Zefwaniya 3:5 - Libuka Lya Kuyela

⁵ Nyambi ya Ngula wekala mukati kalwo, niye wenga wakwoloka, kaliha watendanga byabibi, lumenemene na lumenemene wayatanga na kuketula shiwahe, ha malungashiku na malungashiku ukulubuka kwakubula kukwanga, ngoboni bakakutenda wubi bakubula lisheni.

Zefwaniya 3:5 Iomraidhean Croise

Shitatiko 18:25

Mwa shikuma kukalobesha bantu bakulunga hamo nanaba bakuluwa wufwako. Shiya shinengi shashikalu, kutwesha kutenda noho wufwako. Ndi ukutenda noho pe bakulunga baka shushuliwila hamo na bakuluwa. Shinengi shashikalu, mukakuyata wa hano hanci nimwaho watendanga na kupwisha.”

Yobo 34:10

Haya yuvwililenu taha kukwami, enu bantu bakakuyuvwishisha. Nyambi kaliha wafwanina kutenda byabibi, Mpandashilanga kaliha wabipishanga.

Yobo 7:18

Ndaba wamuhengozolanga kulumenemene na lumenemene. Pe wamwezekanga ha shikati ha shikati.

Yobo 8:3

Kati Nyambi ukutengamisha ha kuyata ndi? Kati Mpandashilanga ukukwanga kutenda byabiwahe ndi?

Nyimbo 145:17

Nyambi ya Ngula wakulunga mu zinzila zendi nimwazo, wekala na shishemo mu nebye atendanga nimwabyo.

Nyimbo 37:6

Biheka byenu bya kulunga, ukabibyazimisha ngonehe lumuni na ku shambisha kwenu kukabyazima ngonehe mutena mukati ka mutwe.

Nyimbo 92:15

Aba bantu bakamba ngayi, “Nyambi ya Ngula wa kupwisha. Niye limanya lyami, mumwendi mowa byabibi.”

Ishaya 12:6

Wulumwinenu na tunkelenkele, yimbilenu nyimbo za ku wahilila enu bantu ba Ziyoni, ndaba ou wa Kuyela wa Ishalela, wamunene ou wekala mukatikenu.”

Ishaya 28:19

Makando akamizilila kami ha shikati na shikati, mukawayuvwa lumenemene na mwaana na wushiku, kami shikenga sha kutinisha ku yuvwishisha lizu lya Nyambi.

Ishaya 33:2

Obe Nyambi ya Ngula, tuyuvwileko nceshe, tukukutatilila. Winge nyala zetu ku lumenemene, kupulwisha kwetu ha bikati bya makando.

Ishaya 45:21

Ambenu, tontololenu shambo shenu, balehenu balyambashane hamo. Kati yani wambile ebye kushikale. Kati kaliha ami, Nyambi ya Ngula ndi? Kami kowa nyambi wamina wakwezeka na nami. Nyambi wakulunga, ou wapulwishanga. Kaliha kwekala wamina ndele Ami.

Ishaya 50:4

Mwene, Nyambi ya Ngula unampana bya ku fwanina kwamba, ngayi mwanga nitweshe kushumisha ba kupopa. Lumenemene na lumenemene, wantoneshanga, watoneshanga litu lyami ngayi niyuvwe ngonehe baya banalongeshiwi.

Yelemiya 21:12

“Yuvwililenu baka litala lya Ndavita kunebye nikwamba Ami Nyambi ya Ngula. Yatenunga mukupwisha ha mutena na mutena. Lamwinenu Kayunda mu maboko amukakumuyandisha na muntu ou unapukuliwi, ndi kutenda noho mufwako, ntendelo yenu yayibi yikabangiza kupilama kwami ngo mundilo ukabanga kami kowa muntu ukatwesha kukawuzima.”

Yelemiya 3:3

Nohobene ebye nibyo binakwangishi na mvula ngayi aloke, hinge mbundu yawanga mupepo naniyo kowa, ngoboni obe ku meho obe uku moneka kwinga waku wahilila na biheka bya wunjenge, kuyuvwa lisheni ufwako.

Yelemiya 6:15

Kati bali na lisheni oho ba kutenda bya wunyengwe ndi? Byo, lisheni bafwalyo, hinge kulimuka sha kuliyenena bafwako. Nohobene bakalituntula na kuwa hamo na baminabo nimwabo oho nikabashushula.” Eshe nisho anamba Nyambi ya Ngula.

Yelemiya 8:12

Kati bali na lisheni oho ba kutenda bya wunyengwe ndi? Byo, lisheni bafwalyo, hinge kulimuka sha kuliyenena bafwako. Nohobene bakalituntula na kuwa hamo na baminabo nimwabo oho nikabashushula.” Eshe nisho anamba Nyambi ya Ngula.

Malila 3:23

Byenga byabipya, lumenemene na lumenemene, kulunga kwobe Nyambi ya Ngula, kwenga kwakunene shikuma.

Ezekiyele 18:25

Ngoboni enu mukwamba ngayi, ‘Ebye atendanga Nyambi ya Ngula kaliha byabiwahe.’ Yuvwililenu kukwami, enu baka Ishalela, kati enu mu kuhanganika ngayi zintendelo zami zazibi ndi? Kati kaliha zintendelo zenu nizo zazibi ndi?

Ezekiyele 48:35

Wutali nimwawo wakuzinguluka kembi zimbalila nimwazo zinaa yengile mamita 9,000. Lizina lya luya lukena kufuma hano kutwala kumbili likatumbiwa ngayi, “NYAMBI YA NGULA ULI KUYO.”

Hoshiya 14:9

Nimwendi wangana, ayuvwishishe byuma ebye. Mukaku yuvwishisha abilame ndaba zinzila za Nyambi ya Ngula za kwoloka, pe bakwoloka bakwendamo, ngoboni bakawubi bakapukazalamo.

Hoshiya 6:5

Nohobene natumu bamiluwe bami kukwenu na mazu akuyata na kulobesha, ebye nikushinga kukwenu bya wangu kami binayuvwaniki.

Mika 3:11

Batulela bekalamo ba kuyata na kutambula mazika kanwa. Bakankombela bekalamo ba kulandiwa na mali ngayi balongeshe bantu ebye bikubawahilisha. Bamiluwe bekalamo ba kulandiwa na mali ngayi balubulwile bantu ebye bikubawahilisha. Hinge niho bakukulupila kuli Nyambi ya Ngula bakwamba ngayi, “Kowa malwa akatwalilila ndaba Nyambi ya Ngula uli mukatiketu?”

Mika 7:9

Nabipishi kuli Nyambi ya Ngula, nikatambula kashushwilo kendi, kutwala nanoho akanyuvwila nceshe na kunyatila, pe ukambweshela lumuni lwendi, kami nikamona kupulwisha kwendi.

Hambakuki 1:3

Kati shumangani ukwitabila ngayi nimone byabibi na ku monesha makando. Kuloba na mushunga bili kumbili yami, kuli tuhu mangunga na kulyamba.

Zefwaniya 2:1

Enu matunga a kubula lisheni, kungulukenu, kungulukenu hamo,

Zefwaniya 3:13

Baishalela baya bakashala kukatenda byabibi bafwako, kami kukamba mahalo bafwako, hinge ha mivumbo yabo. Bakalya na kulangana, kowa shuma sha kubatinisha.”

Zefwaniya 3:15

Nyambi ya Ngula unafumishi kuyatishiwa hahobe, unashintululu bamalamo bobe. Nyambi ya Ngula, Mwene wa Ishalela uli mukati kobe, kaliha munafwanini kwikala na bowa.

Zefwaniya 3:17

Nyambi ya Ngula, Nyambi yobe, uli hamo na nobe, uli na ngovu za kulamwina. Nyambi ya Ngula ukawahilila mumwobe, ukakukatalisha mu shishemo shendi, ukaku wahilila na kukwimbilila nyimbo.

Zakaliya 2:5

Ndaba Ami nikenga kukwendi kembi ka mundilo kakamuzinguluka, kami nikaleta wuwahe wami hahendi.’” Eshe nisho anamba Nyambi ya Ngula.

Zakaliya 9:9

Obe mwana wa mbuyama wa Ziyoni, wahilila shikuma! Obe mwana wa mbuyama wa Yelushalema, wulumwina tunkelenkele! Mona mwene yobe ulinakwiza kukwobe, wakwoloka, uli na kupulwisha, wakubomba hinga akandama ha mbongolo, mbongolo wamushe, mwana mbongolo.

Luka 12:2

Kowa sha kufwika shikabula kufwikuluka, hinge sha kuholeka shikabula kulimukiwa.

Baloma 2:5

Ngoboni uli na mutima wawukalu shikuma, kami uli na ku nenehesha kashushwilo kobe ha Mutena wa wukali wa Nyambi oho kuyata kwakwoloka kukaholoka.

Baloma 3:26

Watendele ebye ngayi amoneshe kwoloka kwendi ha shikati shino ngayi niye wa kupwisha kami niye ukwolokesha ou nimwendi ukukulupila muli Yeshu.

1 Kolinte 4:5

Nohobene hinga muyata muntu, oho shikati shilolo shikume, tatililenu hantu Mwene unezi, ou ukaleta ha mwaana byuma bya mincimpwe byaholekiwile, pe ukamonekesha bihanganiko bya mitima ya bantu, niho muntu nimwendi ukatambula kuli Nyambi kuyemeza kunamufwanini.

Ndayano 23:14

Lamenu munkungwa wenu winge wa kuyela, ndaba Nyambi ya Ngula, Nyambi yenu, uli hamo nanenu mu munkungwa mu kumilama na kupanika bamalamo benu mu maboko wenu. Hinga mutenda shuma hinge shimo shashibi shiya shikaletesha ngayi Nyambi ya Ngula akapanike mongo wendi kukwenu.”

Ndayano 32:4

“Nyambi ya Ngula unengi limanya, mulimo wendi unengi wakwoloka, nengi wakulunga na kupwisha mu zinzila zendi nimwazo. Nyambi yenu unengi wakwoloka na kubula mulandu, zintendelo zendi za kupwisha na kwoloka.

1 Pita 1:17

Nyambi shihota ufwasho, niye ukuyata muntu kwezekesha na ntendelo yendi ndi mu kumwihana ngayi Tate oho mu kulombela, pe mutendelenu milimo na bowa oho mushili muno mu kaye.