwamu, ni liapomolanyinywa liakwa lichiinga, khandi vilivwa vialio vialaalitswa nu mulilu?”

NEHEMIA 7:6

Vandu vanyishi khu yavo, vali nivahilwa mu vuhaambe varula mu lusomo lwa Babilonia, nivakalukha Yerusalemi nende Yuda, shia mulala natsia mu litaala liavo. Vandu vi tsinzu tsiavo vali nivamenyanga mu vuhaambe mu Babilonia, khuraanjila khulitukhu liu Mwami Nebukadineza yali niyavahilayo khuva vavohe.

TSABURI 79:4

Vareende veru vakhukholelanga tsisoni; vakhusekhanga ni vakhukholela shihenye henye.

TSINGANU 25:28

Mundu wakhaywa khwilinda mwene munjila indahi, ali khuli litaala livula valindi, linyala khuseerwa.

ISAYA 43:28

Khulwa yako, ninzi wononyinya vimilili venyu vakholanga muhinzilu Havundu Hatakatifu; ninzi wachila vandu va Yakobo nivativitswa, khandi Vaisraeli nivanyekwa.”

ISAYA 5:5

“Nyenyanga khumuvoolela ka nzitsanga khukhola mu mulimi kwanje kwi misabibu: Napomola lukaka lu mulimi kwenoko makwononyinywi; Napomolanyinya lisisi liakwo makutuuvachilwi hasi.

YEREMIA 24:9

Niitsa khuchila matiinyu kalivakwila khuva shindu shiu khurishitswa khu vwami vwa vandu vi tsimbia tsiosi khulilova. Vandu valiitsa khuvakhola shihenye henye, khuvavayila, khu vanyeeka. Vandu valiitsa khurumishila mira kavo khuli shilaamo shia havundu hosi, ha navasalanyinya.

YEREMIA 29:18

Niitsa khuvahitsanyinya ni shivavi, inzala nende lukhutsu khutukha lwa vwami vwosi vwi lilova vuria, lwa vulola kakholekhanga. Vandu valiitsa khuhuka nivaria shia havundu hosi ha vasalanyinywa, lwa valiitsa khulola kakholekhanga khuvo. Vandu valiitsa khuvakhola shihenye henye, ni varumishila lira liavo khuli shilaamo,

YEREMIA 39:8

Navutswa Vababilonia vasamba nu mulilu inzu yu vwami nende tsinzu tsia vandu khandi nivapomola masisi ka Yerusalemi.

YEREMIA 42:18

“Mwami Nyasaye wi Mikaanda Chiliihe, uli Nyasaye wa Israeli avoolanga, ‘Khuli lwa navukulila vurima khandi nimba mululu khu vandu va Yerusalemi, nindio khandi niitsa khumuvukulila vurima lwa mutsia mu shivala shia Misri. Muliitsa khuva shindu shiu khunyekwa, khurishitswa, khulaamwa nu khukholelwa tsisoni. Shiumuliitsa khulolakhu havundu hanu khandi tawe.’ ”

YEREMIA 5:10

“Tikulushi mutsi khukhalakanyila mu milimi chi misabibu nu khuchononyinya, navutswa muvuli khwononyinya chiosi; sosoli tsisia tsiachio, shichila tsisia tsienetso ni tsiu Mwami Nyasaye.

YEREMIA 52:14

Vasikali va Vababilonia voosi, vamililwangwa nu mwimilili wa valindi valindanga Mwami wa Babilonia, vasambula masisi koosi kavotokhananga Yerusalemi.

LWIKHULU 1:7

Litaala likali lia Yerusalemi litsushitsanga matukhu ka liali khu vutiinyu khandi liahuya huyanga, vindu viu vukuuli vululu viosi via liali navio khurula mumatukhu kakhale. Lwa mutsiku yakumila vandu valio, vuchila mundu unyala khulikhonya, mutsiku naliheenza khulikholela shihenye henye lwa liativitswa.

LWIKHULU 2:9

Vilivwa vialio viakwa hasi, wasambula manutong'olanyinya milondi chialio. Mwami nende vimilili valio vamenyanga mu vandu vi tsimbia tsindi, malako kavula shia kakholanga. Khali vaprofeti shivanyolanga malolo khurula khu Mwami Nyasaye tawe.

LWIKHULU 3:61

“Mwami Nyasaye, nivi wahulila khuli vanyekanga, khandi khuli valoshitsa khukhola.

LWIKHULU 5:1

Yivi Mwami Nyasaye, yitsushitsakhu ka khwanyola; heenza ulole khuli khuheelwangwa tsisoni!

LEVI 26:31

Niitsa khusambulanyinya mataala kenyu, sambulanyinyi havundu henyu ha musaalanga khwinzi, khandi mbuli khuhuchilila misango chienyu.

LEVI 26:33

Niitsa khumulerela liihe, nu khumusalanyinya mu vandu vi tsimbia tsindi. Shivala shienyu shilitsa khung'alwa; khali mataala kenyu kaliitsa khurikala nikapomolwa.