Yelemiya 7:3 - Libuka Lya Kuyela

³ Nyambi wa Makunge, Nyambi wa Ishalela ukwamba ngayi, futulenu nyinkalo yenu na byuma ebye mwatendanga, ngayi mwanga nikamitabile kwikala muno.

Yelemiya 7:3 Iomraidhean Croise

2 Bamyene 17:13

Nyambi ya Ngula watumine bamiluwe bendi mu kushiwulula Ishalela na Yunda ngayi, “Shiyenu zinzila zenu zazibi, pe ombatalenu ndayano zami na mazu napanine bankakazenu, eze nazipanine kukwenu muli bakamilimo bami bamiluwe.”

Ezila 10:11

Hayaboni, yitabilenu wubi wenu kuli Nyambi ya Ngula Nyambi wa bankakazenu na kutenda shifungo shendi. Litapululenu ku naba bantu ba muno mu litunga kami lubulenu bakazenu aba bambuyama ba mapukwenda.”

Zincimpi 28:13

Ou ukuholeka milandu yendi kukatangama wufwako, ngoboni ou ukulitabila na kuwu futamina Nyambi ukamuyuvwila nceshe.

Ishaya 55:7

Bakuluwa bashiye nyinkalo yabo yayibi, na muntu wakubula kulunga ashiye bihanganiko byendi byowa. Abokele kuli Nyambi ya Ngula, ngayi mwanga abayatile na kubayuvwila nceshe.

Yelemiya 17:25

pe bamyene baya bakashwananga ha litanda lya Ndavita, bakapitanga mu mapangati a lukena hamo na babilolo babo. Bakendelanga mu makoloyi naha bambishi, baka bashintikizanga bantu ba mu Yunda, hamo nanaba bamu Yelushalema. Pe mu lukena mukenzalanga bantu shikati nimwasho.

Yelemiya 18:11

Haya tongweza bantu ba Yunda nanaba bekala mu Yelushalema wambe ngayi, ‘Nyambi ya Ngula ukwamba ngayi, nili na kuwahisha malwa aya akeza hahenu. Nili na kuyongola kumishushula. Bokenu haya, muntu nimwendi, alehe zinzila zendi zazibi na biheka byendi byabibi ali na kutenda.

Yelemiya 18:8

ndi liya litunga natoyo likutenguluka ku byabibi, pe nikabweshamo bihanganiko byami hanebye nayongwele ngayi nikabitenda.

Yelemiya 26:13

Haya munafwanini kutenguluka ku zinzila zenu na zintendelo zenu, ombatalenu lizu lya Nyambi ya Ngula Nyambi yenu. Ndi mu kutenguluka ukalibelula, pe kukaleta malwa aya atoya ngayi akeza hahenu wufwako.

Yelemiya 35:15

Bikati byabingi ninamitumini bakamilimo bami bamiluwe na kwamba ngayi, muntu na muntu atenguluke kufuma ku zinzila zendi zazibi ngayi atende byakwoloka. Hinga mukonkezeka hinge kukombelela banyambi bashenge, hinge kubatendela milimo, ngayi mwanga mwikalenga mu litunga napanine bankakazenu. Ngoboni shilolo munyuvwilile hinge kunyombatala.

Yelemiya 35:16

Bazukulyendi Yonandabe mwana Lekabe, banalama ndayano eze abapanine nkakayabo, ngoboni enu kushinga kunyuvwa mufwako.

Yelemiya 4:1

Nyambi ya Ngula ukwamba ngayi, “Obe Ishalela ndi ukushinga kutenguluka, pe unafwanini kutengulukila kukwami. Ndi ukufumisha tunankishi otu na zimba na kwinga wakulunga kukwami,

Yelemiya 6:16

Nyambi ya Ngula ukwamba ngayi, “Yimanenu ha mahambanzila na kupenza, pe yipulenu zinzila za bashikale yipulenu nzila yikutwaminina ku mfuywezi, endenu muya mu nzila mwanga muliwanine kukwanguluka.” Ngoboni mwambile ngayi, “Kukendamo tufwako.”

Yakoba 4:8

Henyenenu kuli Nyambi, niye kami ukahenyena kukwenu. Yoweshenu maboko enu, enu bakawubi yeleshenu mitima, enu baka mitima yibili.