Yelemiya 8:2 - Libuka Lya Kuyela

² Bikapanzanishiwa na kuyanikiwa ku mutena na ngonda naku nyenye nimwazo za muyilu, byuma ebye bahakile, ebye batendelenga milimo na kubikonka hamo na kubilemesha. Biya bifupa kuka kunguliwa hinge kukavumbikiwa bifwako, ngoboni bikafutuka wilo wa hanci.

Yelemiya 8:2 Iomraidhean Croise

2 Bamyene 17:16

Bakilukile mazu nimwawo a Nyambi ya Ngula, Nyambi yabo. Babumbile bifwekesha bibili bya bankunzi ba shondo na kubalemesha, babumbile kami shifwekesha sha nyambi wa mbuyama Ashela, balemeshelenga nyenye, kami balemeshelenga nyambi Mbaalu.

2 Bamyene 21:3

Manashe mwana Hezekiya watendulwile myanya ya kulemeshela banyambi bowa iya anyemwine tatiyendi, pe wazikile tuula twa kulemeshela Mbaalu, pe watendele mpangwa ya shifwekesha sha nyambi wa mbuyama Ashela, ngonehe atendele Mwene Ahambu wamu Ishalela. Manashe kami walemeshelenga nyenye.

2 Bamyene 21:5

Mu bipango bya binzanza bibili bya ku litala lya Nyambi wazikilemo tuula twakulemeshelanga nyenye.

2 Bamyene 23:5

Yoshiya wafumishile bakankombela ku milimo yabo ya kukombelela, baya bayakile bamyene bamu Yunda, kuhokesha incence ha binkanda bya bakakulemesha banyambi bowa, mu zinkena za Yunda namu zimbalila za kwakwipi na Yelushalema. Nimwabo bakankombela aba bakombelelenga zinkombela kuli Mbaalu naku mutena naku ngonda naku bana batulwe naku nyenye.

Nyimbo 53:5

Ngoboni haya bakekala na bowa wawunene, uya babula kwikala nawo. Nyambi ukapanzanisha bifupa bya bamalamo ba bantu bendi. Bakekala na lisheni, ndaba Nyambi unabakana.

Nyimbo 83:10

aba balobeshiwile ku Endola, kami mituntu yabo yafutukile wilo wa hanci.

Nyimbo 83:11

Tenda ku bakakubatwaminina ngonehe watendele kuli Olembu na Zeembu, koma batulela babo nimwabo ngonehe watendele kuli Zemba na Zalimuna,

Mukakushimikila 6:3

Ndi muntu ukubeleka bana mwanda, ndi ha kuyoya myaka yayingi, ndi ukabula kulikuwa byuma byendi, haya nikwamba ngayi, shili shiwahe ku mbututu uya nahemuwu wakufwa kupitakana wanoho.

Yelemiya 14:16

Aba bantu ba kulubulwila, bakafwa kukapande naku zinzita, bakapyukwama mu mikwakwa yamu Yelushalema, kowa ukatwesha ku bafunda. Olu lufu lukeza ku nimwabo, ku bakazabo naku bana babo babalume naba ba bambuyama. Nikabweshela kuluwa kwabo hahabo.”

Yelemiya 16:11

Niho ukaba kumbule ngayi, Nyambi ya Ngula ukwamba ngayi, ‘Bankakazenu bamfutaminine, bakonkele banyambi bashenge, babatendelele milimo na kubalemesha. Banciyile, kami kaliha bombatalile kufundiziza kukwami.

Yelemiya 16:4

bakafwa ku malweli akutinisha. Bafwako kukaliliwa hinge kufundiwa. Bakabungana ngonehe wilo wa hanci. Bakaloba na mukwale kami bakafwa kukapande, zinyutu zabo zikenga byakulya bya batuyoni na tunzama twa mu lishaka.”

Yelemiya 16:6

Babanene na babashe bakafwa mu litunga lino, kukafundiwa bafwako, kami kowa muntu ukabalila, hinge kulibwekozola niyemwine, hinge ku sheha ku mutwe ku monesha ngayi uli na kulila.

Yelemiya 19:13

Matala amu Yelushalema nawa a bamyene bamu Yunda na matala nimwawo aya habiluli byawo bahokeshelelenga incence ku nyenye na kuya betilililenga waine, kwinga zintupu banyambi bashenge. Bakenga bakubula kuyela ngonehe Tofweta.’ ”

Yelemiya 22:19

Bakamufunda ngonehe mbongolo, bakamutulumuna na kumuyumbila kwakutali. Bakamuyumbila ha munkanda wa mapangati a Yelushalema.”

Yelemiya 25:33

Ha mutena uyo bakazihiwa na Nyambi ya Ngula, bakapikwama hanci nimwaho, kowa ukatwesha kubalila hinge ku babungika hinge ku bafunda, bakabungana hanci ngonehe ku lilala.

Yelemiya 31:40

Mukulo nimwawo kuya bafundilanga na kuyumbilamo mutoko na mukulo nimwawo wa kashinzi ka Kindiloni, kukakuma na ku lipangati lya bambishi ku mushamuko. Eye mbalila nimwayo, kukwami yikenga ya kuyela. Yelushalema kulobeshiwa hinge, kukanyemuniwa afwako.”

Yelemiya 36:30

Nyambi ya Ngula ukwamba kuli Yehoyakimu ngayi, ku bazukulyendi kowa ukekala ha litanda lya mwene Ndavita. Mutuntu wa Yehoyakimu ukayumbiwa ha munkanda, pe mincalala ya mutena yikawutwila ku shikati sha mwaana, ku shikati sha wushiku kukekala na makelengo a mashika.

Yelemiya 9:20

Enu bambuyama yuvwililenu lizu lya Nyambi ya Ngula, matu wenu ayuvwe lizu lyendi, longeshenu kulila banabenu babambuyama. Muntu na muntu alongeshe ou ali kundika nendi,

Yelemiya 9:21

ndaba lufu lunakandamini mu mampananga wetu pe lwenginakale na mumisheke yetu, lwalobeshakale batwanuke mu mikwakwa na bandumbana mu zimbanza.

Yelemiya 9:22

Batongweze ngayi, “Nyambi ya Ngula ukwamba ngayi, ‘Mituntu ya bantu ba kufwa yikapanzanishiwa ngonehe wutoko mu mafuba, ngonehe mbuto yinashala munyima ya bakakuteza, iya yinabulu muntu wakuyikungula.’ ”

Ezekiyele 29:5

Nikakuyumbila mu libelelengwa, obe hamo na zinci za mumushinzi wobe, ukawila hanci, kami kowa ukakutola na kukufunda. Nikalupanika ku batuyoni, na batuyamana kwinga byakulya byabo.

Ezekiyele 39:5

Mukafwila mu zimbuwa ngonehe ninamba. Eshe nisho ninamba ami Nyambi ya Ngula.

Ezekiyele 6:5

Nikapanzanisha mituntu ya bantu ba Ishalela na kupanzanishila bifupa byabo nimwabyo kuzingwilisha tuula twabo.

Ezekiyele 8:16

Nohobene wantwalile mukati ka Litala lya Nyambi kuyo kwakwipi ku menginino aku mwanya wa kuyela, mukati ka kaala na mbanza, kwekalile balume makumi abili na mutanu. Bafutaminine myongo yabo ku Litala lya Nyambi ya Ngula, pe bashinkamine hanci na zimpala zabo hinga za penza ku mushamuko, balemeshelenga mutena oho watutikilenga.

Zefwaniya 1:17

Nyambi ya Ngula unakwamba ngayi, “Nikaleta makando ku bantu ngayi mwanga bakende ngo batushishitwa, ndaba banatende wubi kukwami. Mukeza wabo bakawuyita ngo mema na mituntu yabo yikabungana ngo wutoko.”

Zefwaniya 1:5

Nikalobesha bakakufunkama manungo hayilu ya matala wabo na kulemesha mutena, ngonda na nyenye na baya bafunkamanga manungo na kulibeza kuli Nyambi ya Ngula, ngoboni bakulibeza kami mu lizina lya nyambi Moleki.

Milimo 7:42

Niho Nyambi abapenzeshele mongo, wabapanikile ku kulemesha nyenye, ngonehe kwatikitiwile mu libuka lya bamiluwe ngayi, ‘Enu baka litala lya Ishalela! Kati mwapanine kukwami tuyamana mwazihilenga, kwinga zinkombela mu myaka ya makumi anaa mu libelelengwa ndi?

Ndayano 17:3

ha kulemesha na kutendela milimo banyambi bashenge, hinge kulemesha mutena, hinge ngonda, hinge byuma byamina bya muyilu, biya binakanishiwi,

Ndayano 4:19

Hinga mwezekiwa kulemesha hinge kutendela milimo ebye mu ku mona mu mbimbayilu, mutena hinge ngonda, hinge nyenye. Ebye, Nyambi ya Ngula, Nyambi yenu, unabipaniki ku bantu nimwabo hano hanci.