Yelemiya 4:2 - Libuka Lya Kuyela

² haya ndi ukulibeza ha lizina lyami mu kulunga namu kupwisha na mukwoloka ngayi, ‘Ngonehe Nyambi ya Ngula ayoya,’ niho matunga nimwao akanyepa mfuywezi zami na kunyemeza.”

Yelemiya 4:2 Iomraidhean Croise

Shitatiko 22:18

Kami matunga nimwawo akanyepa ngayi niwatandalishe ngonehe natandalishi bazukulyobe nimwabo, ndaba obe unombatala lizu lyami.”

1 Bamyene 3:6

Sholomoni wakumbwile ngayi, “Wamoneshelenga shishemo shobe hali mukamulimo wobe tate Ndavita, ndaba wengile wamuwahe na kulunga, kami wa kupwisha mu kulilumikila kwendi na nobe. Kami unazamini kumu monesha shishemo shobe sha mwaya myaka ha kumupana mwana wa mulume ou uli na kulela mu mwanya wobe lelo.

Nyimbo 72:17

Mwanga lizina lyendi hinga likavulamiwa, na niye kami aye mpupo shikati sha shitali ngonehe mutena. Bantu nimwabo mwanga bawane mfuywezi za Nyambi hahendi. Matunga nimwawo akamutoyenga ngayi mwene wakufuyweliwa.

Nyimbo 99:4

Obe Mwene Wangovu, wahaka bya kupwisha, unashumishi kupwisha mu Ishalela, unalete kupwisha na kuyata kwa kubula shihota.

Ishaya 45:23

Nalibeze amimwine ngayi, shambo shinafumu mukanwa kami sha kulunga, kukafutuka shifwako shiya na kulupishile, “Bantu nimwabo bakashungumana kukwami, zindimi nimwazo zikalibeza hahami.”

Ishaya 45:25

Muli Nyambi ya Ngula, bazukulya Ishalela, bakawaniwa kwinga bakulunga. Pe bakatumpuka.”

Ishaya 65:16

Nohobene ou ukushinga mfuywezi mu litunga liyo, ukanyepa mfuywezi kuli Nyambi wa kupwisha, kami muntu nimwendi ukulibeza mu litunga liyo, ukalihaha na Nyambi wa kupwisha, Ndaba wukalu wakumwaka unavulamiwi, kami unafumishiwi ha meho wami.

Yelemiya 10:10

Ngoboni Nyambi ya Ngula wenga Nyambi wa kupwisha, wenga Nyambi wakuyoya, kami wenga Mwene wa mwaya myaka. Oho akalihanga hano hanci hakankanga, kami matunga kutwesha kwimana ku wukali wendi afwako.

Yelemiya 12:15

Pe oho nabafumishakale mu matunga, nikabayuvwila nceshe. Niho nikababwesha ku matunga wabo naku makona wabo.

Yelemiya 12:16

Ndi bakalilongesha shiwahe zinzila za bantu bami na kulibeza na lizina lyami ngayi, ‘Ngonehe Nyambi ya Ngula ayoya.’ Nehi balongeshele bantu bami kulibeza mu lizina lya Mbaalu, niho bakekala hamo na bantu bami.

Yelemiya 16:19

Nyambi ya Ngula obe ngovu zami na shipata shami na matinino wami ha shikati sha makando. Matunga akwakutali a hano hanci akeza kukwobe na kwamba ngayi, “Bankakazetu bekalile na banyambi bowa ba mahalo, bakubula kutenda byamina.

Yelemiya 3:17

Ha shikati shiyo, bakatoya Yelushalema ngayi, niye litanda lya Nyambi ya Ngula. Pe matunga nimwawo akakungulukila mu Yelushalema na kulemesha Nyambi ya Ngula, pe kowa baya eze bakatende biheka bya kuluwa kwa mitima yabo yayikalu.

Yelemiya 33:9

Yelushalema ukandetela ku wahilila na kuyemeziwa na maleema, pe matunga nimwawo a hano hanci owo akayuvwa mpupo ya byuma byabiwahe ebye na batendela, bakekala na bowa na kukanka ndaba ya kubapana ku mwena na kutangama shikuma.

Yelemiya 5:2

Hinge ndi bakulibeza ngayi, “Mwa shikuma bene, ngonehe Nyambi ya Ngula ayoya,” hinga noho bakulibeza tuhu bya mahalo.

Yelemiya 7:5

“Tengulukenu ku nyinkalo yenu naku zintendelo zenu na kuyata byambo shiwahe mu kupwisha ku umo na wamina.

Yelemiya 9:24

Ngoboni ou ukuliyemeza, aliyemeze mu kunyuvwishisha na kundimuka ngayi, Ami Nyambi ya Ngula, wa shishemo sha mwaya myaka, ou wayatanga shiwahe mu kwoloka hano hanci, ndaba ebye nibyo byangwahilisha ku mutima.” Eshe nisho anamba Nyambi ya Ngula.

Hoshiya 2:19

Nikakubwesha kukwami mwaya myaka. Nikakubwesha kukwami mu kulunga na mu kupwisha, nika kuholwela shishemo sha mwaya myaka na shikeketima.

Yowele 2:12

Nyambi ya Ngula ukwamba ngayi, “Hinge ha shikati shino, tengulukilenu kukwami, na mitima yenu nimwayo na kuzila kulya, na kulila na kutuwa mbingo,

Zakaliya 8:8

nikabaleta ngayi bakekale mu Yelushalema, bakenga bantu bami nami nikenga Nyambi yabo mu kupwisha namu kulunga.”

Malaki 1:11

Lizina lyami lyalinene hakati ka matunga nimwawo, kufuma kukututika kwa mutena kutwala na kukulela kwawo. Muzimbalila nimwazo incence ya kuhokesha iya yatutwishanga livumba lyaliwahe yatupuliwanga ku lizina lyami, na ntupu ya kuyela kulemeeka lizina lyami. Ndaba lizina lyami lyalinene mukati ka matunga.” Eshe nisho anamba Nyambi wa Makunge.

1 Kolinte 1:31

Ngonehe kwatikitiwa ngayi, “Nimwendi ukushinga kuliyemeza aliyemezele muli Mwene.”

2 Kolinte 10:17

Ngonehe kwatikitiwa ngayi, “Niye ukuliyemeza, aliyemeze muli Mwene.”

Ngalatiya 3:8

Kami byatikitiwa mwaka bikwamba ngayi Nyambi ukaolokesha Bakamatunga na kukulupila. Ncango zaziwahe zabilikiwile kuli Abulahama ngayi, “Mumwobe matunga nimwawo akawana mfuywezi.”

Ndayano 10:20

Enu Baishalela ombatalenu tuhu Nyambi ya Ngula, Nyambi yenu na kumulemesha. Yingenu bakulunga kukwendi ninkayendi na kulibeza mu lizina lyendi.

Ndayano 4:30

Oho muli mu makalikiza, pe byuma nimwabyo ebye hibikuholoka kukwenu ha kukotoka, mukatengulukile kuli Nyambi ya Ngula na kumwombatala,

Ndayano 6:13

Panenu maleema tuhu Nyambi ya Ngula, Nyambi yenu, mulemeshenunga niye tuhu na kulibeza mu lizina lyendi.

Fwilipu 3:3

Ndaba etu bakamukanda wa kupwisha, etu tukulemesha Nyambi mu Moyo na ku wahilila muli Kilishitu Yeshu. Etu tukubula kuyaka bihanganiko ku bya wuntu,

Lute 3:13

Yikala kuno wushiku nimwawo, pe ku lumenemene kawushinda wobe waha mutima ukushinga kukuliza, pe shashiwahe atende noho, ngoboni ndi kushinga wufwako kukutendela byawushinda waha mutima, nikubeza na Nyambi ya Ngula wakuyoya nohoboni nika kuliza. Haya langana kutwala ku lumenemene.”

1 Shamwele 20:3

Ngoboni Ndavita wakumbwile ngayi, “Tatiyobe walimuka shiwahe ngayi obe wahaka shikuma, kami wahanganikanga ngayi, Yonatana hinga alimuka ebye, pe ukapilama. Nikulibeza kukwobe na Nyambi ya Ngula wakuyoya ngayi nili tuhu hahepi na lufu.”