Wafilipi 2:6 - Luganuzi Luswanu Kuli Wanhu Wose 2002

⁶ U Mwene ku cihuma, nhondo zose yali Mulungu ninga si yehwesa vyono u wuwa sawa no Mulungu ceze nha cinhu cono cidahile kudindimilwa kwa vilungo.

I CILAGANE CIPYA 1991

⁶ U Mwene ku cihuma, nhondo zose yali Mulungu ninga si yehwesa vyono u wuwa sawa no Mulungu ceze nha cinhu cono cidahile kudindimilwa kwa vilungo.

Wafilipi 2:6 Iomraidhean Croise

Isaya 7:14

Ale, du, ninga Muwaha Mulungu mweneco komupelenyi citanjilo. U muhinza kodinghula 'nda, nayo kolela mwana wa cilume, ne litagwa lyakwe kocemwa ‘Imanuweli.’ ”

Isaya 8:8

Nayo kohuluma no kufika sunga ko ku Yuda, kokola mose, koyigubika yisi yako yose 'gwe go Imanuweli. Ninga Mulungu yali hamonga nase! Mwene kogatandakula mabawa gakwe yayicitile yisi.”

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Yelemiya 23:6

No mutemi yuyo kolo yatema, i wanhu wa Yuda, wolowa wekaye wapolile. Hambi u mutemi yuyo nha kolocemwa, ‘U Muwaha Mulungu Muponyi wetu.’ ”

Mika 5:2

Muwaha Mulungu yakutya, “Agwe Betelehemu Efulata, agwe yo gwegwe wuli cikaya cidodo mu Yuda, ninga nomuhagula yunji ku wulawa muli'gwe mono kowa mutemi wa Isilayeli, mono wulawo wakwe wo we katali na katali.”

Zakaliya 13:7

U Muwaha Mulungu we mihanga yakutya, “Winuce 'gwe go mumaje, wumuhungucile mudimi wangu, mono yakunyitumamila. Wumuwulagaje, ne zingholo zokwiyagala, Nane nowatowanga wanhu wangu.

Matayo 1:23

“Langa ta, u musindile kolodinghula muda, nayo kololela u mwana we cilume, nayo kocemwa Emanuweli. Nhunizo yayo wo wutya, ‘U Mulungu yali hamonga nase.’ ”

Yohana 1:18

Hasina munhu mono yamuwona Mulungu hanji ho hose, u Mwana we ciwene mono wali sawa no Mulungu, mono vilunzize no Sogwe, yuyu yo yacimanyiza zo Mulungu.

Yohana 10:30

Ane na Baba yo monga.”

Yohana 10:33

Wayahudi wakamutya, “Ase si cikukutowa ne mabwe ku soko ye milimo miswanu, langa ku soko vyono wukumutovula u Mulungu! Ku soko agwe wukwinoza nha wuli Mulungu, na kumbe agwe ho wuli munhu du.”

Yohana 10:38

ninga hono niwe nghwituma na hono si munyihuwiye nene, ale mwali muyihuwile i milimo, ho mumanye no kwizuka vyono Baba yali muli nene, nane nili muli Baba.”

Yohana 14:28

Mwakondya kuhulika nghumulonjelenyi, vyono, ‘Nghubita, ninga nomuwuyilenyi kanyhi.’ Mhali munyendile, mwali musangalale, vyono nghubita kwa Baba; hambi mwene nha yo Muwaha yanyhizize ane.

Yohana 14:9

Yesu yakamutya, “Alo Filipo, i vilo vyose vivi vyono nikalane nanye, hongo wukali sinamanya? Mono yakondya kumbona ane, yamuwona na Baba. Alu kosuma nhawule kutya, ‘Wucilajile u Sogo yo Munhu.’

Yohana 17:5

Alu nhondo Baba, wunghumizyaje hali gwegwe ko lukumyo lululya lono nali nina nalo, lono yinze yali yikali hamba nawumbwa.

Yohana 20:28

Tomaso yakapitula yakamutya, “Muwaha wangu no Mulungu wangu!”

Yohana 5:18

Ku soko ye zinghani zizo, iwalongola we Wayahudi wakacila muno kulondola nzila yo kumuwulaga Yesu, si so wuhodanje wo wulajilize we Sabato du, langa na so wulonje wono yateye Mulungu yo Sogwe, na ku soko yiyo yakwinoza sawa no Mulungu.

Yohana 5:23

ho wanhu wose wamogope u Mwana, nha vyono wamogopaga u Sogo yo munhu. Mono siyakumogopa Mwana, si yakumogopa no Sogo yo munhu mono yamutuma.

Walumi 9:5

Wene wo wezukulu we wakoko, nayo Kilisito ku lubavu lo wunhu wakwe, yalawilila mu mbeyu yawo. U Mulungu mono yatemile muli vyose, yalumbwe cibitilila, Heya.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

2 Wakolinto 8:9

Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali ling'ani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lo Mulungu Muwaha no Mukombozi wetu Yesu Kilisito.

Wahebelaniya 1:3

U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu Mono Yalawiliciye.

Wahebelaniya 1:6

Ninga u Mulungu lono yamutumila kononze u Mwanagwe mulelwa mulongozi, yatya nhavi, “Ne wamalayika wose wo Mulungu, yiwanojeye wamuhembe.”

Wahebelaniya 1:8

Ninga kuli zo Mwana, u Mulungu yakutya, “U wutemi wako agwe go Mulungu, wikalaga cibitilila ne cibitilila. Nagwe kuwadimaga i wanhu wako kwe ling'ani.

Wahebelaniya 13:8

Yesu Kilisito yo yuyo du igolo ne zuwali, na ku cibitilila.

Wugubule 21:6

Hanyuma yakawa kunonjela yakutya, “Zose 'lu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kung'wa bwete, ku wulawa mu mivwilo ye malenga go wumi.