Zefwaniya 1:10 - Libuka Lya Kuyela

¹⁰ Nyambi ya Ngula ukwamba ngayi, “Ha mutena uyo, malila akayuvwanika ku Lipangati lya zinci, na mbingo zikayuvwanika ku mbalila yayipya yili mu lukena. Na mushindo wawunene wakupabuka ukayuvwanika ku binkanda.

Zefwaniya 1:10 Iomraidhean Croise

2 Shamwele 5:7

Ngoboni Ndavita wapukwile shipata shabo sha Ziyoni, pe nilwo lwalimukiwile ngayi “Lukena lwa Ndavita.”

2 Shamwele 5:9

Ha kumanisha kupukula shipata, Ndavita wekalilemo, niho ashitumbile ngayi, “Lukena lwa Ndavita” Pe, wazikile lukena kuzingwilishako, kubalikila ku mwanya uyo babuwilile na limvu ku mbalila ya mushamuko wa shinkanda.

2 Bamyene 22:14

Hilikiya na Ahikama na Akimbo na Shafwani na Ashaya bayile mukwipwiziza kuli muluwe wa Nyambi wa Mbuyama lizina lyendi Hulinda, mukaza Shaluma, wekalile ku mbalila yayipya ya Yelushalema. Mukokwendi Shaluma, mwana Tikiva muzukulya Halihashi, wengile mukulwane waku bivwalo bya mu litala lya Nyambi. Bantumwana batontwelelele muluwe Hulinda ebye byamonekele,

2 Byambo 3:1

Mwene Ndavita, tata Sholomoni watatikile kuzika mushuwa wa kuzikila Litala lya Nyambi mu Yelushalema ha lipili lya Moliya, oku Nyambi ya Ngula aliholwele kukwendi, kuyo ku mwanya uyo Olinani wa Kayembushi atendeshelenga kwinga likotwelo.

2 Byambo 32:22

Mu nzila eye, Nyambi ya Ngula wapulwishile Mwene Hezekiya na bantu bamu Yelushalema ku ngovu za Shenakelimba mwene wamunene wamu Ashiliya, pe kami naku bamalamo babo bamina. Wetabilile bantu ngayi bekale mu ku mwena na matunga alikundamina nawo.

2 Byambo 33:14

Oho byapitile ebye, Manashe wanungile ku mwimo wa kembi kaha munkanda ku mbalila yaku mushamuko wa mapembe a Lukena lwa Ndavita, ku balika kwakumina mukulo kwakwipi na kaheloke ka Ngihoni ku ncelele kuka kumisha naku Lipangati lya Zinci naku mbalila ya lukena lwatumbiwile ngayi Ofwila. Wemikile bakulwane banzita ngayi bendeshe matanga a bakanzita mu munzi na munzi wa bipata mu Yunda.

2 Byambo 34:22

Ku lizu lya Mwene, Hilikiya na bamina bayile na ku shingishisha kuli muluwe wa Nyambi wa mbuyama Hulinda mukaza Shaluma ou wekalilenga mu mbalila yayipya ya Yelushalema. Shaluma wengile, mwana Tokati kami muzukulya Hashila, wengile mukulwane waku bivwalo bya mu Litala lya Nyambi. Batontwelelele muluwe Hulinda ebye byamonekele,

Nehemiya 12:39

twayile kupitakana Lipangati lya Efulemu na Lipangati lya Yeshana na Lipangati lya Zinci naku Kapeshi ka Hananela naku Kapeshi ka Mwanda naku lipangati lya bambelele naku kuma ku Lipangati oku bahatulwilenga bakanzita.

Nehemiya 3:3

Ba mu livumo lya Hashenaa nibo batendele Lipangati lya Zinci. Bayakile bikwiliti na bihala mu mwanya wabyo, pe bayakile milomboti na tupatisho twakupatisha Lipangati.

Ishaya 59:11

Nimwetu tukubuluma ngo mbeya, tukulila ngo bankilimba. Tukushinga kwoloka ngoboni kowa, ndaba kupulwishiwa kuli hahatali nanetu.

Yelemiya 39:2

Mu mwaka wawulikumi na umo wakulela kwa mwene Zendekiya mu ngonda ya wunaa ha mutena wa mutanu na anaa, twimbi twa lukena twatubuliwile nimwato.

Yelemiya 4:31

Nayuvwile kulila ngonehe kwa mbuyama ukushinga kubeleka. Washungilenga ngonehe mbuyama uli na kubeleka mwana wakulilongesha. Kunengi kuhekela kwa bantu bamu Ziyoni, banemiki maboko wabo na kwamba ngayi, “Makando wetu! Twabulakale wakutulamwina ku naba bakushinga kutuziha.”

Ezekiyele 6:13

Niho bakalimuka ngayi Ami nili Nyambi ya Ngula, oho bakamona mituntu yinapanzanishiwi mukati ka tunankishi na kuzinguluka tuula twabo, hayilu ya binkanda na hayilu ya mapili na mu nceto ya mimvulu ya mitondo nimwayo ya Telimbini omu bahokeshelelenga zinkombela kutunankishi twabo.

Amoshi 8:3

Ha mutena uyo nyimbo za mu Litala lya Nyambi, zikenga za mbingo, nimwamo mukakwalama mituntu ya kufwa, iya yikayumbiwila mu mwanya nimwamo hinga kwa mwena.

Zefwaniya 1:15

Niwo ukenga mutena wa wukali, ukenga mutena wa makando na malwa, mutena wa mishunga na kuloba, mutena wa mincimpwe na ku shipa. Mutena wa makumbi na mincimpwe ya ku shipa shikuma.

Zefwaniya 1:7

Mwenenu ku meho a Nyambi wa Makunge, ndaba ha mutena uyo wa Nyambi ya Ngula uli hahepi. Nyambi ya Ngula unawahishi nkombela na kuzilika nimwabo aba anehana.