Zefwaniya 1:2 - Libuka Lya Kuyela

² Nikakomba byuma nimwabyo bili hanci. Eshe nisho anamba Nyambi ya Ngula.

Zefwaniya 1:2 Iomraidhean Croise

Shitatiko 6:7

Niho ambile ngayi, “Nikalobesha bantu nimwabo aba nalengele, nikalobesha kami na tuyamana nimwato na byuma bya kulikoka na mavumo hanci na tuyoni nimwato, ndaba ngayi nalihepe aha nabilengele.”

2 Byambo 24:24

Nzita ya Baashiliya yengile yayishe, ngoboni Nyambi ya Ngula wabetabilishile ngayi bakome bakanzita babengibengi ba Bayunda ndaba bantu bafutaminine Nyambi ya Ngula, Nyambi wa bankakazabo. Niho Mwene Yowashi ashushuliwile mu nzita eye.

2 Byambo 36:21

Haya biya ambile Nyambi ya Ngula muli muluwe Yelemiya byengile bya kupwisha oho ambile ngayi, “Litunga likashala lipembe myaka 70. Mukapana litunga Matena aku Katala aya lyabulilenga kuwana.”

Ishaya 6:11

Niho nepwile ngayi, “Obe Mwene, kati shikenga noho ha shikati sha kukuma hati?” Wankumbwile ngayi, “Hantu zinkena zinafutuku mapembe na mukungulu, oho mukabula wakuzikamo namatala akabula bantu bakwikalamo na mafuba akafutuka mapembe.

Yelemiya 34:22

Nyambi ya Ngula nabiliki ngayi, nikapana ndayano pe nikababwesha kami ku lukena luno. Bakalulwisha na kulukona na kuluhokesha. Kami nikafutula mapembe minzi yamu Yunda ngayi kukabule hinge muntu umo wakwikalamo.”

Yelemiya 36:29

Tongweza Yehoyakimu mwene wa Yunda ngayi, ‘Nyambi ya Ngula ukwamba ngayi unahokeshe liya libuka, kami wepwile Yelemiya ngayi bihi watikitila mwene waku Mbambiloni ukeza na kunongesha lino litunga ou ukashimba bantu na tuyamana.

Yelemiya 7:20

Haya Nyambi wa Makunge ukwamba ngayi, “Nikatulila wukali wami wakutinisha sha ha litala elye. Wukali wami nikawutulila ha bantu na batuyamana, ha bitondo na ha mbuto. Wukali wami ukenga ngonehe mundilo wakubula kutwesha kuzimiwa.

Malila 2:17

Nyambi ya Ngula natende biya ashingile kutenda, Niye unakulobeshe kwakubula kukuyuvwila nceshe, ngonehe akushiwulwile kushikale. Niye unaleteshe bamalamo bobe kuliyemeza. Niye nabawahililishi ha kuwa kwobe.

Mika 7:13

Hanci hakafutuka kwinga libelelengwa, ndaba ya wubi wa naba bazikaho.