Yelemiya 5:3 - Libuka Lya Kuyela

³ Obe Nyambi ya Ngula, kati meho obe kaliha atilaminanga ha bya kupwisha ndi? Wabakamine ngoboni kaliha bayuvwile kukola, wabashushwile ngoboni kaliha batengulukile, bakaluhishile mitima yabo kupitakana mamanya, pe bakanine kutenguluka.

Yelemiya 5:3 Iomraidhean Croise

Shitatiko 19:34

Oho kwashile mwanendi wa mukulwane wambile kuli mukonzo wendi ngayi, “Ami na langana na tatiyetu wushiku wa nzona. Haya tokoko, tumunwishe wushiku walelo ngayi nobe kami wulangane nendi, niho nimwetu twikale na bana ba kuli tatiyetu.”

1 Bamyene 13:33

Mwene Yelombowami wamu Ishalela kaliha watengulukile ku zinzila zendi zazibi, ngoboni wazaminine kuhata bakankombela baku ba lupashi bowa ngayi batende ku tuula otu azikile ku myanya ya kuzila. Wemikile muntu nimwendi ou washingile kwinga mukankombela.

2 Bamyene 1:13

Mwene wabokeleleho kami watumine shilolo wamina na bantu makumi mutanu. Wakankalalile ha shinkanda pe wafunkamine ha manungo kumbili ya Eliya, wamulambililile ngayi, “Obe muntu wa Nyambi unyuvwileko nceshe na bantu bami. Shiyaho wumi wetu.

2 Byambo 16:9

Nyambi ya Ngula ukushengezela hano hanci nimwaho na kupana nyala kukwabo ba ku mwombatala mu kupwisha. Ha shuma eshe mwatenda bya wunkutala shikuma, nohobene haya ku balika lelo na kutwala kumbili mukonzela kulwanga nzita.”

2 Byambo 28:22

Oho malwa anenehele, mwene Ahazi wabipishilile Nyambi ya Ngula shikuma, kupitakana mwaka.

Nyimbo 51:6

Mona, obe washinga kwoloka ku muntu wa mukati, nohobene ndongeshe ngana zobe.

Nyimbo 51:8

Nyintabilishe kuyuvwa kutangalala na ku wahilila, hinge ndi unancancolo na kunkolesha, nikawahilila kami.

Nyimbo 55:20

Muhoni wami, unalwishi bahoni bendi, unakiluku kulimama kwendi.

Zincimpi 21:29

Bakuluwa baliyongolanga kwinga babawahe, ngoboni ba kupwisha bayongolanga ha zinzila zabo.

Zincimpi 22:12

Meho a Nyambi ya Ngula apenzanga ha uya uli na kalimukisho, ngoboni wakanangananga mazu a muntu wa mahalo.

Zincimpi 23:35

“Bakamuyaha ngoboni ukamba ngayi, ‘Shilolo nilemane.’ Bakamukama ngoboni ukamba ngayi, ‘Kuyuvwa kukola nifwako, nikapinduka mwaka ngani? Niye na kunwa kami.’”

Zincimpi 27:22

Hinge ndi ukushimba mumba na kutwa wakuyeba hamo naheke mu nkunzu, ngoboni wuleya wendi kukamumana wufwako.

Ishaya 26:11

Obe Nyambi ya Ngula, ngovu zobe zinamoneke, ngoboni kuzimona bafwako. Balehe bamone shitima shobe sha kuyavwa bantu bobe, pe bakayuvwa lisheni. Leha mundilo uya watentekela bamalamo bobe, mwanga ubalobeshe.

Ishaya 42:25

Nohobene wayitililile ntukumina, ya wukali wendi na nzita yayinene ha Ishalela, wabangizile mundilo hahabo, ngoboni kaliha bayuvwishishile, mundilo wabahokeshele, ngoboni nibo ni mutima waboko. Kowa ebye tunalilongesheho.

Ishaya 48:4

Ndaba nikulimuka ngayi muli binkwange, babakalu mitima.

Ishaya 9:13

Bantu ba Ishalela bafwako kutenguluka, hinge ndi Nyambi wa Makunge unabashushulu, shilolo batengulukile kukwendi.

Yelemiya 15:7

Nikamilelekela kufuma mu minzi nimwayo yamu litunga ngo mwila. Nikalobesha bantu bami. Nikaziha bana babo ndaba ya kubula kuleha zinzila zabo za wunyengwe.

Yelemiya 17:23

Ngoboni bankakazenu kaliha bayuvwile hinge kwombatala ebye nabatongwezele, bengile babinkwange. Bakanine kunyombatala, kaliha batengekele matu wabo kukwami.’

Yelemiya 19:15

“Nyambi wa Makunge, Nyambi wa Ishalela ngayi, monenu nikuleta ha luno lukena naha minzi yalwo ya hahepi, byabibi nimwabyo biya nabatoyelele ngayi nikabitenda ndaba banakaluhishi mitima yabo, pe banakana kuyuvwa lizu lyami.”

Yelemiya 2:30

Nashushwile banabenu, ngoboni kaliha mwalilongesheho ha shuma eshe. Ngonehe shimbwi wamukali, mwazihile bamiluwe benu na mukwale.

Yelemiya 3:3

Nohobene ebye nibyo binakwangishi na mvula ngayi aloke, hinge mbundu yawanga mupepo naniyo kowa, ngoboni obe ku meho obe uku moneka kwinga waku wahilila na biheka bya wunjenge, kuyuvwa lisheni ufwako.

Yelemiya 32:19

Wayongolanga byuma byabinene na kutenda byuma bya kukomokesha, meho aku mona ntendelo ya bantu nimwabo, wapananga ncuungu ku muntu na muntu kuya na biheka byendi naku mikabo ya ntendelo yendi.

Yelemiya 35:13

“Ami Nyambi wa Makunge, Nyambi wa Ishalela nikwamba ngayi, yanga ukatongweze bantu ba Yunda naba bali mu Yelushalema ngayi, Shumangani mu kubula ku yuvwishisha na kwombatala mazu wami.”

Yelemiya 44:10

Ngoboni naku mutena uno walelo kulishepesha hinge kuntina mufwako, hinge kuyoya mu ndayano nimwazo ziya namipanine na bankakazenu.’

Yelemiya 7:26

Ngoboni kaliha mwanyombatalile, pe kaliha mwatengekele matu wenu kukwami mwakaluhishile mitima shikuma, pe mwengakale bamafutufutu kupitakana bankakazenu.

Yelemiya 7:28

Ukabatongweze ngayi litunga lyabo kwombatala Ami Nyambi ya Ngula, Nyambi yabo bafwako, kami oho likushushuliwa ku shinga kulilongesha lifwako. Kami kupwisha mumwalyo mowa, kami kwambola byakwoloka hilifwako.”

Yelemiya 8:5

Haya shumangani aba bantu banashanukili mu nzila? Haya shumangani Yelushalema akwongezela ku shanuka mu nzila? Banakakatili ku tunankishi twa mahalo, kushinga kutenguluka bafwako.

Ezekiyele 2:4

Nibo bengile ba mitima yayikalu kami bafwako kundemeeka. Ami nili na kukutuma ngayi ukabatongweze osho nili na kwamba kukwabo, Ami Nyambi ya Ngula.

Ezekiyele 24:13

Obe lukena, linyawe lyobe watendanga linakubipishi. Hinge noho ami nashingile kukuyelesha, ngoboni kuyela wufwako. Kami kukayeleshiwa wufwako kutwala ha shikati ukayuvwa ulemu wakupilama kwami.

Ndanyele 9:13

Twatambwile malwa nimwawo ngonehe shatikitiwa mu ndayano za Moshesha. Hinge ndi kaliha twezeka kulambilila kuyamiziza kwa Nyambi ya Ngula, Nyambi yetu, ha kutenguluka kufuma ku wubi wetu hinge kukonka kupwisha kwobe.

Balevi 26:23

“Ndi ha naka kashushwilo nimwako enu mushili kukana kunyuvwilila na kuzamina kuhandula.

Amoshi 4:10

Natumine wulweli wakuliyambwisha wakufweka ngo wamu Engepita. Nazihile bandumbana benu na mukwale. Namiyangwile bambishi benu. Netabilishile livumba lyamu minkungwa yenu kunukila mu mizulu yenu, hinge noho kaliha mwabokele kukwami. Eshe nisho akwamba Nyambi ya Ngula.

Amoshi 4:11

Nalobeshele bamina hakati kenu ngonehe nalobeshele Shondoma na Ngomola, enu mwengile ngo shishinzi banayokolo mu mundilo, hinge noho kaliha mwabokele kukwami. Eshe nisho anamba Nyambi ya Ngula.

Amoshi 4:6

Nabulile kumipanika byakulya mu minzi yenu nimwayo na kapande kekalile mu minzi yenu, hinge noho kaliha mwabokele kukwami. Eshe nisho anamba Nyambi ya Ngula.

Amoshi 4:8

Bantu bayebangilile kufuma mu minzi yamina kuya mu minzi yimina na kushinga mema akunwa, ngoboni ku balingana afwako, hinge noho kaliha mwabokele kukwami. Eshe nisho anamba Nyambi ya Ngula.

Amoshi 4:9

Naletele wulweli wakukonyangalisha mbuto yenu na wakushipisha mabizi wayo. Nalobeshele mafuba wenu a mbuto na mafuba wenu a mikabo ya shinyanca na mitondo yenu ya mikuyu naneye ya olive yaliwile ku mikumbi, hinge noho kaliha mwabokele kukwami. Eshe nisho anamba Nyambi ya Ngula.

Zefwaniya 3:7

Niho nambile ku luyo lukena ngayi, ‘Mwa shikuma haya ukantina na kutambula kutengululiwa.’ Nyinkalo yendi kukalobeshiwa yifwako hinge kashushwilo kami kukeza hahalwo kafwako. Ngoboni mitima yabo nimwayo yishili kukakatila kutenda milimo ya ku bola.”

Baloma 2:2

Ngoboni tukulimuka ngayi kuyata kwa Nyambi kwenga kwa kupwisha ku baya ba kutenda byuma bya noho.

Bahebelu 12:9

Nohobene nanetu kami twekalilenga na batatizetu mu wuntu, batushuzilenga, ngoboni twabapaninenga maleema, kati kaliha tunafwanini kwombatala Tate mu moyo mwanga tuyoye ndi?