Zefwaniya 3:8 - Libuka Lya Kuyela

⁸ Nyambi ya Ngula ukwamba ngayi, Tatililenu taha, ndaba mutena uya nikemana ngo mukakuyatisha matunga. Ndaba shifungo shami shinengi sha kukungula matunga nimwawo, na kukungwila hamo wene wa matunga. Nakuyitila wukali wami hahabo na ntukumina nimwayo ya wukali wami, ndaba ya mundilo wakupilama kwa lihungu lyami, hano hanci nimwaho ha kabanga.

Zefwaniya 3:8 Iomraidhean Croise

Nyimbo 12:5

Nyambi ya Ngula ngayi, “Haya nikeza, ndaba ba kushepwa bali na kuyandishiwa, nanaba bakuyandishiwa bali na ku shunga. Nikabalamwina ndaba bakushinga kulamwiniwa.”

Nyimbo 123:2

Mona, meho a bakamilimo akupenza ku liboko lya hekulyabo, ngonehe kami meho a mukamulimo wa mbuyama, aku penzelela ku liboko lya hekulyendi wambuyama. Nohobene etu kami meho wetu akapenzanga kukwobe, Obe Nyambi ya Ngula, Nyambi yetu, hantu unatuyamizizi.

Nyimbo 27:14

Tatililenu kuli Nyambi ya Ngula! Shumenu na kukanca! Na kutatilila kuli Nyambi ya Ngula.

Nyimbo 37:34

Tatililenu kuli Nyambi ya Ngula na kwombatala zinzila zendi, pe ukamitumbalalisha ngayi mukakone litunga, kami mukamona bakuluwa hibatandiwamo.

Nyimbo 37:7

Tatililenu muli Nyambi ya Ngula, na kumuzengamina na lunzewe. Hinga mulikekula ndaba ya nobo ba kutangama mu zinzila zabo, oho ba kutenda bya kuluwa.

Nyimbo 62:1

Hali Nyambi ninkayendi niho unakinki moyo wami, ndaba kukwendi niko kukufuma kupuluka kwami.

Nyimbo 62:5

Hali Nyambi ninkayendi niho unakinki moyo wami, ndaba kukwendi niko kukufuma kulumbeza kwami.

Nyimbo 79:5

Obe Nyambi ya Ngula, kati ukatupilamina shikati nimwasho ndi? Kati lihungu lyobe likabanga, ngonehe mundilo ndi?

Nyimbo 79:6

Tulila wukali wobe ha matunga abula kukulimuka, na ha wene ou wabulanga kulombela lizina lyobe.

Zincimpi 20:22

Hinga wamba ngayi, “Nikabwesha wubi ku wubi,” tatilila Nyambi ya Ngula niye ukakuyavwa.

Lwimbo 8:6

Nyake mu mutima wobe ngonehe limango lya shilimukisho, ngonehe limango lya makaya ku liboko lyobe, Ndaba ku haka kwekala na ngovu ngonehe lufu, lihungu lyekala na ngovu ngonehe kalunga ka bafu, wukali washo ngonehe milangi ya mundilo.

Ishaya 14:26

Eshe nisho shifungo shami ninahanganiki kutenda hano ha kaye nimwaho, elye nilyo liboko lyami ninolwele ha matunga nimwawo.”

Ishaya 30:18

Nohobene Nyambi ya Ngula, ushili kushinga ku monesha nceshe kukwenu, nohobene ukalikatula hayilu na kumiyuvwila nceshe, ndaba Nyambi ya Ngula, nengi Nyambi wayatanga na kuketula. Bali na mfuywezi baya nimwabo ba kutatilila hahendi.

Ishaya 34:2

Nyambi ya Ngula unakalihili matunga nimwawo, kami unapilamini bakanzita babo nimwabo, ukabalobeshe kulungu, unabafungulu ku kuzihiwa.

Ishaya 63:6

Nalyatangilile bakamatunga hinga napilama. Na bakolweshele na wukali wami, na kuyitila mukeza wabo hanci.

Yelemiya 10:25

Tulila wukali wobe ha matunga, aya abula kukulimuka, naha bantu baya babulanga kutoya lizina lyobe, ndaba banazihi mukoka wa Yakobo, banabazihi na kubalobesha. Bananyemunu matala wabo.

Hoshiya 12:6

Enu haya na kuyavwa kwa Nyambi, bokenu kuli Nyambi yenu, kwatishenu shishemo na kwoloka, shuminenu muli Nyambi yenu shikati nimwasho.

Yowele 3:2

Nikakungula matunga nimwao na ku baleta ku mukulo wa Yehoshafwati, pe nikabayatishila kuyo, ndaba ya bantu bami ba Ishalela aba benga likona lyami baya banapanzanishi mukati ka matunga, kami banatapa litunga lyami.

Mika 7:7

Ngoboni ami, nikazamwina meho kuli Nyambi ya Ngula, nikapenzelela kuli Nyambi mukakumpulwisha, Nyambi yami ukanyuvwa.

Hambakuki 2:3

Ndaba shimono shishili kutatilila kukuma ha shikati shasho shikwinika kutwala ku kukotoka, kukongeza shifwako. Ndi shiku moneka kwinga ngo shikwihala, shitatilile. Mwa shikuma bene shikeza, kukehala shifwako.

Zefwaniya 1:18

Shiliva hinge ngolinde yabo kuka balamwina yifwako, ha mutena uyo wa wukali wa Nyambi ya Ngula. Na lihungu lya wukali wendi, hanci nimwaho ha kahoka na mundilo, ndaba nimwabo bekala hanci ukabalobesha.

Hangayi 2:22

Nikawisha matanda a wene na kulobesha ngovu za wene wa matunga a bantu na kuziha makoloyi na bantu bakwendamo na bambishi, hamo nanobo bakandamangaho nimwabo bakaliziha umo na wamina na mikwale.

Mateo 25:32

Matunga nimwawo akakunguluka kumbili yendi, pe ukabatapulula umo kuwamina ngonehe mulishani ukutapulula bambelele ku bampongo.

2 Pita 3:10

Ngoboni Mutena wa Mwene ukeza ngo mwizi, pe mayilu akapita na miyoyo yayinene na byuma bikanyangumuka na mundilo na hanci na milimo yaho bikapeluka.

Kuholoka 16:1

Niho nayuvwile lizu lyalinene lyafumine mu Litala lya Nyambi hilyamba ku mangeloyi mutanu na abili ngayi, “Yenunga mukayitile hano hanci waine ya wukali wa Nyambi yili mu zindonga za kukunama!”

Kuholoka 16:14

Eye yinengi myoyo ya mayimbwe, yikutenda bikomokesho, yikuya ku bamyene ba mu kaye nimwako na ku ba kungula ngayi baye ku nzita ha Mutena wawunene wa Nyambi Mpandashilanga.