MWILWATSI 2:3 - IBIBILIA INDAKATIFU MU LUTIRICHI LWITAKHO NENDE LWISUKHA

³ Nachelitsa khwiyaanzitsa mwene lwa nang'wetsanga idivai, nu khwenya khumanya shivune shichilanga vandu nivava vayiingwa, inzi mwene nishitsililila khuva nu vusitsa. Nenyanga manye ni shindu shina shilahi shia vandu vanyala khukhola mu shivala shinu khumatukhu mati ka vashili mwoyo.

MWILWATSI 2:3 Iomraidhean Croise

TSINGANU 20:1

Idivai ichilanga mundu akhola shihenye henye, malwa kaleranga lilembana; mundu wakoyanyinywa navio avula vusitsa.

MWILWATSI 1:17

Nali ni shinani shiu khwenya khumanya makhuva khu vusitsa, makhuva khu vulalu nende vuyiingwa; navutswa nanyola ndi khali kenako kali vutswa khuli mundu wilukhanyinyanga vushindu.

VAEFESO 5:18

Muvuli khutandakhu idivai, shichila iliitsa khumwononyinya vutswa; nikhali, leshi Roho atsililile khuva mwoyo mu munyi.

MWILWATSI 12:13

Yaka koosi nikakhavwa, ndi ni shindu shilala shia nyenyanga khulomoloma khulondokhanakhu: Uhe Nyasaye luyali; ulonde malako keke, shichila nakwo muhinzilu kwa mundu yenyekhanga ave nakholanga.

MWILWATSI 6:12

Ni viina wamanya shindu shilahi shiu mundu anyala khunyola mu limenya lielie, mumatukhu kali mwoyo ki shikhaya vutswa mu shivala shinu, vulamu vuli khuli shinini? Ni viina unyala khuvoolela mundu kaliitsa khwikholekha khuye, namali khukhutsa?

MATAYO 6:24

“Mundu avulakhuho unyala khurumishila varuchi vavili; aliitsa khuhima mulala khandi ayaanze wundi. Aliitsa khuva musuuvilwa khu mulala, nu khuchaya wundi. Shiunyala khurumishila khulala Nyasaye nende tsisenti tawe.

MWILWATSI 7:25

Navutswa khali ndio, inzi mwene nirulitsa khuva nu vucheli khandi khweka. Nali ni lienya likali liu khwenya khumanya makhuva shichila vusitsa, khandi khuli nyala khunyola machipu khu mareevo kandi nako, khali khweka vindu vichilanga nu khukhola vindu vitamanu; khandi khuli vuyiingwa vuchilanga mundu nava mulalu.

MWILWATSI 7:18

Nu vulahi khuhaanda khu shilala mu makhono khuvira khukoritsa viosi; shichila mundu uheetsanga Nyasaye luyali avula shia aliitsa khukoritsa.

MWILWATSI 2:24

Shindu shivulakhuho shilahi shiu mundu anyala khukhola, khuvira khulia nu khung'wa; khandi khumenya limenya lilahi khurulana khu muhinzilu kwekwe kwa akholanga. Khali ndio, nalola ndi koosi karulanga khu Nyasaye;

AYUBU 14:14

Niiva mundu aliitsa khukhutsa, anyala khwisimukha khurula mu likhutsa khandi? Navutswa nalindilila khumatukhu kakholanga muhinzilu kwanje, khutukha lwa vutiinyu vwanje vuvwa.

SAMWELI 25:36

Abigaili yakalukha khu Nabali, wali nali hango nakholanga mulukha kwi lilia kwenyekhanga mwami akholelwi. Yali utandi khandi yihulilanga vulahi muno; khu shiyamuvoolelakhu shindu shiosi mavwevwe nikashili khutukha khulitukhu lialondakhu tawe.

LIRAANGA 47:9

Yakobo yavoolela Mwami wa Misri, “Mihika chianje chiu khuhaya haya ni imia indala na makhomi kavaka. Mihika chianje chiali miti khandi chiu khuvirila mu vutiinyu, khali shiunyala khulekhanyinya khumihika chia vakuuka veru vamala ni vahuya huyanga tawe.”

VAKHALACHI 9:13

Navutswa musala ku musabibu kwavoola, ‘Ndekhane nu khurulitsa idivai yanje, ilombanga vanyasaye nende vandu khuva nu vuyaanzi, khu mwamihi.’

TSABURI 104:15

khali idivai ichilanga mundu nasangala, makura ku khumuyaanzitsa, khali mukati kukhulia anyole tsingulu.

MWILWATSI 5:18

Khali ndio, mali khulola shindu shilala khuva shilahi. Nu vulahi mundu khulia nu khuva nu vuyaanzi khurulana khu muhinzilu kwa akholanga ni tsingulu nacheemulila mu shivala shinu, khumatukhu mati ka ashili mwoyo, ka Nyasaye yamuha amenye; shichila nako ka yamuviritsila.

MWILWATSI 8:15

Khulwa yako, nzitsominyanga yavo vali nu vuyaanzi mu ka vakholanga mu limenya liavo; shichila mundu avulakhu shindu shilahi shia akholanga mu shivala shinu, khuvira khulia nu khung'wa khandi khuva nu vuyaanzi mu limenya lielie. Namali khukhola kario, nalwo lwa yihulilanga ali nu vuyaanzi mu muhinzilu kwekwe kwa mwene akholanga, nu kuli kwa Nyasaye yamuha akhole mu shivala shinu.

MWILWATSI 10:19

Lilia lichilanga mundu ava nu vuyaanzi, khali idivai isangalitsanga mundu mu limenya lielie; khandi tsisenti tsiliitsa khuva khuli lichipu khu shia shindu shiosi.