Zefwaniya 1:5 - Libuka Lya Kuyela

⁵ Nikalobesha bakakufunkama manungo hayilu ya matala wabo na kulemesha mutena, ngonda na nyenye na baya bafunkamanga manungo na kulibeza kuli Nyambi ya Ngula, ngoboni bakulibeza kami mu lizina lya nyambi Moleki.

Zefwaniya 1:5 Iomraidhean Croise

1 Bamyene 11:33

Nili na kutenda eshe ndaba Sholomoni unankana na kulemesha Ashitaloti nyambi wa mbuyama wa Shindoni na Kemoshi nyambi wa Mowambi na Moleki nyambi wa Amoni. Sholomoni unakana kunyombatala, unatende shibi, kami kulama mazu wami na ndayano zami ufwako, ngonehe atendele tatiyendi Ndavita.

1 Bamyene 11:5

Walemeshelenga Ashitaloti nyambi wa mbuyama waku Shindoni na nyambi wa wunyengwe Moleki wa Baamoni.

1 Bamyene 18:21

Eliya wayile ku bantu kami wambile ngayi, “Mukashimba shikati sha kukuma hati, hinga mwekala na mitima yibili? Ndi Nyambi ya Ngula nengi Nyambi, mulemeshenu, ngoboni ndi Mbaalu nengi Nyambi mulemeshenu kami!” Ngoboni bantu bamwenene tuhu.

2 Bamyene 17:32

Aba bantu kami balemeshelenga Nyambi ya Ngula, pe bahatile hakati kabo bantu ba mishoboshobo kwinga bakankombela ku myanya ya bakakulemesha banyambi bowa na ku bakombelelako zinkombela ha myanya yaha binkanda yakulemeshela.

2 Bamyene 17:33

Nohobene batinine Nyambi ya Ngula, ngoboni kami batendelele milimo banyambi babo, ngo ku biheka bya matunga oku bafumine.

2 Bamyene 17:41

Nohobene bantu batininenga Nyambi ya Ngula, ngoboni kami balemeshelenga tunankishi twabo, kukuma naku mutena wa lelo bazukulyabo bashili kuzamina kutenda shosho shuma shimo.

2 Bamyene 23:12

Mwene Yoshiya wabunkwile tuula tuya bazikile bamyene bamu Yunda hayilu ya musheke, hayilu ya tumpenci omwe mwekalilenga mwene Ahazi. Wabunkwile kami tuula tuya emikile Mwene Manashe mu bipango bibili bya litala lya Nyambi, wanyemwine tuula na kutupabozola, pe wabiyumbile ku Mukulo wa Kindiloni.

Ishaya 22:1

Awa niwo mazu aha mukulo wa bimono. Kati ebye bikumikabakanisha bishini ngayi mukundame hayilu, nimwenumwenu hayilu ya biluli bya matala?

Ishaya 44:5

Muntu umo ukamba ngayi, “Ami nili muka Nyambi ya Ngula,” wamina ukalihana ngayi ami nili wa Yakobo, kami wamina ukalitikita ha liboko lyendi ngayi, “Ami nili muka Nyambi ya Ngula,” na kulitumba niye mwine ngayi, ami Ishalela lizina lya batate.

Ishaya 45:23

Nalibeze amimwine ngayi, shambo shinafumu mukanwa kami sha kulunga, kukafutuka shifwako shiya na kulupishile, “Bantu nimwabo bakashungumana kukwami, zindimi nimwazo zikalibeza hahami.”

Ishaya 48:1

Yuvwililenu eshe enu baka litala lya Yakobo, enu mukwihaniwa na lizina lya Ishalela, enu bazukulya Yunda. Enu mu kulibeza na lizina lya Nyambi ya Ngula, na kulitabila kuli Nyambi wa Ishalela, ngoboni kaliha mu kupwisha na kwoloka.

Yelemiya 12:16

Ndi bakalilongesha shiwahe zinzila za bantu bami na kulibeza na lizina lyami ngayi, ‘Ngonehe Nyambi ya Ngula ayoya.’ Nehi balongeshele bantu bami kulibeza mu lizina lya Mbaalu, niho bakekala hamo na bantu bami.

Yelemiya 19:13

Matala amu Yelushalema nawa a bamyene bamu Yunda na matala nimwawo aya habiluli byawo bahokeshelelenga incence ku nyenye na kuya betilililenga waine, kwinga zintupu banyambi bashenge. Bakenga bakubula kuyela ngonehe Tofweta.’ ”

Yelemiya 32:29

Baka Mbambiloni aba bali na kulwisha luno lukena, bakeza na kuluhokesha, hamo na matala owo ha biluli byawo bakombelelanga incence kuli Mbaalu na nkombela ya mwitilila ku banyambi bamina, ngayi bashonkomone kupilama kwami.

Yelemiya 4:2

haya ndi ukulibeza ha lizina lyami mu kulunga namu kupwisha na mukwoloka ngayi, ‘Ngonehe Nyambi ya Ngula ayoya,’ niho matunga nimwao akanyepa mfuywezi zami na kunyemeza.”

Yelemiya 49:1

Nyambi ya Ngula ukwamba ha baka Amoni ngayi, “Kati Ishalela wufwabo bana babalume ndi? Kati kowa ncwana yendi ndi? Shumangani nyambi Milikomu na bantu bendi ba kukonena litunga lya Ngandi na kuzikamo?

Yelemiya 5:2

Hinge ndi bakulibeza ngayi, “Mwa shikuma bene, ngonehe Nyambi ya Ngula ayoya,” hinga noho bakulibeza tuhu bya mahalo.

Yelemiya 5:7

Nyambi ya Ngula wepwile ngayi, “Kati nikutwesha kumiyatila nahiti? Banabenu bananciyi, na kulemesha banyambi bashenge. Hinge ndi nabalishile na kubekutisha, ngoboni batendele wumambe.

Yelemiya 7:10

Niho mukwiza na kwimana ku meho wami muno mu litala, likutumbiwa na lizina lyami na kwamba ngayi, ‘Twapulwishiwakale.’ Ngoboni kami mu kuya na kutenda byuma nimwabyo bya wunyengwe.

Yelemiya 7:9

Kati mwayibanga, hinge kuziha, hinge kutenda bya lwiholwiho, hinge kubeza bya mahalo, hinga mwahokeshanga incence kuli Mbaalu ndi? Kati mwalemeshanga banyambi bashenge baya mwabula kulimuka ndi?

Yelemiya 8:2

Bikapanzanishiwa na kuyanikiwa ku mutena na ngonda naku nyenye nimwazo za muyilu, byuma ebye bahakile, ebye batendelenga milimo na kubikonka hamo na kubilemesha. Biya bifupa kuka kunguliwa hinge kukavumbikiwa bifwako, ngoboni bikafutuka wilo wa hanci.

Hoshiya 10:2

Mitima yabo yikwinga ya mahalo ku meho a Nyambi. Haya bali na mulandu Nyambi ya Ngula ukamungozola tuula twabo na kulobesha mamanya abo akulemeshela anemana.

Hoshiya 4:15

“Hinge Ishalela ukwinga walwiholwiho, Yunda hinga utenda mulandu. Hinga wingina mu Ngilingale, hinge kuya ku Mbeti Abeni, pe hinga ulibeza, mu lizina lya Nyambi ya Ngula wakuyoya.

Amoshi 5:26

Kati mwakatwile kaala ka nyambi Shakuti na Kayiwani nyambi yenu wa lunyenye na tunankishi twenu otwe mwatendele enu bamwine ndi?

Mateo 6:24

“Kowa muntu ukutwesha kwinga mukamulimo wa bahekulyendi babili. Ndaba ukazimba umo na ku haka wamina, hinge hamina ukenga wakulunga ku umo na kulimbulula wamina. Kutwesha kutendela milimo Nyambi na wuheti mufwako.

Milimo 10:9

Oho kwashile, kuwana bashili ha mukala bali na kuhenyena kwakwipi na Yopa, Pita wayile hayilu ya litala na kulombela, ku shikati sha mwaana.

Baloma 14:11

Ndaba kwatikitiwa ngayi, “Mwene ukwamba ngayi, mwa shikuma ngonehe ami nayoya, bantu nimwabo bakashungumana kukwami, kami zindimi nimwazo ziketabila ngayi ami Nyambi.”

Ndayano 10:20

Enu Baishalela ombatalenu tuhu Nyambi ya Ngula, Nyambi yenu na kumulemesha. Yingenu bakulunga kukwendi ninkayendi na kulibeza mu lizina lyendi.

Ndayano 4:19

Hinga mwezekiwa kulemesha hinge kutendela milimo ebye mu ku mona mu mbimbayilu, mutena hinge ngonda, hinge nyenye. Ebye, Nyambi ya Ngula, Nyambi yenu, unabipaniki ku bantu nimwabo hano hanci.

Yoshuwa 23:7

Pe hinga mukalifungila hamo na mishobo ya bantu aba banashala mukati kenu, hinge kutoyanga mazina a banyambi babo, hinge kuliyavwisha mazina wabo ha kubeza, hinge kulemesha obo banyambi, hinge kulamba kukwabo.