Zefwaniya 3:9 - Libuka Lya Kuyela

⁹ “Ee, ha shikati shiyo nikafutula nyambilo ya bantu, nimwabo ngayi bambenga byabiwahe, ngayi nimwabomwabo mwanga bakehanenga ha lizina lya Nyambi ya Ngula na kumutendela milimo na mutima umo tuhu.

Zefwaniya 3:9 Iomraidhean Croise

Shitatiko 11:1

Ha kutatika, bantu ba hano hanci nimwabo bekalile na lulimi lumo kami bambilenga mazu amo.

Shitatiko 4:26

Sheta wabelekele mwana wa mulume wamutumbile ngayi Enoshi. Ha shikati shiyo bantu batatikile kulemesha Nyambi ya Ngula.

Nyimbo 113:3

Ku balika ku mushamuko kukuma na ku mponci, lizina lya Nyambi ya Ngula linafwanini kuyemeziwa!

Nyimbo 22:27

Mikoka nimwayo ya hanci bakanuka na kutengulukila kuli Nyambi ya Ngula, mapashi amu matunga nimwao akamulemesha.

Ishaya 19:18

Ha mutena uyo kukekala zinkena mutanu mu litunga lya Engepita, muya bakamba mushobo wa mu Kenaani na kulemesha Nyambi wa Makunge. Umo wa neze zinkena, ukatumbiwa ngayi, “Lukena lwa mutena.”

Ishaya 57:19

Nyambi ya Ngula ukwamba ngayi, nikaleta ku mwena kunobo balikwakutali hamo nanobo bali kwakwipi, kami nika banyongomanisha.

Ishaya 6:7

Niho akwatile ha mivumbo yami na lishanga lya mundilo kami na kwamba ngayi, “Mona, mivumbo yobe yinakwatiwi naneshe, haya mulandu wobe unamana na wubi wobe unayatiliwi.”

Yelemiya 16:19

Nyambi ya Ngula obe ngovu zami na shipata shami na matinino wami ha shikati sha makando. Matunga akwakutali a hano hanci akeza kukwobe na kwamba ngayi, “Bankakazetu bekalile na banyambi bowa ba mahalo, bakubula kutenda byamina.

Ezekiyele 37:17

Nungila ebye bitondo hamo mwanga shinge shitondo shimo mu liboko lyobe.

Hambakuki 2:14

Ndaba hano hanci hakenzala kalimukisho ka maleema a Nyambi ya Ngula, ngonehe mema enzala mu liwate.

Zefwaniya 2:11

Nyambi ya Ngula ukenga wakutinisha na kubalwisha, oho akalobesha banyambi ba hano hanci, pe matunga nimwawo hano hanci akafunkama na kumulemesha.

Zakaliya 14:9

Nyambi ya Ngula ukenga mwene wa hano hanci nimwaho. Ha mutena uyo, kukekala tuhu mwene umo Nyambi ya Ngula, kami lizina lyendi likenga limo.

Zakaliya 2:11

Ha mutena uyo matunga amengi akalifungila na kwiza kuli Nyambi ya Ngula, pe bakenga bantu bami, kami ni kekala mukatikenu, kami niho eze mukalimuke ngayi, Nyambi wa Makunge niye nantumu kukwenu.

Mateo 12:35

Muntu wamuwahe watutwishanga byabiwahe bili mu shikongelo shendi shashiwahe, kami muntu wamubi watutwishanga byabibi bili mu shikongelo shendi sha shibi.

Efweshe 4:29

Mu kanwa kobe hinga mufuma shambo sha mazilo, ngoboni amba shambo shashiwahe sha kuyavwa na ku zikisha, ngayi shitweshe kuyavwa baya ba kuyuvwa.

Kuholoka 11:15

Niho lingeloyi lya mutanu na abili lyashibile mpandula yalyo, pe kwekalile mazu abilikizilenga muyilu ngayi, “Wene wa kaye unafutuku kwinga wene wa Mwene wetu na wa uya Kilishitu wendi. Kami niye ukalela mwaya myaka!”