Yelemiya 9:3 - Libuka Lya Kuyela

³ Baliwahishila kwamba bya mahalo na zindimi zabo, kaliha bakakwamba kupwisha, ebye nibyo byashumakale mu litunga. Bali na kutwalililaho kutenda wubi kami kundimuka bafwako. Eshe nisho anamba Nyambi ya Ngula.

Yelemiya 9:3 Iomraidhean Croise

Shitatiko 39:16

Mukaza Potifwa watentekele shivwalo shendi kutwala noho akumine hekulyendi Yoshefwa.

Zincimpi 12:5

Bihanganiko bya wakulunga byenga bya kupwisha, ngoboni kubela kwa wakuluwa kwenga kwa kwongeza.

Ishaya 1:3

Ngombe walimuka hekulyendi na mbongolo walimuka shililo oku alilanga hekulyendi, ngoboni Ishalela kulimuka hekulyendi ufwako, bantu bami ku yuvwishisha shimina bafwako.”

Ishaya 3:5

Bantu bakaliyandisha umo na wamina, muntu na minendi na muntu na ndambo yendi. Bandumbana bakahandula bakulwane babo na batunkutala kukalemeeka babalemu bafwako.

Ishaya 6:5

Nambile ngayi, “Makando wami tawee, nafwakale, ndaba ya mivumbo yami ya kubula kuyela, kami nekala mukati ka bantu bamivumbo ya kubula kuyela, kami meho ami anamono Mwene, Nyambi wa Makunge.”

Ishaya 9:18

Mwa shikuma kuluwa kwa bantu kwa banganga ngo mundilo, kwahokeshanga mikona na mihongela. Kwahokeshanga mashaka akuzika, pe wishe wakakumukanga muyilu nehe makumbi.

Yelemiya 12:6

Banengi bawushinda wobe, aba bali na kwamba mahalo hahobe, nibo bali na kukulwisha. Hinga uba kulupila, hinge ndi bakwamba mazu amawahe hahobe.”

Yelemiya 22:16

Wayatile ba kushepwa shiwahe, pe byuma nimwabyo bya mwendelele shiwahe. Eshe nisho anamba Nyambi ya Ngula.

Yelemiya 31:34

Kowa muntu ukalongesha ndambo yendi, kami kowa ukatongweza minendi ngayi, ‘Limuka Nyambi ya Ngula,’ ndaba nimwabo bantu, ku balika ku wamushe, kutwala ku wamunene bakandimuka. Ndaba nikayatila milandu yabo, kami kukanuka wubi wabo nifwako. Eshe nisho anamba Nyambi ya Ngula.”

Yelemiya 4:22

Nyambi ya Ngula ukwamba ngayi, “Bantu bami bakuyeba, kundimuka bafwako. Banengi ngonehe batwanuke bakubula ngana, kalimukisho bafwako. Benzilila kutenda byabibi ngoboni kulimuka kutenda byabiwahe bafwako.”

Yelemiya 5:4

Niho nambile ngayi, “Aba bantu banengi ba kushepwa, banengi bakubula ngana ndaba kulimuka nzila ya Nyambi ya Ngula bafwako, hinge kulimuka ebye akushinga Nyambi yabo bafwako.

Yelemiya 5:5

Nikaya ku bantwamina, pe nikamba nabo, ndaba ba kulimuka nzila ya Nyambi ya Ngula, nanebye akushinga Nyambi yabo.” Ngoboni nimwabo banakana ngovu za Nyambi, kami banakana kumwombatala.

Yelemiya 6:28

Nimwabo banengi babakalu mitima kami bamafutufutu, bakakukwayanisha bya mahalo, babakalu ngonehe lubemba na shondo, nimwabo bali na kutenda byabibi.

Yelemiya 7:26

Ngoboni kaliha mwanyombatalile, pe kaliha mwatengekele matu wenu kukwami mwakaluhishile mitima shikuma, pe mwengakale bamafutufutu kupitakana bankakazenu.

Yelemiya 9:5

Muntu nimwendi ukwongeza ndambo yendi, kowa ukwamba bya kupwisha. Banalongeshe zindimi zabo kwamba mahalo. Bakulikwangisha na kutenda byabibi. Pe ba kukwanga kutenguluka.

Yelemiya 9:8

Zindimi zabo zinafweke ngonehe mivwi ya kuyaka wulembe. Bakwamba bya mahalo, bantu bakwamba mazu amawahe ku bandambo babo, ngoboni mu mitima yabo, ba kubahanganikila bya nkole.”

Ezekiyele 8:13

Niho Nyambi ya Ngula ambile kukwami kami ngayi, “Ukamona byuma byabinene byawunyengwe bakatenda kupikatana biyo.”

Ndanyele 11:27

Kunyima yanebye aba bamyene babili bakekala na kulya ku tebulu yimo, ngoboni bakalihanganikila byabibi, pe bakamba mahalo umo na wamina. Kukawana ebye bashinga bafwako, ndaba mamaninino ashili kwiza ku shikati shemikiwile.

Balevi 19:11

“Hinga uyiba, hinga ukeyela, hinge kubangila muntu mahalo.

Mako 8:38

Nohobene nimwendi ukanyuvwila lisheni na mazu ami hakati ka mukoka ou wa bakakubula kukulupila na bakawubi na Mwana Muntu kami ukamuyuvwila lisheni oho akeza na mangeloyi akuyela mu wuwahe wa Tatiyendi.”

Yowano 17:3

Pe wumi owe wa mwaya myaka kunengi kukulimuka obe tuhu Nyambi wa kupwisha na kulimuka Yeshu Kilishitu ou watumine.

Milimo 24:9

Bayunda nabo betabilile, bambile ngayi byuma ebye nimwabyo bya kupwisha.

Baloma 1:16

Lisheni nifwalyo ku ncango zaziwahe ndaba nizo ngovu za Nyambi za kupulwisha muntu nimwendi ukukulupila, kutatika taha ku Bayunda niho ku Bakamatunga.

Baloma 1:28

Ndaba baya bantu bakanine ku yuvwishisha kupwisha kwa Nyambi, Nyambi wabalehele ngayi bakonke bihanganiko bya kukontama ngayi mwanga batende byuma bya kubula ku fwanina.

Baloma 3:13

Mulibu wabo unengi shinzimbi sha kuyahama, bakwongeza na zindimi zabo, ku nceto ya mivumbo yabo kuli wuhungu ngonehe wa bampili.

1 Kolinte 15:34

Bokenu ku bihanganiko byenu byabiwahe hinga mutenda wubi. Mu ku fwanina kwikala na lisheni, ndaba bantu bamina, kalimukisho ka Nyambi bafwako.

Fwilipu 1:28

Hinga mutina bamalamo benu, ngoboni kancenu! Nisho kukwabo shenga shilimukisho sha kuloba, ngoboni kukwenu shenga shilimukisho sha kupuluka, nisho shinafumu kuli Nyambi.

2 Timoteo 3:13

Ngoboni bakawubi na bakamahalo bakatakalala mu wubi, bakwongeza bantu nanibo kami bakwongeziwa.

Yunda 1:3

Enu bahoni ba kuhakiwa, nili na shizundami sha kumitikitila bya kupuluka oku tuna konkana nimwetu, ami nahanganikile ngayi shikwinga shashiwahe kumitikitila bya kumishumankanisha ndaba ya kukulupila oku Nyambi apanikile kamo ku bakakuyela.

Kuholoka 12:11

Kami bamukomene na mukeza wa Mwana Mbelele na lizu lya wupaki wabo, pe kaliha bahakile wumi wabo kutwala na ku lufu.

Bakakuyata 14:17

Wekalile na kulila haneshe shuma ku matena mutanu na abili nimwawo a shimbo. Ngoboni ha mutena wamutanu na abili wamutongwezele kutontoloka kwa kashau, ndaba wamuzaminine shikuma. Niho atongwezele Bafwilishitina.

Bakakuyata 2:10

Pe mukoka nimwawo kami wafwile, pe munyima ya nou mukoka wakulundaminako, babulile kulimuka Nyambi ya Ngula hinge kulimuka byuma biya atendelelele Ishalela.

1 Shamwele 2:12

Bana ba Eli babalume bengile bihulahuli, kaliha bengile bakakutina Nyambi ya Ngula.