Yelemiya 42:3 - Libuka Lya Kuyela

³ Lombela ngayi Nyambi ya Ngula, Nyambi yobe atumoneshe nzila eye tuku fwanina kuya naneshe tuku fwanina kutenda.”

Yelemiya 42:3 Iomraidhean Croise

1 Bamyene 8:36

bayuvwe omwo muyilu wekala. Yatila wubi wa mwene na wa bantu ba Ishalela, pe balongeshe sha kutenda ebye binawaha. Obe Nyambi ya Ngula, tuma mvula ha litunga lyobe, elye wapanikile ku bantu bobe kwinga likona lya kubula kumana.

Ezila 8:21

Kwakwipi na Lilomba lya Ahaba na fundizizile bantu nimwabo kuzila kulya na kulombela. Kulilimbwilisha etu bamwine ku meho a Nyambi yetu na kumunyepa ngayi atutwaminine ha mukala na kutulama na banabetu na wuheti wetu nimwawo.

Nyimbo 27:11

Obe Nyambi ya Ngula, ndongeshe ebye ukushinga ngayi nibitende, pe ntwaminine mu nzila yayiwahe, ndaba nili na bamalamo babengi.

Nyimbo 86:11

Obe Nyambi ya Ngula, ndongeshe eshe ukushinga ngayi nitende, pe nikakwombatala mu kupwisha, ndongeshe ku kutendela milimo na mutima wami nimwawo.

Zincimpi 3:6

Bikati nimwabyo anuka Nyambi ya Ngula, pe ukakutwaminina mu nzila ya kupwisha.

Ishaya 2:3

Bantu babengi bakeza na kwamba ngayi, “Yekenu tukankalale ku lipili lya Nyambi ya Ngula. Ku Litala lya Nyambi wa Ishalela, ngayi akatulongeshe twafwanina kutenda, mwanga tukende mu zinzila zendi.” Ndaba ndayano zikufuminina mu Ziyoni, na lizu lya Nyambi ya Ngula likafuma mu Yelushalema.

Yelemiya 6:16

Nyambi ya Ngula ukwamba ngayi, “Yimanenu ha mahambanzila na kupenza, pe yipulenu zinzila za bashikale yipulenu nzila yikutwaminina ku mfuywezi, endenu muya mu nzila mwanga muliwanine kukwanguluka.” Ngoboni mwambile ngayi, “Kukendamo tufwako.”

Mika 4:2

Bantu babengi bakeza na kwamba ngayi, “Yekenu tukankalale ku lipili lya Nyambi ya Ngula, ku Litala lya Nyambi wa Ishalela, ngayi akatulongeshe twafwanina kutenda, mwanga tukende mu zinzila zendi.” Ndaba ndayano zikufuminina mu Ziyoni, na lizu lya Nyambi ya Ngula likafuma mu Yelushalema.

Ndayano 5:26

Kati kwekalile muntu yani uya wayuvwile Nyambi wakuyoya hamba mu mundilo, pe ha kutwalililaho kuyoya ndi?

Ndayano 5:29

Ndi ba kuliyuvwa nehe tuhu shikati nimwasho, ndi ba kundemeeka shikati nimwasho na kwombatala ndayano zami nimwazo, pe byuma nimwabyo bikenda shiwahe kukwabo naku bazukulyabo mwaya myaka.