Yelemiya 8:4 - Libuka Lya Kuyela

⁴ “Ukabatongweze ngayi, ‘Nyambi ya Ngula ukwamba ngayi, Kati oho muntu awanga, kaliha wapindukanga ndi? Kati oho muntu ayanga mu nzila yashenge, kaliha watengulukanga ndi?

Yelemiya 8:4 Iomraidhean Croise

1 Bamyene 8:38

Ndi bamo ba bantu bobe Ishalela ba kulibela mu mitima, hiba kutandubwila maboko wabo na kulombela ku shangula ku Litala lino,

Zincimpi 24:16

Hinga ndi wakulunga wawanga mutanu na kabili, pe ha kukatukamo kami, ngoboni bantu bakuluwa bakekala mu makando.

Ishaya 44:22

Nafumishi wubi wobe ngonehe likumbi, na wubi wobe unaketuku ngonehe mbundu. Boka kukwami, ndaba naku kulizakale.

Ishaya 55:7

Bakuluwa bashiye nyinkalo yabo yayibi, na muntu wakubula kulunga ashiye bihanganiko byendi byowa. Abokele kuli Nyambi ya Ngula, ngayi mwanga abayatile na kubayuvwila nceshe.

Yelemiya 23:14

Ninamono kami mu bamiluwe bamu Yelushalema, banatende byabibi shikuma. Bakutenda wumambe, kami bakwamba bya mahalo. Bali na kuyavwa baminabo ba kutenda byabibi, ngayi kubule wakutenguluka ku milandu yendi. Nimwabo banafweke ngo baka Shondoma kukwami. Bantu ba mu Yelushalema, banafweke ngo baka Ngomola.”

Yelemiya 3:1

Nyambi ya Ngula ukwamba ngayi, “Ndi mulume ukulubula mukazendi, pe uya mbuyama ha kuya na kuyekiwa ku mulume wamina, kati ukutwesha kumubwesha kami ndi? Byo, ndaba litunga likenzala na biheka byabibi? Ngoboni obe Ishalela unakwata banjenge babengi haya niho kami uli na kushinga kuboka kukwami ndi?

Yelemiya 3:22

“Tengulukenu enu bantu bamafutufutu, pe nikamiyatila ha kuluwa kwenu.” Etu bano, ndaba Nyambi ya Ngula, obe Nyambi yetu.

Yelemiya 36:3

Kampe bantu ba Yunda bakayuvwa byabibi nimwabyo biya nikuyongola kutenda kukwabo, hamina bakatenguluka kuleha zinzila zabo zazibi, pe nikabayatila kukutengama kwabo naku wubi wabo.”

Yelemiya 4:1

Nyambi ya Ngula ukwamba ngayi, “Obe Ishalela ndi ukushinga kutenguluka, pe unafwanini kutengulukila kukwami. Ndi ukufumisha tunankishi otu na zimba na kwinga wakulunga kukwami,

Ezekiyele 18:23

Nyambi ya Ngula ukwipula ngayi, kati mu kuhanganika ngayi ami niku wahilila oho niku mona muntu wakuluwa akufwa? Byo, ami nikushinga ngayi atenguluke mwanga ayoye.

Hoshiya 14:1

Obe Ishalela boka kuli Nyambi ya Ngula, Nyambi yobe, ndaba unapukala ha kuluwa kwobe.

Hoshiya 6:1

Bantu bakwamba ngayi, “Yekenu, tuboke kuli Nyambi ya Ngula. Hinge ndi niye unatucancozolo, pe niye ukatunyongomanisha, hinge ndi unatulemeke niye ukatupomba ha bitombo.

Hoshiya 7:10

Kuliyemeza kwa Ishalela kukumupaka niye mwine, ngoboni kuboka kukwami Ami Nyambi ya Ngula, Nyambi yabo bafwako, hinge tuhu ku mushingashinga ndaba yanebye nimwabyo bafwako.

Amoshi 5:2

“Mushimbi Ishalela unawu wulukutu, kami kukapindukamo wufwako, unakendiwi mu litunga lyendi, kami kukabula wamina wakumupindula.”

Mika 7:8

Enu bamalamo bami, hinga munkendula, hinge ngayi ninawu, nikapinduka. Hinge ngayi nili mu mincimpwe, Nyambi ya Ngula niye lumuni lwami.