Yelemiya 4:3 - Libuka Lya Kuyela

³ Nyambi ya Ngula ukwamba ku bantu bamu Yunda na Yelushalema ngayi, “Ngonehe ndimi ukulima mfuba ya nteme na kupumpulula mashinde, pe nanenu mwafwanina kupumpulula biheka byenu bya mafutufutu na ku balika shiwahe. Ngonehe ndimi akufumisha mihongela kutina mbuto yendi yibipa nanenu kami fumishenu wubi ou uku bipisha nyinkalo yenu.

Yelemiya 4:3 Iomraidhean Croise

Shitatiko 3:18

Likamenesha nyawe na mihongela kami obe ukalyanga mikabo ya mu lishaka.

Kututika 23:11

Ngoboni ha mwaka wa mutanu na yibili, hinga ukashangamo, ukawalehe taha akalaluke, kami hinga ukatezamo mbuto ya kulimenena. Pe bakakuyanda bakalye ebye bikamenamo kami na tuyamana twa lishaka mwanga tukatweshe kulya ebye bikushalamo. Nisho kami ukatenda na mafuba obe a mikolobozi ya mikabo ya shinyanca na nawa a mitondo ya olive.

Hoshiya 10:12

Lishangilenu kwoloka, pe mukateza mfuywezi zami za shishemo sha kubula kumana. Shendekenu mafuba wenu a nteme amu mitima ndaba shikati sha kushingashinga Nyambi ya Ngula shinakumu. Shingashingenu Nyambi ya Ngula hantu nezi na kumi lokeshela mvula wakupulwisha.

Mateo 13:22

Mbuto yawililile mukati ka mihongela yikutontolola muntu ukuyuvwa lizu, ngoboni kulifulankana bya wumi na bifungo bya kwongeza kwa wuheti, pe bikutintisha lizu, ngayi libule kuyima mikabo.

Mateo 13:7

Yamina yawililile mukati ka mihongela, oho mihongela yakulile yayitintishile.

Mako 4:7

Yamina yawililile mukati ka mihongela, oho mihongela yakulile, yayitintishile, niho yabulile kuyima.

Luka 8:14

Mbuto yawililile mu mihongela yinengi bantu baya ba kuyuvwa lizu, ngoboni bya kulifulankana na wuheti na nyumwa ya byuma bya wumi uno bikatintisha lizu ngayi mikabo yabo yifwako kukula.

Luka 8:7

Yamina yawililile mukati ka mihongela, oho mihongela yakulile hamo na mbuto, yayitintishile.