Zefwaniya 2:8 - Libuka Lya Kuyela

⁸ Nyambi ya Ngula unakwamba ngayi, “Nayuvwu lihandu lya Mowambi na matuka a Baamoni, eshe banahandulu bantu bami na kulilundumika ha litunga lyabo.

Zefwaniya 2:8 Iomraidhean Croise

Amoshi 1:13

Eshe nisho akwamba Nyambi ya Ngula ngayi, “Bantu ba Amoni banatende wubi wawingi shikuma, mwa shikuma nikubashushula, ndaba yakuloshola bana mu mavumo a bambuyama ba mu Ngiliyande ngayi baneneheshe litunga lyabo.

Yelemiya 49:1

Nyambi ya Ngula ukwamba ha baka Amoni ngayi, “Kati Ishalela wufwabo bana babalume ndi? Kati kowa ncwana yendi ndi? Shumangani nyambi Milikomu na bantu bendi ba kukonena litunga lya Ngandi na kuzikamo?

Ezekiyele 36:2

Ndaba bamalamo benu bambilenga ngayi, ‘Haya aya mapili aku mwaka etu tuku wakona.’ ”

Yoshuwa 5:9

Kami Nyambi ya Ngula wambile kuli Yoshuwa ngayi, “Nafumishi kukwenu lelo lihandu lya kwinga bandungo mu Engepita.” Shiya nisho shuma shikutumbiwila mwanya uya lizina lya Ngilingale, Ngonehe lishili kutumbiwa na kulelo.

Ishaya 15:1

Eze nizo ncango zaha litunga lya Mowambi. Mwa shikuma wushiku umo tuhu bamalamo banalobeshe nkambe ya, Kili Mowambi hi lipembe. Mwa shikuma wushiku umo tuhu bamalamo banalobeshe nkambe ya Ali na Kili, Mowambi hi lipembe.

Ishaya 16:6

Bantu ba ku Yunda bakwamba ngayi, “Tunayuvwu kuliyemeza kwa Mowambi, na kulilundumika kwendi na bya wukali wendi, ngoboni kulitemba kwendi kwa nahiya.”

Yelemiya 12:14

Nyambi ya Ngula ukwamba ngayi, “Nehiboni ha bandambo bakuluwa ba Ishalela aba banapukulu litunga napanine ku bantu bami ba Ishalela. Nikabafumisha mu matunga wabo, ngonehe bazulanga mutondo, nikalamwina bantu ba Yunda mukatikabo.

Malila 3:61

Obe Nyambi ya Ngula, unayuvwu eshe bali na kuhandula, ulimuka na biyongola byabo nimwabyo.

Ezekiyele 21:28

“Obe mwana muntu, lubulula na kubilika ebye nikwamba Ami Nyambi ya Ngula ha baka Amoni aba bali na kuhandula Ishalela. Batongweze ngayi, ‘Mukwale unaliwahishili kunongesha. Niwo unalombiwili kuziha, ukubyazima ngonehe lumuni.’

Amoshi 2:1

Eshe nisho akwamba Nyambi ya Ngula ngayi, “Bantu Bamowambi banatende wubi wawingi shikuma, mwa shikuma nikabashushula, ndaba bahandwile mwene wa Endoma ha kuhokesha bifupa byendi.

Zefwaniya 2:10

Eshe nisho bakatambula ha kuliyemeza kwabo, ndaba bashilawizile na kuliyemezela ha bantu ba Nyambi wa Makunge.

Shitatiko 19:37

Mwanendi wamukulwane wabelekele mwana wamulume wamutumbile lizina ngayi Mowambi, niye nkaka Bamowambi kuleta na ku mutena walelo.

Shitatiko 19:38

Wakanuke wabelekele mwana wa mulume, wamutumbile lizina ngayi Mbena Ami niye nkaka ya Baamoni kuleta naku mutena walelo.

Yelemiya 48:1

Ha bya litunga lya Mowambi, Nyambi wa Makunge, Nyambi wa Ishalela ukwamba ngayi, “Malwa akeza ha bantu ba Nembo, ndaba munzi wabo walobakale. Kiliyatayimu ukayuvwa lisheni ndaba ukakwatiwa. Bipata byabo bya ku shuma bikanyemukila hanci, pe bakayuvwa lisheni.

Ezekiyele 25:1

Nyambi ya Ngula wambile kukwami ngayi,

Ezekiyele 35:12

Pe ukalimuka ngayi Ami Nyambi ya Ngula nayuvwile matuka nimwawo wambile ha bya mapili a Ishalela, kami wambile ngayi haya nimwabyo byashalakale nahiya kami byapanikiwakale kukwobe ngayi mwanga ubivote.