Zefwaniya 3:6 - Libuka Lya Kuyela

⁶ “Nanongeshakale matunga nimwawo na kulobesha bipata byabo nabipishi mikwakwa ya minzi yabo ngayi kubule muntu wa kwendamo, minzi yabo yafutukakale mapembe mwakubula bantu ba kuzikamo.

Zefwaniya 3:6 Iomraidhean Croise

Ishaya 14:26

Eshe nisho shifungo shami ninahanganiki kutenda hano ha kaye nimwaho, elye nilyo liboko lyami ninolwele ha matunga nimwawo.”

Ishaya 37:36

Lingeloyi lya Nyambi ya Ngula lyayile ku munkungwa wa Ashiliya lya kazihilemo bakanzita 185,000. Oho bapindukile lumenemene mituntu ya bantu ba kufwa yinashewama hanci shewaa.

Ishaya 6:11

Niho nepwile ngayi, “Obe Mwene, kati shikenga noho ha shikati sha kukuma hati?” Wankumbwile ngayi, “Hantu zinkena zinafutuku mapembe na mukungulu, oho mukabula wakuzikamo namatala akabula bantu bakwikalamo na mafuba akafutuka mapembe.

Yelemiya 9:12

Yelemiya wepwile ngayi, “Obe Nyambi ya Ngula kati yani wangana ukutwesha ku yuvwishisha eshe? Yani banatongweze kuli Nyambi ya Ngula ngayi ashitontolole? Kati shumangani shinengishi litunga ngayi lilobeshiwe na kufutuka mapembe kwinga ngonehe libelelengwa, ngayi kubule muntu wakupitangamo?”

Balevi 26:31

pe nikafutula minzi yenu kwinga mapembe, nikalobesha myanya yenu ya kulemeshela, pe kukayuvwa livumba lyaliwahe lya zinkombela zenu nifwako.

Zefwaniya 2:5

Makando wenu enu mwazika ha shibumbo sha liwate, enu mukoka wa Bakeleta. Lizu lya Nyambi ya Ngula lina kumilwisha, enu Bakenaani, muli mu litunga lya Bafwilishitina nenu kami nikaminongesha, kukabule hinge umo ukashalaho.

Zakaliya 7:14

Niho nabapanzanishile na kakundukundu, mukati ka matunga aya babula kulimuka. Niho bashiyile litunga ngo lipembe, kwakubula nou wakwizamo hinge kufumamo, pe elye litunga lyaliwahe, lya shalile ninkayalyo mwakubula muntu wakwikalamo.

Mateo 23:38

Haya mona, Litala lyobe lya Nyambi likashiyiwa, pe likenga lipembe.

1 Kolinte 10:11

Byuma ebye nimwabyo byatendiwile ku bankakazetu kwinga mwanza kukwetu. Nimwabyo ebye byatikitiwa mu kutubela, etu tukuyoya mu matena amamaninino.

1 Kolinte 10:6

Byuma ebye byatendiwile byenga mwanza kukwetu, ngayi hinga tulishoza byuma bya wubi, ngonehe nibo batendele,

Yoshuwa 23:4

Monenu taha napaniki litunga ku mishobo yenu kwinga likona lyenu na matunga amina ashalako kuyakako na matunga aya nakoma mwaka, kubalikila ku mbalila yaku mushamuko ku Mushinzi wa Yondana kukuma naku mponci ku Liwate lya Menditeleniya.