Zefwaniya 3:10 - Libuka Lya Kuyela

¹⁰ Ku balika mu nciza ya mishinzi ya litunga lya Kushi bakandemesha, bantu bami baya bapanzana, bakaleta zintupu kukwami.

Zefwaniya 3:10 Iomraidhean Croise

Nyimbo 68:31

Bankamba bakafuma ku Engepita, Baetopya bakakatula maboko wabo na kulombela kuli Nyambi.

Ishaya 11:11

Ha mutena uyo, Mwene ukwolola liboko lyendi kawubili na kubwesha mashaliza a bantu bendi, baya bali mu Ashiliya na Engepita na Patiloshi na Etopya na Elamu na Mbambiloniya na Hamati namu bikuli bya ku liwate.

Ishaya 11:12

Nyambi ya Ngula ukemika ndembela kwinga ya shimonekesho ku matunga na kukungula bantu ba Ishalela nimwabo bali mu wuntapwa. Ukakungulula hamo bantu ba Yunda banapanzanini mu zinkomi zinaa za hano ha kaye.

Ishaya 18:1

Makando ku bantu bekala mu litunga lya ha nciza ya mishinzi ya Etopya! Kukuyuvwanika mungunina wa mbando.

Ishaya 18:7

Ha shikati shiyo ntupu yikaletiwa kuli Nyambi wa Makunge kufuma ku bantu babatali ba kulembuka bikonde, na bantu ba kutinishiwa ba hahepi na bakwakutali, litunga lya ngovu likakoma litunga lya tapululiwa na mishinzi, ntupu yikaletiwa ku lipili lya Ziyoni, oku bantu bakulemesha Nyambi wa Makunge.

Malaki 1:11

Lizina lyami lyalinene hakati ka matunga nimwawo, kufuma kukututika kwa mutena kutwala na kukulela kwawo. Muzimbalila nimwazo incence ya kuhokesha iya yatutwishanga livumba lyaliwahe yatupuliwanga ku lizina lyami, na ntupu ya kuyela kulemeeka lizina lyami. Ndaba lizina lyami lyalinene mukati ka matunga.” Eshe nisho anamba Nyambi wa Makunge.

Yowano 7:35

Bayunda bambile mukati kabo ngayi, “Kati ou muntu ukushinga kuya kuti ngayi etu tukabule kumuwana? Ukaya ku bantu betu baya banapanzanini mukati ka Bangiliki na kubalongesha ndi?

Milimo 24:17

“Munyima ya myaka yayingi nekalile kwakutali na Yelushalema, nezile kuleta bya kuyavwa ku bawushinda wami na kutupula zinkombela.

Milimo 8:27

Wakatukile, wayile. Waliwanine na ntatula waku Etopya, wengile shilolo wamunene, ou walaminenge wuheti nimwawo wa Kandashi mwene wa mbuyama wa litunga lya Etopya. Uya muntu wafuminenga ku Yelushalema kuya ayile na kulemesha Nyambi.

Baloma 15:16

ngayi nitende mulimo wa Yeshu Kilishitu ku Bakamatunga. Wampanikile mulimo wa ku shimikila ncango zaziwahe za Nyambi ngo mukankombela, ngayi Bakamatunga batambuliwe ngo nkombela yinayeleshiwi na Moyo wa Kuyela.

1 Pita 1:1

Ami Pita, ntumwana wa Yeshu Kilishitu. Nikutikitila liñwati elye kukwenu ba kuhatiwa kuli Nyambi banapanzana kwinga bayeni mu litunga lya Pontashi na Ngalatiya na Kapandoshiya na Esha na Mbitiniya.