Yobo 4:3 - Libuka Lya Kuyela

³ Mona, nka obe unalongeshe bantu babengi, unashumishi maboko a kubula ngovu.

Yobo 4:3 Iomraidhean Croise

Shitatiko 18:19

Namuhata ngayi mwanga ambilenga bana bendi na ba lupashi lwendi ba kumbili ngayi bombatale ndayano zami mukutenda bya kulunga na kupwisha. Nohobene nikamutendela nimwabyo biya namukulupishile.”

Ezila 6:22

Bapingile Shimbo sha Mankende A kubula mumena ha matena mutanu na abili. Bakeyukile shikuma ndaba ngayi Nyambi ya Ngula wafutwile mutima wa mwene wamunene waku Ashiliya kubayamiziza, nohobene wabemaninine mu mulimo wakutendulula Litala lya Nyambi wa Ishalela.

Yobo 16:5

Shinga namishumankanishi na mazu wami, na kumibengezeka ngayi mukatuluke.”

Yobo 29:11

Bantu nimwabo banyuvwile banyemezele, bantu nimwabo bamonene bambile byabiwahe hahami.

Yobo 29:15

Nengile meho a batushishitwa, na mawulu a bakakupenga.

Yobo 29:16

Nengile tata ba kushepwa, nemanininenga bayeni oho bekalile mu wukalu.

Yobo 29:21

Bantu bamwenenenga oho nababelelenga, na kuyuvwilila shiwahe kunebye nambilenga.

Yobo 4:4

Oho muntu umo apukalile ndaba ya kubota na kukwanga, mazu obe amushumishile na kumwimika.

Zincimpi 10:21

Kanwa ka wakulunga kayoyesha babengi, ngoboni bileya bafwanga ndaba ya kubula ngana.

Zincimpi 15:7

Mivumbo ya muntu wangana yapanzanishanga kalimukisho, ngoboni bakubula ngana kutwesha bifwako.

Zincimpi 16:21

Muntu uli na mutima wangana ukutumbiwa ngayi wakukeya, wa nyambilo yayiwahe wawezelelanga kalimukisho.

Ishaya 35:3

Ukashumisha maboko akuzekema, na manungo akuzikima na kuwashumisha.

Ishaya 50:4

Mwene, Nyambi ya Ngula unampana bya ku fwanina kwamba, ngayi mwanga nitweshe kushumisha ba kupopa. Lumenemene na lumenemene, wantoneshanga, watoneshanga litu lyami ngayi niyuvwe ngonehe baya banalongeshiwi.

Ezekiyele 13:22

“Ndaba ngayi enu muli na kulwisha bihanganiko byami, mu kukanisha bantu babawahe na mahalo wenu na kukanisha hinge bantu bababi mu kukoweza wumi wabo mu kufuma ku wubi.

Zefwaniya 3:16

Ha mutena uyo shikambiwa ku Yelushalema ngayi, “Obe Ziyoni hinga utina, maboko wobe hinga apopa.

Luka 22:32

Ngoboni nakulombelele obe Shimoni ngayi kukulupila kwobe hinga kupopa. Pe wakatenguluka, ukashumishe bawushinda wobe.”

Luka 22:43

Lingeloyi lyafumine muyilu, lyaholokele kuli Yeshu na kumushumisha.

Efweshe 4:29

Mu kanwa kobe hinga mufuma shambo sha mazilo, ngoboni amba shambo shashiwahe sha kuyavwa na ku zikisha, ngayi shitweshe kuyavwa baya ba kuyuvwa.

Ndayano 3:28

Fundiziza Yoshuwa, mukwatishe na kumushumisha mutima, ndaba niye ukatwaminina bantu kubazabwisha mushinzi na kutambula litunga liya uku mona.’

Koloshe 4:6

Nyambilo yenu yikale na nceshe shikati nimwasho na kutobiwa na mushele, ngayi mwanga mulimuke sha kufwanina kukumbula muntu nimwendi.

Bahebelu 12:12

Nohobene shumishenu maboko enu anakwanga, kami shumishenu manungo enu akuzikima.