MWILWATSI 3:2 - IBIBILIA INDAKATIFU MU LUTIRICHI LWITAKHO NENDE LWISUKHA

² khuliho ni isaa yu khwivulwa nende isaa yu khukhutsa; isaa yu khuraaka nende isaa yu khuchesa;

MWILWATSI 3:2 Iomraidhean Croise

VAHEBRANIA 9:27

Khuli kaviritswa khutukha vandu vave nivakhutsanga lulala lwonyene vutswa, nu khusinjila imbeli wa Nyasaye khukhalachilwa,

AYUBU 14:5

Matukhu ku mundu amenyanga kaviritswa; khali wamanya isavu yi mieli chiechie; khandi wavikhaho shichelo shianyala khuvula khusila.

VAGALATIA 4:4

Navutswa lwa litukhu liatoto liali ni liaviritswa liatukha, Nyasaye yaruma Mwana wewe, wu mukhali yivula, wamenya khulondokhana khu Malako,

LUKA 1:20

Navutswa uliitsa khuhonjela khandi ukhaywi khulomoloma, lwa wambakhane khusuuvila mu likhuva lianje liliitsa khuva liatoto mumatukhu kenyekhanga.”

MATAYO 15:13

Yesu yavachipa, “Shia shiraakwa shiosi shia Tata wanje uli mwikulu yakharaaka, shilitsa khurinyuulwa.

YOHANA 16:21

Lwa mukhali avetsanga nali himbi khwivula mwana, avelelanga shichila isaa yeye yu khunyakhana ivetsanga ni yakhatukha; navutswa lwa mwana avetsanga niyakhivulwa, yivililanga linyakhana lielie, shichila ali nu vuyaanzi mwana umali khwivulwa mu shivala.

ISAYA 38:1

Mumatukhu kenako, Mwami Hezekia yalwala nava himbi khukhutsa. Muprofeti Isaya mwana wa Amozi yasimukha natsia khumulola, namuvoolela, “Mwami Nyasaye avoolanga, ‘Lunjishitsa ku munzu mwomwo, shichila ulakhutsa. Shiuliitsa khuhona tawe.’ ”

AYUBU 7:1

“Mundu ali nu muhinzilu mulitoho khulilova; khandi matukhu keke kashili mwoyo kali khuli ku mundu usamulitswi khukhola muhinzilu.

VIKHOLWA 7:20

Musa yivulwa mumatukhu kenako; khandi yali wakaasa likoondo. Yavilushila mu inzu ya tata wewe khu mieli chivaka.

VIKHOLWA 7:17

“Lwa matukhu kali nikali himbi khutukha ka Nyasaye arweshitsa lilaaka lielie khu Aburahamu, vandu veru vatsililila khumeetekha mu vunyishi mu shivala shia Misri.

YOHANA 7:30

Valala khu vandu vali nivaliho vachelitsa khukumila Yesu, navutswa shivali vanyala tawe; shichila isaa yeye yali nishili khutukha.

LUKA 1:36

Khali mwiikho wowo Lisabeti atsitsanga khwivula mwana, khali niiva nu mushele. Woyo wa vavoolanga, nu mukhali mukuumba ali ninda yi mieli sita.

LUKA 1:13

Navutswa injelosi yeneyo yamuvoolela, “Zakaria, lekha khuria! Nyasaye umali khuhulila lisaala liolio; khandi mukhali wowo Lisabeti atsitsanga khukhwivulila mwana wi shiyayi. Uliitsa khumukulikha lira Yohana.

MATAYO 13:41

Mwana wu Mundu aliitsa khuruma tsinjelosi tsietsie; na tsiliitsa khuvunjelitsa khurula mu Vwami vwevwe shia mundu wosi uchilanga vandi nivakhola vwoni; khandi yavo voosi vakholanga vindu vitamanu,

YEREMIA 45:4

Navutswa Mwami Nyasaye umbolele khuvoolele, “Lola! Shiamali khumbakha, nashio shia nzitsanga khupomolanyinya; khandi shia naraaka, nashio shia nzitsanga khurinyuula -- nakhwo khuvoola shivala shiosi.

YEREMIA 1:10

Lola, nunundi mali khukhurovola khusinjilila vandu vi tsimbia tsiosi nende vwami, khurinyuula nu khusambula, khwononyinya nu khutivitsa, khumbakha nu khuraaka.”

ISAYA 54:1

Mwami Nyasaye avoolanga, “Yivi uli khuli mukhali mukuumba, yimba tsinyimbo, yivi ushili khwivulakhu mwana; reekula lwimbo, nulaanjilila nu vuyaanzi, yivi ushili khuhulilakhu isalila yu khwivula; shichila yivi mukhali walekhwa uliitsa khwivula vaana vanyishi khuvira woyo wumenyanga nu musatsa wewe wamuhila.

ISAYA 38:5

“Simukha utsi uvoolele Mwami Hezekia, ‘Mwami Nyasaye, uli Nyasaye wa kuuka wowo Daudi, avoolanga, Mali khuhuhulila lisaala liolio, khandi khuli ulilanga tsikhwili nuchetulukha miliika. Niitsa khukhumeeta mihika chindi likhomi na chiranu mu limenya liolio.

TSABURI 113:9

Neye uchilanga mukhali mukuumba nava nu luyali hango hehe; amukhola khuva nu vuyaanzi lwa yivula vaana. Mwami Nyasaye yitsominywi!

TSABURI 52:5

Navutswa Nyasaye aliitsa khukhutivitsa mihika ni mihika; aliitsa khukhukumila khukhurulitsa hango hoho; aliitsa khukhurulitsa mu shivala shia vandu vashili mwoyo.

AYUBU 14:14

Niiva mundu aliitsa khukhutsa, anyala khwisimukha khurula mu likhutsa khandi? Navutswa nalindilila khumatukhu kakholanga muhinzilu kwanje, khutukha lwa vutiinyu vwanje vuvwa.

2 VAMI 4:16

Elisha yavoolela mukhali mwenoyo, “Litukhu khuli linu muhika kwitsanga, uliitsa khuva nulelanga mwana wi shiyayi.” Mukhali mwenoyo yahuka navoola, “Yivi mwami wanje, shikaliitsa khuva kario tawe. Yivi mundu wa Nyasaye, uvuli khungata inzi murumishi wowo!”

1 VAMI 13:2

Muprofeti mwenoyo yalomoloma vutamanu, shichila vwaali khulondokhana khu lilako liu Mwami Nyasaye, yali namuvoolele. Yavoola, “Yivi vwaali, vwaali! Mwami Nyasaye avoolanga, ‘Mwana uliitsa khulaangwa Yosia, aliitsa khwivulwa mu vandu vi inzu ya Daudi. Aliitsa khusinzila khu yivi vasalisi varumikhanga khu vwaali vwa vandu vatamanu vakorwa Nyasaye, vakholanga misango khu yivi, khandi aliitsa khusambila vikuumba via vandu khu yivi.’ ”

SAMWELI 2:5

Vandu vali nivamenya nivalia vulahi vikura, nunundi vahinzilanga khu vanyole shia valia, navutswa vandu vi inzala yalumanga vayikura. Mukhali wali mukuumba wayivula vaana saba, navutswa mukhali wali niyivula vaana vanyishi warikala vutswa shikhaya.

LITSUSHITSWA 34:5

Nalwo lwa Musa wali murumishi wu Mwami Nyasaye yakhutsilayo mu shivala shia Moabu, khuli Mwami Nyasaye yali niyavoola.

LIRAANGA 47:29

Lwa matukhu keke kukhukhutsa katukha, Yakobo yalaanga mwana wewe Yosefu, namuvoolela, “Vikha mukhono kwokwo hakari ha marango kaanje khandi wisuuhi ndi shiutsitsanga khuyeveela mmbili kwanje mu shivala shia Misri tawe.

LIRAANGA 17:21

Navutswa niitsa khutsililila khurweshitsa lilakano lianje na Isaka, mwana wa Sara aliitsa khukhwivulila muhika kwa mukamba, mumatukhu khuli kanu.”

TSINGANU 24:27

Uranje khukhola muhinzilu kwokwo. Urecheshitsi shia shindu shioshio shiosi mu mulimi; numali khukhola ndio, unyala khumbakha inzu yoyo.

ISAYA 28:24

Kanyala khuva katoto mundu ulimanga mulimi ku khuraakamu viraakwa atsilililanga khulima? Ni kilikali atsilililanga khukupomola nu khukwirecheshitsa?