MWILWATSI 2:1 - IBIBILIA INDAKATIFU MU LUTIRICHI LWITAKHO NENDE LWISUKHA

¹ Nalola nu vulahi khuva nu vuyaanzi nu khwenya khumanya makhuva khu vuyaanzi. Navutswa nanyola ndi khali kenako ni shikhaya vutswa.

MWILWATSI 2:1 Iomraidhean Croise

LUKA 12:19

nu khwivoolela mwene, uli ni vindu vinyishi vinyala khuvukula mihika minyishi. Vulamu vulava vulahi; nang'wa ninzikhoya.’

MWILWATSI 8:15

Khulwa yako, nzitsominyanga yavo vali nu vuyaanzi mu ka vakholanga mu limenya liavo; shichila mundu avulakhu shindu shilahi shia akholanga mu shivala shinu, khuvira khulia nu khung'wa khandi khuva nu vuyaanzi mu limenya lielie. Namali khukhola kario, nalwo lwa yihulilanga ali nu vuyaanzi mu muhinzilu kwekwe kwa mwene akholanga, nu kuli kwa Nyasaye yamuha akhole mu shivala shinu.

YAKOBO 5:5

Mwamenyanga mu shivala shinu mu limenya lilahi, khandi liu khuyaanzitsa likomba li mivili chienyu. Mwakhomeela mivili chienyu mumatukhu ku khusinzwa.

YAKOBO 5:1

Munyi vandu vahinda, mbulishitsi nunundi! Mwikhule numulila, shichila vutiinyu vutsitsanga khumukwila!

TSABURI 27:8

Nzivoolelanga mu mwoyo, “Hamba usaale khu Mwami Nyasaye!” Nachipa, “Mwami Nyasaye, nzitsanga khu yivi.”

YAKOBO 4:13

Mbulishitsikhu, munyi vamuvoolanga, “Nunundi inoho mukamba khulatsia khuchenda mu litaala likali lindi, wa khuliitsa khumenya khumuhika mulala khandi khukholeleyo mihinzilu chieru nu khunyola vukhala.”

TITO 3:3

Khali khutsi vene khale, khwali vandu vayiingwa, nu khwambakhana khulonda malako, nu khukhola vindu vitamanu. Khwali khuli varukwa vu khwikomba nu khuyaanzilila khukhola shia shindu shiosi lukanu na lukanu. Khwali khwakorela mu vindu vitamanu, khandi mu imbotokha; vandu valala vali vakhuhima, khali khutsi nu khuvahima khandi.

LUKA 16:19

“Litukhu lindi, khwaliho nu mundu muhinda, wali niyifwala tsinguvu tsia sambarau tsiu vukuuli vululu muno; khandi shia litukhu yali wamenya limenya liu khwiyaanzitsa mwene.

ISAYA 50:11

Loli! Munyi voosi va muvwanyinyanga mulilu mu vandi khwenya vativitswi, muliitsa khutivitswa nu mulilu kwa mwa vwanyinyanga mu vandi. Mwami Nyasaye aliitsa khuchila kikholeshe; khandi muliitsa khunyakhana vululu muno.

ISAYA 50:5

Mwami Nyasaye wanzikula maroyi kaanje, khandi shili khuhinganakhu inoho khumwambakhana.

MWILWATSI 11:9

Yivi musatsa muvukha, wikhoye lwa ushili muvukha; ukhole ka wikombanga mu mwoyo kwokwo, nuyaanzilila ka mwene ulolanga ni tsimoni tsiotsio. Nikhali uve numanyi ndi Nyasaye aliitsa khukhukhalachila khu shia shindu shiosi shia wu kholanga.

MWILWATSI 7:4

Mundu uli nu vusitsa aheendelanga mwoyo vandu vikhulanga; navutswa mundu muyiingwa wayaanza limenya liu vuyaanzi.

MWILWATSI 2:15

Nakanakana, nimbola, “Makhuva kakwilanga mundu muyiingwa kaliitsa khungwila khandi. Nu vukhala shina vwa nanyola lwa ndi nu vusitsa vunyishi?” Nanyola lichipu ndi khali kenako koosi ni shikhaya vutswa.

TSABURI 14:1

Vandu vayiingwa vivoolelanga mu mioyo, “Nyasaye avulakhuho!” Vandu venavo vakoyana, vakhola vindu vitamanu; mundu avulakhuho wu kholanga shindu shilahi.

TSABURI 10:6

Yivoolelanga mu mwoyo kwekwe, “Mbula liheenda mwoyo liosi; mbulakhu vutiinyu vwa nilinyola mu limenya lianje.”

2 VAMI 5:5

Mwami wa Siria yamuvoolela, “Simukha utsi khulola Mwami wa Israeli, umuhe ibarwa iyi.” Nalwo lwa Nahamani yasimukha natsia, nachinji ifetsa vitonye tsiheelefu makhomi kavaka, itsahabu vitonye tsiheelefu sita, nende vikhamara likhomi vi tsinguvu.

LIRAANGA 11:7

Hambi khutsi hasi, khuvakoyanyinya mulilomoloma khu vavuli khuhulishitsana vene khuvene.”

LUKA 16:23

Muhinda mwenoyo nali mu shihatisi, navirilanga mulinyakhana linyishi, yachinguula tsimoni tsietsie, nalola Aburahamu ihale wene, na Lazaro niyikhale himbi khuye.

ISAYA 5:5

“Nyenyanga khumuvoolela ka nzitsanga khukhola mu mulimi kwanje kwi misabibu: Napomola lukaka lu mulimi kwenoko makwononyinywi; Napomolanyinya lisisi liakwo makutuuvachilwi hasi.

TSINGANU 14:13

Khali vandu nivasekhanga, mwoyo nakwo kuvelelanga; navutswa vuyaanzi nu vwakhavwa matiinyu kanyolekhanga.

MWILWATSI 2:10

Navukula shia shindu shiosi, shia nali ninzikombi. Nayaanzitswa na shia shindu shiosi, shichila nali nu vuyaanzi mu muhinzilu kwanje kwa nakholanga kwosi; khandi nakwo kwali khuli murungu kwekwe.

MWILWATSI 2:25

shichila nikakhavele kario, ni viina unyala khulia inoho khumenya limenya lilahi?