Zefwaniya 1:7 - Libuka Lya Kuyela

⁷ Mwenenu ku meho a Nyambi wa Makunge, ndaba ha mutena uyo wa Nyambi ya Ngula uli hahepi. Nyambi ya Ngula unawahishi nkombela na kuzilika nimwabo aba anehana.

Zefwaniya 1:7 Iomraidhean Croise

Yobo 24:1

Kati shumangani Mpandashilanga, a kubula kulama matena akuyata? Kati shumangani baya bamulimuka bakubula ku mona matena endi?

Nyimbo 46:10

Nyambi ukwamba ngayi, “Lehenu kulwa, pe limukenu ngayi Ami Nyambi, ninaneneheshiwi mukati ka matunga, ninaneneheshiwi hano hanci nimwaho.”

Ishaya 13:3

Ninatumizi banzita bami ninatapululu, ninehana balume bami ba kushuma ngayi batende bya wukali wami, baya bawahililanga mu kukoma kwami.

Ishaya 13:6

Shikokenu na kulila! Mutena wa Nyambi ya Ngula uli hahepi. Unengi mutena ou Mpandashilanga akaleta kulobesha.

Ishaya 2:12

Nyambi wa Makunge ukashepesha muntu nimwendi mukakuliyemeza na mukakulilundumika. Shuma nimwasho sha yemeziwile shikashepeshiwa,

Ishaya 29:2

Nyambi ukaleta makando ha Aliyele, pe kukekala mbingo na malila, kami lukena lukafutuka kaala kakenzala na mukeza.

Ishaya 34:5

Ndaba mukwale wami unanu ku mayilu pe unakolwo, monenu, ukushulukila ha Endoma, na kuyata bantu baya nalobeshele.

Ishaya 34:6

Mukwale wa Nyambi ya Ngula, unalilombo mu mukeza, unatampakana na mazi, na mukeza wa bambelele na bampongo, na mazi aku mashiye a bikungwe. Ndaba Nyambi ya Ngula uli na nkombela mu Mbozila, na kuziha bimuna bankombela mu Endoma.

Ishaya 6:5

Nambile ngayi, “Makando wami tawee, nafwakale, ndaba ya mivumbo yami ya kubula kuyela, kami nekala mukati ka bantu bamivumbo ya kubula kuyela, kami meho ami anamono Mwene, Nyambi wa Makunge.”

Yelemiya 46:10

Ngoboni mutena uyo wenga mutena wa Mwene Nyambi wa Makunge mutena wakubweshela wubi ku wubi ku bakankole bendi. Mukwale wendi ukabalya kutwala ha kukwanga kwawo, kami ukanwa mukeza wabo kutwala ha kunyikwa kwawo. Mwene Nyambi wa Makunge ukukombelela bantu anakomo mu ncelele ya mushinzi wa Yufuleti.

Ezekiyele 7:10

“Mutena wa makando uli na kwizilila Ishalela. Kuluwa kwa bantu na kuliyemeza kuli na kuhanya ngo maluba.

Ezekiyele 7:7

Kukotoka kwezakale hahenu enu bantu mwekala mu litunga, shikati shinakumu, mutena uli hahepi, mutena wa lumpa, kaliha mutena waku wahilila na kutangala ha mapili.

Yowele 1:15

Makando tawee, ku wuyo mutena! Ndaba mutena wa Nyambi ya Ngula uli hahepi, ukenga mutena wakulobesha wa Mpandashilanga.

Yowele 2:11

Nyambi ya Ngula ukabilika na kutongweza bakanzita bendi, ndaba bakanzita bendi banengi babengi shikuma, aba bakwombatala mazu wendi bakwinga bangovu. Mutena wa Nyambi ya Ngula wawunene, kami wakutinishiwa. Yani ukutwesha kuwupanza?

Yowele 2:31

Mutena ukashipa, na ngonda ukafubila ngo mukeza, oho mutena wa Nyambi ya Ngula, wawunene na wawukalu shilolo ukume.

Amoshi 6:10

Ndi kawushinda wa muntu, uya ukamuhokesha, ukeza mu kututwisha bifupa mu litala, niho ukepula uya uli mu kampenci ka litala ngayi, “Kati kushili umo uli hamo nanenu ndi?” Ukakumbula ngayi, “Byo,” pe ukamba ngayi, “Mwena, kaliha tunafwanini ku toya lizina lya Nyambi ya Ngula.”

Amoshi 8:3

Ha mutena uyo nyimbo za mu Litala lya Nyambi, zikenga za mbingo, nimwamo mukakwalama mituntu ya kufwa, iya yikayumbiwila mu mwanya nimwamo hinga kwa mwena.

Hambakuki 2:20

Ngoboni Nyambi ukwikala mu litala lyendi lya kuyela, bantu nimwabo hano hanci bamwene nee ku meho wendi.

Zefwaniya 1:14

Mutena wawunene wa Nyambi ya Ngula uli hahepi, mwa shikuma ulinakwiza wanguwangu, kukekala mungunina ha mutena wa Nyambi ya Ngula wawululu, hinge muntu wangovu ukakaloka na kulila.

Zakaliya 14:1

Monenu, mutena wa Nyambi ya Ngula ulinakwiza, oho ebye byapukuliwile kukwenu bikatapishiwa mukati kenu.

Zakaliya 2:13

Haya mwenenu, ku meho a Nyambi ya Ngula, enu bantu nimwenu, ndaba wakuma kale kufuma mu mwanya wendi wa kuyela.

Malaki 4:1

Nyambi wa Makunge ukwamba ngayi, “Mutena uli na kwiza, ukenga mutena wakulasheka mundilo ngonehe mundilo wamu ngaanze. Nimwabo bakakuliyemeza na bakakutenda wubi bakahoka ngonehe ntende. Ha mutena uyo bakahoka na mundilo, kowa mupishi hinge mwahi ukashala kukwabo.

Mateo 22:4

Niho kami atumine bakamilimo bamina kuya mu kutongweza obo behaniwile ngayi, ‘Nawahisha kale byakulya nazihi mapulu na bana ba zingombe ba ku shuwa, pe byuma nimwabyo byawahakale. Yekenu ku shimbo sha shifupawenga!’

Baloma 3:19

Wuluno tukulimuka ngayi byuma nimwabyo bili mu ndayano bikwamba kukwabo bali mu nceto ya ndayano ngayi kanwa nimwako kakamweneshiwa, pe kaye nimwako kakekala na mulandu ku meho a Nyambi.

Baloma 9:20

Ngoboni obe uli muntu tuhu, obeyani uli na kukanangana Nyambi? Kati nyungu ya lima yikamba kuli ou wayibumbile ngayi, “Bishini wantendele nehe?”

Fwilipu 4:5

Kubomba kwenu kulimukiwe ku bantu nimwabo. Mwene uli hahepi.

Koloshe 1:12

na kukambilila kuli Tate, ou unatutende ngayi tufwanine kutambula shitapilo sha likona lya bakakuyela mu wene wa mu lumuni.

1 Shamwele 16:5

Niye wakumbwile ngayi, “Ee, mu ku mwena, nezi mu kukombelela nkombela kuli Nyambi ya Ngula. Liyeleshenu enu bamwine pe tuye hamo na nami mu kukombelela.” Kami watongwezele Njeshe na bana bendi babalume kuliyelesha nibo bamwine, pe wabehanine ku nkombela.

1 Shamwele 20:26

Ngoboni Shaulu kaliha wambile shuma shimo ha mutena uyo, ndaba wahanganikile ngayi, “Kuli shuma shinamwizilili, pe nisho shinamubulishi kuyela.”