Yelemiya 47:2 - Libuka Lya Kuyela

² “Mona, mema akwizilila kufuma ku ncelele, kami akenga ngonehe mushinzi unayiti, uli naku kunkula akakupula litunga na byuma nimwabyo bilimo, minzi na bantu bazikamo. Bantu bakakuwa ngayi babayavwe, bantu nimwabo bazika mu litunga bakatuwa mbingo.

Yelemiya 47:2 Iomraidhean Croise

Yelemiya 46:20

Engepita unafweke ngonehe mwana ngombe ya shitole yayiwahe, ngoboni yikulwishiwa ku mpobe waku ncelele.

Yelemiya 8:16

Kupembula kwa bambishi ba bamalamo betu, kuli na kuyuvwanika ku litunga lya Ndani, bankunzi ba bambishi oho ba kukoloma litunga nimwalyo likukanka. Bamalamo betu bali na kwiza mu kulobesha litunga lyetu na nimwabyo biya bilimo, lukena lwetu hamo na bantu balwo.”

Yelemiya 1:14

Nyambi ya Ngula niho ambile kukwami ngayi, “Malamo akafuma ku ncelele pe akashindumukila ku baya bazika mu litunga lino.

Kuholoka 17:15

Lingeloyi lyambile kami kukwami ngayi, “Mema awa unamono, aha anekala ou mbuyama walwiholwiho, enga bantu na makunge na matunga na zindimi.

Kuholoka 17:1

Niho limo ku mangeloyi mutanu na abili aya ekalile na zindonga za kukunama mutanu na zibili, lyezile kukwami, pe lyambile ngayi, “Yeka, nikakumoneshe kuyatiwa kwa mbuyama walwiholwiho shikuma, ou wekala ha mema amengi.

Yakoba 5:1

Tambako, enu bakakuheta, lilenu na kukaloka ndaba ya makalikiza akamishiwukila.

1 Kolinte 10:28

Ngoboni ndi muntu wamina ukamba kukwobe ngayi, “Ebye byakulya binatupuliwi ku tunankishi,” hinga ulya, ndaba ya niye unakumoneshe na ndaba ya shikeketima shobe.

1 Kolinte 10:26

Ndaba kwatikitiwa ngayi, “Kaye kenga ka Nyambi ya Ngula na byuma bilimo nimwabyo.”

Nahumi 1:8

Ngoboni ukakupula baya ba kumulwisha na libazi lyalinene na ku bamanisha, pe ukatandila bamalamo bendi mu mincimpwe.

Ndanyele 11:22

Bakanzita babengi ukabanongesha peluu na mukulwane wa bakankombela nimwabo wa Nyambi ukanongeshiwa.

Yelemiya 48:39

Monenu Mowambi eshe anacancoliwi! Yuvwenu eshe ba kukoloma bantu bendi. Monenu Mowambi eshe anabapenzeshe mongo na lisheni! Mowambi wafutukakale kwinga shuma sha kukendiwa, shuma sha kukenduliwa ku nobo nimwabo bamuzinguluka. Eshe nisho anamba Nyambi ya Ngula.

Yelemiya 46:13

Awa niwo mazu a Nyambi ya Ngula ambile kuli muluwe Yelemiya hakwiza kwa Nembukandineza mwene wa Mbambiloni mu kulwisha Engepita.

Ishaya 59:19

Pe bantu bakatina Nyambi ya Ngula, kufuma ku mushamuko kukuma ku mponci, na wuwahe wa maleema endi akafuminina ku mushamuko, ndaba niye ukeza ngo kashinzi ka makuka, oko kakukukushiwa na mpepo yayinene.

Ishaya 28:17

Kuyata kwakwoloka na kulunga nisho shipimisho sha kupimisha mwimbi. Likandavula likakomba mahalo nimwawo owo wakinka mutima, na libazi likalobesha matinino wobe.”

Ishaya 22:1

Awa niwo mazu aha mukulo wa bimono. Kati ebye bikumikabakanisha bishini ngayi mukundame hayilu, nimwenumwenu hayilu ya biluli bya matala?

Ishaya 15:8

Mwa shikuma lukuwa luna kuyuvwanika mu litunga lya Mowambi nimwamo, na mbingo zinakakumu ku minzi yamu Engilayimu namu Mbelelimu.

Ishaya 14:31

Obe, lipangati kuwela! Obe lukena lila! Obe, Fwilishitina myongotoka na kukanka! Bakanzita bali na kwiza, ngonehe likumbi lya wishe likukakumuka ku ncelele, kami banaliwahishili.”

Nyimbo 98:7

Haya obe liwate, nkwancana, hamo na bibumbwabumbwa nimwabyo bilimo, obe Kaye, wahilila hamo na naba bazikamo nimwabo.

Nyimbo 96:11

Bya muyilu bitangale, bya hanci hano biwahilile! Nobe liwate nkwancana, na byuma nimwabyo bya kulengiwa uli nabyo!

Nyimbo 50:12

Hinge ndi shinga nekalile na nzala shinga kaliha nakutongwezele, ndaba kaye na byuma nimwabyo bilimo byenga byami.

Nyimbo 24:1

Kaye kenga ka Nyambi ya Ngula na byuma bilimo nimwabyo, hanci nanobo bazikaho banengi bendi.

Yelemiya 6:22

Nyambi ya Ngula ukwamba ngayi, “Monenu, bantu bakeza kufuma ku litunga lya ku ncelele, litunga lyalinene bakufuma ku zimbalila za kwakutali za hano hanci.

Yelemiya 46:12

Matunga nimwawo akayuvwa lisheni lyobe, muntu nimwendi ukayuvwa kulila kwobe. Mukanzita ukapukala ku mukanzita wamina, nimwabo bakawila hanci.”

Yelemiya 46:24

Mwana Engepita wa mbuyama ukayeneshiwa, ukapanikiwa ku maboko a bantu ba ku ncelele.”