Yelemiya 8:3 - Libuka Lya Kuyela

³ Pe bantu baya bakashalaho bakamatunga a wubi, bakalihatila lufu kupitakana wumi, oku nimwako nikabatandila aba.” Nisho anamba Nyambi wa Makunge.

Yelemiya 8:3 Iomraidhean Croise

1 Bamyene 19:4

Eliya wendele mutena nimwawo mu libelelengwa. Wemaninenga na kwikala hanci mu mubombola wa mutondo, pe washingile ngayi shinga afwe. Walombelele shikuma ngayi, “Byamvulilakale shikuma, Obe Nyambi ya Ngula. Fumisha wumi wami ngayi mwanga nifwe!”

Yelemiya 23:3

Haya nika kungula bantu bami aba banashalaho, nikabafumisha mu matunga omu na bapanzanishilile na kubabwesha mu litunga lyabo, bakahemununa, pe bakenga babengi.

Yelemiya 23:8

Ngoboni bakalibeza na lizina lyami ha kwinga Nyambi wakuyoya ou wafumishile Baishalela ku litunga lya ku ncelele na ku matunga nimwawo abapanzanishilile. Niho bakekala mu litunga lyabo.”

Yelemiya 29:14

Nyambi ya Ngula ukwamba ngayi, mukangwana kami nikamibweshela bitandalisho byenu na kumi kungula kumifumisha ku mikoka nimwayo naku matunga nimwawo kuya namitandilile na kumibwesha ku litunga kuyo namifumishile ha kuya mu wuntapwa.’

Yelemiya 29:28

Ndaba unatumu lizu kukwetu muno mu Mbambiloni ngayi, mukekala mu wuntapwa shikati shashitali pe zikenu matala mwikalemo, limenu mafuba na kulya ebye mu kulimamo.’ ”

Yelemiya 40:12

Bayunda nimwabo bafumine kuzimbalila oku bapanzaninine, niho babokele ku litunga lya Yunda, bezile kuli Ngendaliya ku Mizipa, babuyishile mishiinzi yayinene ya shinyanca na mikabo yamina ya mvumbi.

Yelemiya 44:2

Nyambi wa Makunge, Nyambi wa Ishalela ukwamba ngayi, “Mwalimonena byabibi biya naletele ha Yelushalema na minzi nimwayo yamu Yunda. Monenu nalelo yishili mapembe, kami kowa muntu na zikimo.

Yelemiya 44:6

Nohobene natulilile wukali wami ha minzi ya Yunda na mu mikwakwa ya Yelushalema na kuyihokesha na mundilo. Niyo yashalile mapembe na kuloba nehe eshe yili hashikati shino.

Yelemiya 6:9

Nyambi wa Makunge ukwamba ngayi, “Shimbenu na ku bayangula nimwabyo aba Baishalela banashalaho, ngonehe muntu abuyanga shiwahe mikabo ya shinyanca ku mikolobozi. Ngonehe mukakubuya mikabo ya shinyanca, bweshelenu maboko wenu ku myahi.”

Ndanyele 9:7

“Obe Mwene Nyambi, uli wakulunga shikati nimwasho, ngoboni twayuvwa kale lisheni, bantu bekala mu Yunda na mu Yelushalema na bantu ba Ishalela nimwabo, aba wapanzanishilile mu matunga a hahepi na kwakutali ndaba bakubula kwinga bakwoloka kukwobe.

Balevi 26:33

Nikaleta nzita hahenu na kumipanzanishila mu matunga ashenge na mukwale hinga wekala ha nyima yenu. Litunga lyenu likashala ha nahiya. Minzi yenu yikashala mapembe.

Amoshi 3:1

Enu bantu ba Ishalela, yuvwililenu lizu eli akwamba kukwenu Nyambi ya Ngula, ku lupashi nimwalwo luya afumishile mu Engepita.

Yona 4:3

Haya nehe, Obe Nyambi ya Ngula nili na kukulambilila ngayi nzihe tuhu, ndaba shashiwahe kukwami kufwa kupitakana kuyoya.”

Mika 2:3

Nyambi ya Ngula uli na kwamba ngayi, monenu, na kuyongola kuleta malwa hahenu, kami mufwako kutwesha kukapanza. Mukekala mu makalikiza, kami kukaliyemeza mufwako.

Ndayano 30:1

“Ami Namipanakale haya kulihatila mukati ka mfuywezi na shikuto. Oho byuma ebye nimwabyo bikaholoka kukwenu, pe mukazika mukati ka matunga kuya anamipanzanishili Nyambi ya Ngula, Nyambi yenu, mukanuka kulihatila kuya namitoyelele.

Ndayano 30:4

Hinge ndi mwapanzaninine kwakutali hano hanci, Nyambi ya Ngula, Nyambi yenu, ukamikungulula hamo na kumibwesha,

Kuholoka 6:16

Bambile ku mapili na ku mamanya ngayi, “Tuwilenu na kutuholeka ku lupala lwendi ou wekala ha litanda na ku wukali wa Mwana Mbelele!

Kuholoka 9:6

Ha matena ayo, bantu bakashinga lufu, ngoboni kukaluwana bafwako, bakalishoza lufu, ngoboni lufu lukatina kukwabo.