Zefwaniya 3:2 - Libuka Lya Kuyela

² Lukena lwabulukanga kuyuvwilila ku lizu, hinge kutengululiwa. Kaliha lwa kulupilanga muli Nyambi ya Ngula, kami kunyepa kuyavwa kwa Nyambi lufwako.

Zefwaniya 3:2 Iomraidhean Croise

Nehemiya 9:26

“Ngoboni hinge noho, bantu bobe ba kufutulukilile, na ku kulimbwilisha nakufutamina mazu obe. Bazihile bamiluwe bobe aba bababelelenga, aba babatongwezele ngayi baboke kukwobe. Bonzelelenga kukuhandula,

Nyimbo 10:4

Muntu wakuluwa kulifulankana Nyambi ufwako, na mutima wakuliyemeza ukwamba ngayi, “Nyambi kowa.”

Nyimbo 50:17

Ndaba wazimba kukutengulula, kami wakananga mazu wami.

Nyimbo 73:28

Ngoboni nehe ami, shinengi shashiwahe kwikala hahepi na Nyambi. Mwene Nyambi ya Ngula, Nyambi yami niye nafutuku kwinga shiholamino shami, ngayi mwanga nitontolole ebye nimwabyo anatende.

Nyimbo 78:22

ndaba babulile kukulupila muli Nyambi, kami kaliha bamukulupilile ngayi ukabapulwisha.

Zincimpi 1:7

Kuyuvwila Nyambi ya Ngula bowa niwo mabalikilo a ngana, ngoboni muntu wakuyeba ukukana ngana na bilongesha.

Zincimpi 5:12

Pe ukamba ngayi, “Shumangani shankwangishile kulilongesha? Bishini nakaninine bantu kunyambila.

Ishaya 1:5

Kati shumangani mushili kushinga ku shushuliwa kami? Shumangani mushili kwonzela kumfutulukila? Mutwe wobe ukukola na mutima wobe unapopo.

Ishaya 29:13

Mwene ukwamba ngayi, “Aba bantu ba kundemeeka na mivumbo yabo, ngoboni mitima yabo yili kwakutali na nami. Bali na kundemesha na ndayano zinatendiwi ku bantu, eze ba ku longesha.

Ishaya 31:1

Makando wabo aba bakuya ku Engepita na kushinga kuyavwiwa ku Engepita. Bakukulupila mu bambishi, na makoloyi ndaba enga amengi, na kukulupila ha naba bakandamanga ha bambishi ndaba banengi ba kushuma shikuma, ngoboni kupenza ku wa Kuyela wa Ishalela bafwako, hinge kwipwiziza kuli Nyambi ya Ngula.

Ishaya 43:22

Ngoboni kaliha wanyihanine obe Yakobo, kami obe Ishalela wakwangile hahami.

Ishaya 9:12

Baashiliya ku mushamuko na Bafwilishitina ku mponci, banayahamishi tunwa twabo kuvwota Ishalela. Hinge noho wukali wa Nyambi ya Ngula kukafwomoka wufwako na liboko lyendi lishili kukolobela mu kushushula.

Yelemiya 13:25

Eshe nisho shitapilo shobe nili na kutenda hahobe, ndaba ngayi obe Yunda unavulama pe unakulupili mu mahalo. Eshe nisho anamba Nyambi ya Ngula.

Yelemiya 2:30

Nashushwile banabenu, ngoboni kaliha mwalilongesheho ha shuma eshe. Ngonehe shimbwi wamukali, mwazihile bamiluwe benu na mukwale.

Yelemiya 22:21

Nyambi wambile kukwenu oho mwatangamininenga, ngoboni mu kuyoya kwenu nimwako mwakanine kumuyuvwilila. Mwakanine kwombatala Nyambi ya Ngula.

Yelemiya 32:33

Banampenzeshe mongo, hinge ndi nazaminine kubalongesha, ngoboni kaliha banyuvwile hinge ndi kwombatala ku longesha kwami.

Yelemiya 35:13

“Ami Nyambi wa Makunge, Nyambi wa Ishalela nikwamba ngayi, yanga ukatongweze bantu ba Yunda naba bali mu Yelushalema ngayi, Shumangani mu kubula ku yuvwishisha na kwombatala mazu wami.”

Yelemiya 35:17

Haya Nyambi wa Makunge, Nyambi wa Ishalela ukwamba ngayi, “Nikaleta makando nimwawo aya natoyele ha bantu nimwabo ba Yunda na baya bali mu Yelushalema. Nambile kukwabo, ngoboni kaliha banyuvwile. Nabehanine ngoboni kaliha bankumbwile.”

Yelemiya 5:3

Obe Nyambi ya Ngula, kati meho obe kaliha atilaminanga ha bya kupwisha ndi? Wabakamine ngoboni kaliha bayuvwile kukola, wabashushwile ngoboni kaliha batengulukile, bakaluhishile mitima yabo kupitakana mamanya, pe bakanine kutenguluka.

Ezekiyele 22:24

“Obe mwana muntu, tongweza baka Ishalela ngayi litunga lyabo lya kubula kuyela, kami kukabula mvula nikabashushula mu kupilama kwami.

Ezekiyele 24:13

Obe lukena, linyawe lyobe watendanga linakubipishi. Hinge noho ami nashingile kukuyelesha, ngoboni kuyela wufwako. Kami kukayeleshiwa wufwako kutwala ha shikati ukayuvwa ulemu wakupilama kwami.

Zefwaniya 1:6

Nikalobesha baya banamfutamini na kubula kunkonkezeka, hinge kwipula ngayi nibatwaminine.

2 Timoteo 3:16

Byatikitiwa nimwabyo byaholokele na Moyo wa Nyambi bikuyavwa kuku longesha, ku shiwulula, kutengulula na kufundiziza ngayi muntu ayoye mukwoloka,

Bahebelu 10:22

Haya tuyenunga tuhenyene kuli Nyambi na mutima wakubomba na kukulupila kwa kupwisha na mitima yinayeleshiwi ya kubula bihanganiko byabibi na zinyutu zinayoweshiwi na mema akuyela.