Zefwaniya 3:12 - Libuka Lya Kuyela

¹² Ndaba nikayaka mukati kenu bantu ba kubomba na kulishepesha. Nibo ba kuholama mu lizina lya Nyambi ya Ngula.

Zefwaniya 3:12 Iomraidhean Croise

Ezila 9:8

Ngoboni haya Obe Nyambi ya Ngula, Obe Nyambi yetu, shikati tuhu shashishe, wekala na nceshe kukwetu za kutushiyilaho mashaliza ngayi bapanze mu wulungo na kwiza mukwikala shiwahe mu mwanya owe wakuzila. Unatuyoyeshe hinge ndi tuli mu wulungo.

Nyimbo 37:40

Nyambi ya Ngula ukubayavwa na ku balamwina, ukubalamwina kubakuluwa, na kubapulwisha ndaba ba kuholama mumwendi.

Ishaya 14:30

Bancepwe shikuma bakawana mabuyishilo, kami wakubulabyo ukalala mu ku mwena. Ngoboni nikalobesha mupishi wobe na kapande, kami nikaziha mashaliza bobe.

Ishaya 14:32

Muntu ukakumbula nahiti bantumwana ba matunga? Nyambi ya Ngula naziki Ziyoni, pe bantu bendi bakuyandishiwa bakawana shiholamino mu Ziyoni.

Ishaya 29:19

Bakakulilimbwilisha bakawana ku wahilila muli Nyambi ya Ngula, pe bancepwe bakawahilila ndaba ya wa Kuyela uya wa Ishalela.

Ishaya 50:10

Kati bayani hakati kenu ba kutina Nyambi ya Ngula, na kwombatala lizu lya mukamulimo wendi? Ou ukwenda mu mincimpwe na kubula mwaana, ngoboni ukukulupila mu lizina lya Nyambi ya Ngula, na kukinka mutima hali Nyambi yendi.

Ishaya 6:13

Hinge ndi umo mukati ka bantu likumi ukashala muyo, naye kami ukalobeshiwa. Ukafweka ngonehe lishina lya mitondo ya telebini na oka lya shiyanga lishina ndi yinatemiwi.” Lishina likwimanina mabalikilo amapya a bantu ba Nyambi.

Yelemiya 17:7

Ngoboni mfuywezi zili ha muntu ukukulupila muli Nyambi ya Ngula, kulumbeza kwendi kuli tuhu muli Nyambi ya Ngula.

Yelemiya 50:20

Nyambi ya Ngula unakwamba ngayi, “Ha mutena uyo, kowa milandu yikawaniwa mu Ishalela, kami kowa wubi ukawaniwa mu Yunda, baya bantu banashalaho nikabayatila.”

Ezekiyele 6:8

“Ngoboni nikaleha bamina bakenga babomi, bakapuluka ku nzita pe nikabapanzanishila ku matunga amina, hakati ka bantu ba mishobo yashenge.

Mika 5:6

Bakalela litunga lya Ashiliya na Nimulondi na mpoko ya mukwale. Bakatulamwina ku Baashiliya, oho bakengina mu litunga lyetu kuzinguluka na kubelamina ku zinginza zetu.

Nahumi 1:7

Nyambi ya Ngula wamuwahe, shipata sha kushuma ha mutena wa malwa. Walimuka baya batininanga mumwendi kushinga kuyavwiwa.

Zakaliya 11:11

Kuya kulimama, kwamanine wawuya mutena, pe bambelele baya bayandishiwilenga, baya bamonene ebye natendele, balimuke ngayi, linengi lizu lya Nyambi ya Ngula.

Zakaliya 11:7

Niho nengile mulishani wa bambelele baya balandiwile kuya mukuzihiwa. Nashimbile miwana yibili ya wulishani, muwana umo nawutumbile ngayi, “Nceshe,” wamina ngayi, “Umo” pe nabuyishilenga bambelele.

Mateo 11:5

Tushishitwa ba ku mona, bakakupenga bakwenda, bakabimakwa ba kunyongomana, bizikamatu ba kuyuvwa, bafu ba kushanguka, kami ncango zaziwahe zikushimikiwa ku bakakushepwa.

Mateo 12:21

Mu lizina lyendi matunga bakalumbeza.”

Mateo 5:3

Bali na mfuywezi baya ba kuliyuvwa kushepwa mu moyo, ndaba wene wa muyilu unengi wabo.

Baloma 15:12

Naniye muluwe Ishaya wambile kami ngayi, “Umo ku mupishi wa Njeshe ukatundula. Ukeza na kulela Bakamatunga, kami Bakamatunga bakamukulupila.”

Yakoba 2:5

Yuvwililenu, bawushinda wami ba kuhakiwa! Nka Nyambi unahata bakakushepwa ba litunga lino benge bakakuheta mu kukulupila na bakakukona wene ou a kulupishile kukwabo ba kumuhaka?

1 Pita 1:21

Kupitila mumwendi mu kukulupila muli Nyambi, ou wamushangwile ku bafu, kami wamupanine wuwahe, nohobene kukulupila na kulumbeza kwenu bili muli Nyambi.