Zefwaniya 1:3 - Libuka Lya Kuyela

³ Nikakomba bantu na tuyamana, nikakomba tuyoni twatukanga muyilu na zinci zamu liwate. Nikapukalisha bakakuluwa nimwabo na kulobesha bantu nimwabo hano hanci. Eshe nisho anamba Nyambi ya Ngula.

Zefwaniya 1:3 Iomraidhean Croise

Shitatiko 6:7

Niho ambile ngayi, “Nikalobesha bantu nimwabo aba nalengele, nikalobesha kami na tuyamana nimwato na byuma bya kulikoka na mavumo hanci na tuyoni nimwato, ndaba ngayi nalihepe aha nabilengele.”

Ishaya 27:9

Nohobene muntendelo eye, wubi wa Ishalela ukayatiliwa, pe bakamonesha kutenguluka kwabo kwa kupwisha. Bakabunkola tuula twa mamanya nimwato, kowa zimpangwa za nyambi Ashela hinge tuula twa kumuhokeshela incence bikashala hinga byemana.

Ishaya 6:11

Niho nepwile ngayi, “Obe Mwene, kati shikenga noho ha shikati sha kukuma hati?” Wankumbwile ngayi, “Hantu zinkena zinafutuku mapembe na mukungulu, oho mukabula wakuzikamo namatala akabula bantu bakwikalamo na mafuba akafutuka mapembe.

Ishaya 6:12

Ami Nyambi ya Ngula nikatandila bantu kwakutali, na litunga nimwalyo likafutaminiwa.

Yelemiya 12:4

Kati litunga lyetu likalila shikati sha kukuma hati? Kami mwila wamu mafuba ukalebuka shikati sha kukuma hati? Tunzama na tuyoni byafwakale, ndaba ya kuluwa kwa bantu bazikamo. Bantu bakwamba ngayi, “Nyambi ku mona ebye tukutenda wufwako.”

Yelemiya 50:3

Ndaba litunga lya ku ncelele linamukatukili na kumulwisha, Mbambiloni ukafutuka libelelengwa, kowa bantu bakazikamo, bantu na batuyamana baketukamo.”

Yelemiya 7:20

Haya Nyambi wa Makunge ukwamba ngayi, “Nikatulila wukali wami wakutinisha sha ha litala elye. Wukali wami nikawutulila ha bantu na batuyamana, ha bitondo na ha mbuto. Wukali wami ukenga ngonehe mundilo wakubula kutwesha kuzimiwa.

Yelemiya 9:10

Yelemiya ukwamba ngayi, “Nikapwezuma na kutuwa mbingo ha mabuyishilo amu libelelengwa, ndaba mwayumakale, pe hikowa ukupitilamo. Kukoloma kwa zingombe, kuyuvwanika hikufwako.”

Ezekiyele 44:12

Balevi bapukalishile Baishalela ha kulemesha tunankishi mu ntendelo eye batwaminine bantu bami kutenda wubi, nohobene Ami Nyambi ya Ngula nikulibeza ngayi balevi bakashushuliwa.

Ezekiyele 7:19

Bakayumbila shiliva na ngolinde yabo mu mikwakwa ngo byuma byowa, ndaba shiliva hinge ngolinde yifwako kuka balamwina ku wukali wa Nyambi ya Ngula. Nibo kutwesha bafwako kwikutisha mahungu wabo hinge kwikutisha mavumo wabo. Byengile ngo shipukalisho kukwabyo.

Hoshiya 14:3

Ashiliya kukatulamwina ufwako, kukandama bambishi tufwako, pe kami kukaboka kutunankishi tunatende tufwako na kutwihana ngayi Nyambi, ndaba mumwobe nimo banginga ba kuwana nceshe.”

Hoshiya 14:8

Enu bantu ba Efulemu shiyenu tunankishi. Ami na kumbulanga malombelo wenu na kumi lama. Ninafweke ngo mutondo wa mupaini wakubombola. Kukwami nikwo kukufuma mikabo yenu nimwayo.”

Hoshiya 4:3

Nohobene litunga lili na kulila na bantu nimwabo bekalamo bali mu makando, byuma nimwabyo bya kuyoya bikwikalamo tuyamana twa mu lishaka na tuyoni na zinci bikafwa.”

Zakaliya 13:2

“Nyambi wa Makunge ukwamba ngayi, ha mutena uyo, nikafumisha tunankishi mu litunga, ngayi tukabule kwanukiwa kami, pe kami nikafumisha bamiluwe ba mahalo na myoyo yayibi mu litunga.

Mateo 13:41

Mwana Muntu ukatuma mangeloyi endi kwiza na kufumisha nimwabo bakakupukalisha na bakakutenda byabibi mu Wene wendi.

Mateo 23:39

Nohobene nikukutongweza ngayi, kukamona ami wufwako, hantu haya ukamba ngayi, ‘Uli na mfuywezi ou ukwiza mu lizina lya Mwene.’ ”

Kuholoka 2:14

Ngoboni nikukunyanca ha byuma byabishe, ndaba ku bali bamo mukati kenu ba kukonka ku longesha kwa Mbalaamu, ou walongeshele Mbalaki ngayi ashanwishe Baishalela mu wubi, wabakandamikile ngayi balye byakulya biya byatupuliwile ku tunankishi na mukutenda wunjenge.