Zefwaniya 3:11 - Libuka Lya Kuyela

¹¹ Ha mutena uyo kukayeneshiwa mufwako ndaba yantendelo yenu iya mwamfutukilile, ndaba nikafumisha bakakuliyemeza mukati kenu, pe kukaliyemeza kami ha lipili lyami lya kuyela mufwako.

Zefwaniya 3:11 Iomraidhean Croise

Nyimbo 131:1

Obe Nyambi ya Ngula, mutima wami kuliyemeza ufwako, kami meho wami kubangalala afwako. Kulifulankana na byuma byabinene hinge na byuma bya kukomokesha shikuma kukwami nifwako.

Nyimbo 49:5

Kati nafwanini kutina bikati byabibi bikwiza, oho bamalamo bakuluwa ba kunzinguluka ndi?

Nyimbo 59:12

Wubi uli mutunwa twabo, na mazu abo amabi shikuma. Mwanga bakwatiwe mu kuliyemeza kwabo ndaba ya mahalo na bikuto ebye bakwamba.

Ishaya 11:9

Ha lipili lya kuyela lya Nyambi ya Ngula, kowa ou ukalemeka hinge ou ukanongesha, ndaba hano hanci hakenzala na kalimukisho ka Nyambi ya Ngula, ngonehe mema akenzalisha liwate.

Ishaya 2:12

Nyambi wa Makunge ukashepesha muntu nimwendi mukakuliyemeza na mukakulilundumika. Shuma nimwasho sha yemeziwile shikashepeshiwa,

Ishaya 45:17

Ngoboni Ishalela unapulwishiwi kuli Nyambi ya Ngula, na kupulwishiwa kwa mwaya myaka, bantu bendi kukayuvwa lisheni bafwako.

Ishaya 5:15

Bantu bakashepeshiwa, muntu nimwendi ukombatalishiwa. Na meho a bakakuliyemeza akombatalishiwa.

Ishaya 54:4

Hinga mutina, ndaba kukayeneshiwa mufwako, hinga uvulanganyiwa, ndaba kukayuvwishiwa lisheni wufwako. Ukavulama lisheni lya wundumbana wobe, na likendu lya kukendiwa wobe kukalyanuka kami wufwako.

Ishaya 56:7

Nikabaleta ku lipili lyami lya kuyela, nikabengisha ba ku wahilila mu Litala lyami omu muli bantu ba kulombela kukwami. Zintupu na zinkombela zabo za kuhokesha bikatambuliwa ha kaala kami, Ndaba litala lyami likatumbiwa ngayi litala lya malombelo, lya bantu nimwabo.

Ishaya 61:7

Kupitakana kwikala na lisheni, mukekala shitapilo kabili. Kupitakana ku shampuliwa, mukawahilila mu likona lyenu, nohobene mukatambula bitapilo bibili mu litunga lyenu, ku wahilila kwenu kukekala mwaya myaka.

Yelemiya 13:9

“Eshe nisho akwamba Nyambi ya Ngula, nisho eze akamanishe kuliyemeza kwa bantu bamu Yunda na kulilundumika kwa baya bali mu lukena lwa Yelushalema.

Yelemiya 7:4

Haya shiyenu kukulupila ku mazu akwongeza akwamba tuhu ngayi, ‘Elye nilyo Litala lya Nyambi ya Ngula.’ Twapulwishiwakale. ‘Elye nilyo Litala lya Nyambi ya Ngula, elye nilyo Litala lya Nyambi ya Ngula.’ ”

Ezekiyele 20:40

Nyambi ya Ngula unakwamba ngayi, “Ha lipili lyami lya kuyela lya Ziyoni, lipili lyalitali mu Ishalela, nimwenu Baishalela mukandemeshelaho muyo mu litunga. Ami nikamiwahilila na zinkombela mu kundetela na zintupu zenu zaziwahe na bishemo byenu bya kuyela.

Ezekiyele 24:21

nipanike enu bana ba Ishalela lizu elye likufuma kukwendi. Enu mu kuliyemeza ha ku shuma kwa Litala lya Nyambi. Enu mwahakilenga kulitilamina na kulizingula. Ngoboni Nyambi ya Ngula ukalifumisha. Bana benu babalume na ba bambuyama baya bashalile mu Yelushalema bakazihiwa na mukwale.

Ndanyele 9:16

Obe Mwene, kuya na milimo yobe ya kulunga, pe haya libelulule ku kupilama kwobe naku wukali wobe, hinga upilamina Yelushalema. Olu lwenga lukena lwobe na shinkanda shobe sha kuyela. Bantu nimwabo bamu matunga a hahepi batilamina kale Yelushalema na ha bantu bobe kwinga likendu ndaba ya wubi wetu na milandu batendele bankakazetu.

Ndanyele 9:20

Shikati shiya nambilenga na kulombela na kulitabila wubi wami na wubi wa bantu bami Baishalela na kunyepa kuli Nyambi ya Ngula, Nyambi yami, bya shinkanda shendi sha kuyela,

Mika 3:11

Batulela bekalamo ba kuyata na kutambula mazika kanwa. Bakankombela bekalamo ba kulandiwa na mali ngayi balongeshe bantu ebye bikubawahilisha. Bamiluwe bekalamo ba kulandiwa na mali ngayi balubulwile bantu ebye bikubawahilisha. Hinge niho bakukulupila kuli Nyambi ya Ngula bakwamba ngayi, “Kowa malwa akatwalilila ndaba Nyambi ya Ngula uli mukatiketu?”

Kulaba 16:3

Bakungulukilile kuli Moshesha na Aloni bambile kukwabo ngayi, “Enuboni kami munayi kwakutali shikuma! Likunge lya bantu nimwabo lya Baishalela bakwinga banalifungwili kuli Nyambi ya Ngula, kami Nyambi ya Ngula uli hamo na nimwetu. Shumangani boni obe Moshesha, kati ukuliyaka hayilu ya likunge lya bantu nimwabo lya Baishalela?”

Mateo 3:9

Kami hinga mwamba mu mitima yenu ngayi, ‘Tuli na tatiyetu Abulahama.’ Haya nikumitongweza ngayi Nyambi ukutwesha kushimba ku nawa mamanya na kuwafutula kwinga bana ba Abulahama.

Baloma 2:17

Haya obe ndi ukulitumba obe mwine ngayi uli Kayunda, kami ukukulupila mu mulao wa Nyambi na kuliyemeza muli Nyambi,

Baloma 9:33

nehi kwatikitiwa ngayi, “Monenu, nikulangika mu Ziyoni limanya likapukalisha bantu, na limanya likabawisha. Nimwendi ou ukakulupila mumwendi kukayuvwa lisheni wufwako.”

1 Pita 2:6

Nohobene byatikitiwa bikwamba ngayi, “Mona nahata limanya lyaliwahe, nikalilangika mu Ziyoni, kwinga limanya lya mu nkomi, pe nimwendi ukakulupila mumwendi, kukayuvwa lisheni wufwako.”