Zefwaniya 2:3 - Libuka Lya Kuyela

³ Shingenu Nyambi ya Ngula, enu bamu litunga nimwenu, enu mwombatalanga na kutenda ndayano zendi, shingenu byakwoloka, shingenu kubomba. Kampe mukaholekiwa ha mutena wakupilama kwa Nyambi ya Ngula.

Zefwaniya 2:3 Iomraidhean Croise

2 Shamwele 12:22

Ndavita wetabilile ngayi, “Ee nalizilikile kulya na kulila oho engile wamumi na hanganikile nami ngayi kampe Nyambi ya Ngula ukunyuvwila nceshe na kubula kwitabila ngayi kanuke afwe.

Nyimbo 105:4

Shingashingenu Nyambi ya Ngula na ngovu zendi, shingenu lupala lwendi shikati nimwasho.

Nyimbo 149:4

Ndaba Nyambi ya Ngula uku wahilila na bantu bendi, wapanikanga ku bakakulilimbwilisha munana wakupuluka.

Nyimbo 22:26

Batuyande bakalya na kwikuta, aba bakwiza kuli Nyambi ya Ngula bakamuyemeza. Mwanga bakayoye mwaya myaka.

Nyimbo 31:20

Ukubakoweza ku lubeta lwa bantu mu kampenci ka ku meho wobe. Wabalamine shiwahe mu munkungwa wobe ku lihandu lya bamalamo babo.

Nyimbo 45:4

Mu maleema a wene wobe kandama yanga na kukona bamalamo bobe, kuya mu kulwila kupwisha na kuyata byakwoloka. Leha liboko lyobe lya shilyo litende milimo ya kukomokesha.

Nyimbo 57:1

Obe Nyambi, nyamizize, ndaba moyo wami ukuholama mumwobe. Nikuholama mu mumvulu wa mbando zobe, hantu malamo nimwawo anamana.

Nyimbo 76:9

Oho Obe Nyambi wakatukile na kuyata, na kulamwina bakuyandishiwa hano hanci.

Nyimbo 91:1

Ou nimwendi ukwikala mu ntanda ya Wakukangana, ukawana kukatala mu mumvulu wa Mpandashilanga.

Kututika 12:27

Mukabatongweze ngayi, ‘Eshe shinengi nkombela ya kwanuka Kupitilila kwa Nyambi ya Ngula na kumulemeeka, ndaba wazihile Baengepita ngoboni etu watutetelelele.’” Baishalela bafunkamine hanci na kulemesha.

Zincimpi 18:10

Lizina lya Nyambi ya Ngula niko kapeshi kakushuma, muya bakwitukila bantu bakulunga ngayi bakapuluke

Ishaya 1:17

Lilongeshenu kutenda byabiwahe. Tendenu kuya na ndayano, kanishenu bakakuyandisha baminabo, lamwinenu banginga na kuyavwa byambo bya bamfwile.”

Ishaya 11:4

Ngoboni ukayata ba kuyanda na kulunga, ukaketula na kupwisha byambo bya bakakulilimbwilisha. Ukakama kaye na muwana wa kanwa kendi, pe muuku wakufuma ha mivumbo yendi ukaziha bakuluwa.

Ishaya 61:1

Moyo wa Nyambi ya Ngula uli hahami, ndaba unangwabishi mu ku shimikila ncango zaziwahe ku ba kushepwa. Ku manga mitima ya ba kupokoka. Unantumu mu kubilika ku shoboloka ku bantapwa, ku shobolola baya banalyatilili na ku shimikila, kami mu kufumisha baya banamangiwi mu tolongo.

Yelemiya 39:18

Nikakulamwina, kukafwa kunzita wufwako. Ukapanza na wumi wobe, ndaba unakinki mutima mumwami.’ ” Eshe nisho anamba Nyambi ya Ngula.

Yelemiya 45:5

Kati ukulishingila byuma byabinene obe mwine ndi? Hinga ulishingilabyo ndaba ninakuleta makando ha bantu nimwabo, ngoboni nika kukinga ku lufu ku zimbalila nimwazo oku ukaya.’ Eshe nisho anamba Nyambi ya Ngula.”

Ezekiyele 13:5

Kaliha banakandama ha kembi ngayi bakawahishe, hinge ngayi batendulule kembi aha kanabipi ngayi Ishalela akatweshe kwimana ha mutena wa nzita ya Nyambi ya Ngula.

Hoshiya 10:12

Lishangilenu kwoloka, pe mukateza mfuywezi zami za shishemo sha kubula kumana. Shendekenu mafuba wenu a nteme amu mitima ndaba shikati sha kushingashinga Nyambi ya Ngula shinakumu. Shingashingenu Nyambi ya Ngula hantu nezi na kumi lokeshela mvula wakupulwisha.

Hoshiya 7:10

Kuliyemeza kwa Ishalela kukumupaka niye mwine, ngoboni kuboka kukwami Ami Nyambi ya Ngula, Nyambi yabo bafwako, hinge tuhu ku mushingashinga ndaba yanebye nimwabyo bafwako.

Yona 3:9

Yani ukulimuka, kampe Nyambi ukulibelulula na kuleha wukali wakupilama kwendi, ngayi abule kutulobesha?

Zakaliya 8:19

Eshe nisho anamba Nyambi wa Makunge ngayi, “Kuzila kulya kwa ngonda ya wunaa, ya mutanu naya mutanu na zibili na ya wulikumi bikenga bikati bya ku wahilila na kutangala, kami bikenga bimbo bya ku wahilila ku baka litala lya Yunda. Nohobene hakenu bya kupwisha na ku mwena.”

Mateo 5:5

Bali na mfuywezi baya ba kulilimbwilisha, ndaba bakakona hano hanci.

1 Teshalonika 4:1

Ha kumanisha, bawushinda, tukumilomba na kumi kowamina muli Mwene Yeshu ngayi, nehi twamilongeshele, yoyenu na kuwahililisha Nyambi, ngonehe muli na kuyoya, pe pitakanishenu kutenda noho.

1 Teshalonika 4:10

Mwa shikuma muli na shishemo ku bawushinda nimwabo bali mu Mashendoniya, haya tukumilomba bawushinda ngayi mupitakanishe kutenda noho.

1 Pita 1:22

Ndaba munayeleshe mitima yenu hakwombatala kupwisha, haya lihakenu na shishemo sha kubula shishweka ku bawushinda bakakukulupila, monenu ngayi munalihaka umo na wamina na mutima wa kuyela.

1 Pita 3:4

Ngoboni kulihongozola kwenu kwinge kwa mu mutima wakulilimbwilisha na ku mwena, moyo wanoho ku meho a Nyambi wa ndando yayinene.

2 Pita 3:18

Ngoboni kulenu mu nceshe na mu kalimukisho ka Mwene na Mupulwishi wetu Yeshu Kilishitu. Kukwendi kwikale wuwahe shikati shino na mwaya myaka! Ameni.