Zefwaniya 3:4 - Libuka Lya Kuyela

⁴ Bamiluwe balwo banengi bakakulilundumika na bakakubeba, bakankombela bendi banazilululu eshe shenga sha kuyela. Na kuleta mushunga ku mazu a Nyambi.

Zefwaniya 3:4 Iomraidhean Croise

Ishaya 9:15

Balume ba babakulwane na babilolo ba kupanikiwa maleema nibo mutwe, bamiluwe bakakulongesha bya mahalo nibo mushila.

Yelemiya 23:32

Yuvwililenu ebye, Nyambi ya Ngula ulinakwamba ngayi, nikulwisha bamiluwe baya ba kushimika milo ya mahalo na baya ba kubatongweza bya mahalo na kuyongesha bantu bami na mahalo na kapele kabo, oho ami hinga nabula kubatuma, hinge ku bambila noho, Nyambi ya Ngula unamba ngayi, bamiluwe aba kuyavwa bantu bami bafwako.”

Yelemiya 34:19

Bakakutwaminina mu Yunda namu Yelushalema na babilolo bamu zinkuta na bakankombela hamo na bantu nimwabo bamu litunga balimamine na nami mukwenda mukati ka bimamo bibili bya uyo mwana ngombe batabwile hakati.

Yelemiya 5:31

Bamiluwe ba kulubulula bya mahalo, bakankombela ba kutwaminina mu ngovu zabo nibo bamwine, kami ebye nibyo bakushinga bantu bami. Haya mukatenda nahiti ku mamaninino?

Yelemiya 8:10

Nohobene nikapanika bakazabo ku balume bamina kami mafuba wabo akapanikiwa kunobo bakabakoma ndaba ku balika ku wamushe kutwala ku wamunene nimwabo bali na mutongo wakuwana mali na kwongeza, kuheta na nzila ya kubula ku fwanina. Bamiluwe na bakankombela nabo kami bengakale ba mahalo.

Malila 2:14

Bamiluwe bobe bakwongezele na bimono bya mahalo, bakwongezele ha mazu wabo, kaliha ba kushiwulwile ngayi utoshe wubi wobe, ngayi mwanga utenguluke na kupuluka ku wukalu.

Ezekiyele 22:26

Bakankombela ba kukiluka ndayano zami na kubula kupana maleema byuma byami bya kuyela. Nibo bafwako kutapulula mukati ka nebye bya kuyela nanebye bya kubula kuyela, pe nibo ba kulimbulula matena ami aku Katala. Ninawana ngayi baka Ishalela bafwako kumpana maleema.

Ezekiyele 22:6

Bakakutwaminina ba Ishalela nimwabo bakuliyavwisha nyala zabo na kutenda bya wupondwa.

Ezekiyele 44:23

“Bakankombela bakalongesha bantu bami kutapuluka kuli mukati kanebye bya kuyela nanebye bya kubula kuyela na mukati ka bya ku fwanina nanebye bya kubula ku fwanina kupanika nkombela.

Hoshiya 9:7

Matena akashushwilo anakumu, matena akubabweshela anakumu. Ishalela ukalimukasho. Ndaba ya wubi wenu wawunene na nzimbo mukwamba ngayi, “Muluwe wa Nyambi unengi wakuyeba, muntu wa moyo unapempele.”

Mika 2:11

Enu mukushinga bamiluwe bali na mazu akwongeza na kwamba ngayi, “Nikulubulula kukwenu bya kuvula kwa waine na malovu.”

Mika 3:11

Batulela bekalamo ba kuyata na kutambula mazika kanwa. Bakankombela bekalamo ba kulandiwa na mali ngayi balongeshe bantu ebye bikubawahilisha. Bamiluwe bekalamo ba kulandiwa na mali ngayi balubulwile bantu ebye bikubawahilisha. Hinge niho bakukulupila kuli Nyambi ya Ngula bakwamba ngayi, “Kowa malwa akatwalilila ndaba Nyambi ya Ngula uli mukatiketu?”

Malaki 1:6

Nyambi wa Makunge ukunyanca bakankombela ngayi, “Mwana walemeekanga tatiyendi na mukamulimo walemeekanga hekulyendi, ndi Ami nili tatiyenu, maleema wami haya ali kuti? Ndi Ami nili hekulyenu, haya bowa muli nawo uli kuti? Mukuhandulu, ngoboni mukwipula ngayi, ‘Kati tunakuhandulu nahiti?’

Malaki 2:7

Wunengi mulimo wa bakankombela ku longesha kalimukisho ka Nyambi. Bantu bafwanina kuya kukwabo na kulilongesha ebye nikushinga, ndaba nibo bantumwana ba Nyambi wa Makunge.

Malaki 2:8

Ngoboni enu bakankombela munashanuku munzila ya kupwisha. Bilongesha byenu binaleteshe babengi ngayi bapukazale. Munabipishi kulimama kwami na Levi. Eshe nisho anamba Nyambi wa Makunge.

Mateo 7:15

“Keyenu na bamiluwe ba mahalo. Bakwiza kukwenu banalifwiki bitembe bya bambelele, ngoboni mukati banengi bambinzi babakali.

2 Kolinte 11:13

Bantu banoho bantumwana ba mahalo, ngoboni bakamilimo bakwongeza, ba kuliholeka na kulifwekesha nehi bantumwana ba Kilishitu.

1 Yowano 4:1

Bakakuhakiwa, hinga mu kulupila moyo nimwawo, ngoboni ezekenu myoyo hinga yinafumu kuli Nyambi, ndaba bamiluwe babengi ba mahalo banapanzanini mu kaye.

Kuholoka 19:20

Ngoboni kanzama kakwatiwile hamo na muluwe wa mahalo uya watendelenga bikomokesho ku meho wendi. (Nanebye bikomokesho, wongezele baya batambwile limango lya kanzama na baya balemeshelenga shifwekesha shendi.) Kanzama hamo na muluwe wa mahalo, wubili wabo bayumbiwile hibayoya mu liziba lya mundilo likubanga na shalufwa.

Bakakuyata 9:4

Bamupanine muwayawaya 70 wa shiliva wafumine ku litala lya Mbaalu Mbeliti na mali awa atambwilenga. Ambimeleki watapishilile bihulahuli byowa ngayi bamukonke.

1 Shamwele 2:22

Haya Eli wengakale hikakulukazi, wayuvwile byuma nimwabyo biya batendelenga bana bendi babalume ku Baishalela pe kami batendelenga lwiholwiho na bambuyama aba batendelelenga mulimo wa Nyambi ya Ngula ku menginino a ntanda ya shikungulukilo.