Zefwaniya 1:4 - Libuka Lya Kuyela

⁴ Nikolola liboko lyami ha bantu bali mu Yunda namu Yelushalema nimwamo. Nikalobesha bakakulemesha Mbaalu baya balimo na bakankombela baka mazina atunankishi.

Zefwaniya 1:4 Iomraidhean Croise

2 Bamyene 21:13

Nikashushula Yelushalema ngonehe Shamaliya, ngonehe natendele Mwene Ahambu wamu Ishalela na bazukulyendi. Nikamanisha bantu bamu Yelushalema ngonehe muntu wukuyowesha lulonga na kulukunkumuna pe hikulufulumika.

2 Bamyene 23:12

Mwene Yoshiya wabunkwile tuula tuya bazikile bamyene bamu Yunda hayilu ya musheke, hayilu ya tumpenci omwe mwekalilenga mwene Ahazi. Wabunkwile kami tuula tuya emikile Mwene Manashe mu bipango bibili bya litala lya Nyambi, wanyemwine tuula na kutupabozola, pe wabiyumbile ku Mukulo wa Kindiloni.

2 Byambo 34:4

Ku kubela kwendi bantu babunkwele tuula otu balemeshelelenga Mbaalu na kubunkola tuula twa kwakwipi nabo biya bahokeshelelenga incence. Batwile bifwekesha bya kubumba bya nyambi wa mbuyama Ashela muhungahunga na tunankishi twamina, pe nibo bafukumwinine muhunga ha binzimbi bya bantu baya bakombelelenga kukwabyo.

Kututika 15:12

Wolwele liboko lyobe lya shilyo, pe limvu lyaminine bamalamo betu.

Yelemiya 15:6

Nyambi ya Ngula ukwamba ngayi, “Enu bantu munankana, munashanuku na kumfutamina. Nohobene nolwelakale liboko lyami hahenu mwanga nimilobeshe. Nakwangakale kumiyuvwila nceshe.

Yelemiya 6:12

Matala wabo akapanikiwa ku bashenge, hamo na mafuba abo na bakazabo. Nikaliyavwisha ngovu zami ha kushushula bantu bali mu litunga. Eshe nisho anamba Nyambi ya Ngula.

Ezekiyele 25:7

Ndaba yanebye mwatendele, ami nikamipanika ku matunga ngayi mwanga akamipukule. Nikaminongesha nimwenu nahiyo ngayi mwanga mukabule kukenga mukoka, hinga kukekala na litunga lyenu kami. Niho mukalimuke ngayi Ami nili Nyambi ya Ngula.’”

Ezekiyele 6:14

Nikolola liboko lyami na kulobesha litunga lyabo. Nikafutula litunga lyabo kwinga lyalibi kufuma ku libelelengwa lya ku mabukubuku kukuma ku lukena lwa Limbula ku ncelele, kowa kuyuvwila nceshe mwanya nimwawo oku bakwikala baka Ishalela. Niho bantu nimwabo bakalimuka ngayi Ami nili Nyambi ya Ngula.”

Hoshiya 10:5

Bantu ba Shamaliya ba kukanka, oho kanankishi ka namani ya ngombe kaku Mbeti Abeni kakabipishiwa. Bantu bendi bakalila, kami bakankombela babo bakakulemesha tunankishi bakalila ha banyambi babo, ndaba maleema wendi nimwawo anamana.

Mika 5:13

Nikalobesha tunankishi twenu na zimpangwa munaziki mukatikenu, pe kukashintama hanci ku milimo ya maboko wenu kami mufwako.

Zefwaniya 2:11

Nyambi ya Ngula ukenga wakutinisha na kubalwisha, oho akalobesha banyambi ba hano hanci, pe matunga nimwawo hano hanci akafunkama na kumulemesha.

Zefwaniya 2:13

Pe ukatandubula liboko lyendi na kulwisha ba ku ncelele na kunongesha Ashiliya, kami ukafutula Neniva ku mwinga wakunonga, ukafutuka kwinga nyuminine ngonehe libelelengwa.