Yelemiya 4:1 - Libuka Lya Kuyela

¹ Nyambi ya Ngula ukwamba ngayi, “Obe Ishalela ndi ukushinga kutenguluka, pe unafwanini kutengulukila kukwami. Ndi ukufumisha tunankishi otu na zimba na kwinga wakulunga kukwami,

Yelemiya 4:1 Iomraidhean Croise

Shitatiko 35:2

Nohobene Yakobo wambile ku bakalupashi lwendi naku nimwabo aba bekalile nendi hamo ngayi, “Fumishenu banyambi bashenge aba muli nabo, liyeleshenu enu bamwine, pe vwalenu bivwalo bya kuyela.

2 Bamyene 23:13

Yoshiya wazilulwile tuula tuya azikile Sholomoni mwene wa Ishalela ku mushamuko wa Yelushalema, ku mabukubuku a lipili lya mitondo ya Olive ha kulemeshela tunankishi twa wunyengwe twa Ashitaloti nyambi wa mbuyama waku Shindoni na kemoshi nyambi waku Mowambi na Moleki nyambi waku Amoni.

2 Bamyene 23:24

Ha kushumisha mazu atikitiwile mu Libuka lya Mukankombela wa mukulwane Hilikiya mu Litala lya Nyambi, Mwene Yoshiya watandile mu Yelushalema na yunda nimwabo bakakuvumbula bafu na balozi na bakakwawula nimwabo na banyambi bowa bamu matala na tunankishi na byuma nimwabyo bya kulemesha banyambi bowa.

2 Byambo 15:8

Oho Asha ayuvwile kulubulula kuya alubulwile Azaliya mwana Ondendi, washumine mutima. Wafumishile tunankishi twa Yunda na Mbenjamani. Wafumishile tunankishi nimwato twa mu zinkena ziya apukwile mu litunga lya binkanda lya Efulemu. Kami watendulwile kaala ka Nyambi ya Ngula, shiya shemaninenga mu shipango sha Litala lya Nyambi.

2 Byambo 33:8

Kami shinga bantu ba Ishalela bakwombatala Ndayano zami nimwazo na kulama mazu wami nimwawo na kufundiziza napanine ku mukamulimo wami Moshesha, pe kuka batabila ngayi batandiwe mu litunga liya napanikile bankakazabo nifwako.”

2 Byambo 34:33

Mwene Yoshiya wanongeshele tunankishi nimwato twa wunyengwe tuya twekalile mu litunga liya lyengilenga lya bantu ba Ishalela, pe shikati sha kuyoya kwendi nimwasho washingilenga ngayi bantu balemeshenga Nyambi ya Ngula Nyambi wa bankakazabo.

Ishaya 31:6

“Enu bantu ba Ishalela, tengulukilenu kuli Nyambi ou munafutamini shikuma.

Yelemiya 15:19

Haya Nyambi ya Ngula ukwamba ngayi, “Ndi ukulishisha, nika kutambula, ngayi mwanga ukenge mukamulimo wami kami. Ndi ukamba mazu amawahe na kubula kwamba byowa pe ukenga muluwe wami kami. Bantu bakeza kukwobe, obe kukaya kukwabo wufwako.

Yelemiya 15:4

Kami nikaletesha matunga nimwawo mu kaye kulikomokela hanebye bya wunyengwe nikatenda hahenu, ndaba ya wubi wa Manashe mwana Hezekiya, mwene wa Yunda uya atendele mu Yelushalema.

Yelemiya 18:11

Haya tongweza bantu ba Yunda nanaba bekala mu Yelushalema wambe ngayi, ‘Nyambi ya Ngula ukwamba ngayi, nili na kuwahisha malwa aya akeza hahenu. Nili na kuyongola kumishushula. Bokenu haya, muntu nimwendi, alehe zinzila zendi zazibi na biheka byendi byabibi ali na kutenda.

Yelemiya 24:9

Nikaleta malwa hahabo ngayi wene nimwawo wa hano hanci ukatina. Bantu bakabahengamina na ku balimbwilisha na ku ba kuta nimwako oku nikabapanzanishila.

Yelemiya 25:5

Bamiluwe bambilenga ngayi, ‘Tengulukenu nimwenu, fumenu ku zinzila zenu zazibi na kuntendelo yenu yayibi, mwanga mwikale mu litunga elye Nyambi ya Ngula apanine kukwenu naku bankakazenu, mwaya myaka.

Yelemiya 3:1

Nyambi ya Ngula ukwamba ngayi, “Ndi mulume ukulubula mukazendi, pe uya mbuyama ha kuya na kuyekiwa ku mulume wamina, kati ukutwesha kumubwesha kami ndi? Byo, ndaba litunga likenzala na biheka byabibi? Ngoboni obe Ishalela unakwata banjenge babengi haya niho kami uli na kushinga kuboka kukwami ndi?

Yelemiya 3:12

Nyambi ya Ngula wantongwezele kuya mu kubilika awa mazu ku ncelele ngayi, “Boka obe Ishalela wakubula kwoloka, ndaba Ami nili wanceshe, kuka kupenza na wukali nifwako, kami kuka kupilamina mwaya myaka nifwako.

Yelemiya 3:14

Nyambi ya Ngula ukwamba ngayi, “Bokenu kukwami enu bana bakubula kukulupila ndaba Ami hekulyenu. Nikafumisha umo mu lukena na kufumisha babili ku lupashi lwabo, pe nikabaleta mu Ziyoni.

Yelemiya 3:22

“Tengulukenu enu bantu bamafutufutu, pe nikamiyatila ha kuluwa kwenu.” Etu bano, ndaba Nyambi ya Ngula, obe Nyambi yetu.

Yelemiya 35:15

Bikati byabingi ninamitumini bakamilimo bami bamiluwe na kwamba ngayi, muntu na muntu atenguluke kufuma ku zinzila zendi zazibi ngayi atende byakwoloka. Hinga mukonkezeka hinge kukombelela banyambi bashenge, hinge kubatendela milimo, ngayi mwanga mwikalenga mu litunga napanine bankakazenu. Ngoboni shilolo munyuvwilile hinge kunyombatala.

Yelemiya 36:3

Kampe bantu ba Yunda bakayuvwa byabibi nimwabyo biya nikuyongola kutenda kukwabo, hamina bakatenguluka kuleha zinzila zabo zazibi, pe nikabayatila kukutengama kwabo naku wubi wabo.”

Yelemiya 4:4

Lamenu kulimama kwenu na nami Nyambi ya Ngula, lifungwilenu kukwami, enu bantu bamu Yunda na Yelushalema, kutina wukali wami ukabanga hahenu ngonehe mundilo ndaba ya byuma byabibi munatende. Mundilo ukabanga pe kowa ukatwesha kuwu zima.”

Yelemiya 7:3

Nyambi wa Makunge, Nyambi wa Ishalela ukwamba ngayi, futulenu nyinkalo yenu na byuma ebye mwatendanga, ngayi mwanga nikamitabile kwikala muno.

Yelemiya 7:5

“Tengulukenu ku nyinkalo yenu naku zintendelo zenu na kuyata byambo shiwahe mu kupwisha ku umo na wamina.

Yelemiya 7:7

Pe nikamitabila ngayi mwikalenga mu uno mwanya, mu litunga elye napanikile bankakazenu kwinga likona lyabo mwaya myaka.

Ezekiyele 11:18

Oho bakaboka, bakafumisha nimwabyo bya mazilo na tunankishi twa wunyengwe bakawana.

Ezekiyele 18:13

Niye ukupana mukuli wa mali ngayi awaneho nkambiko. Muntu wa nehe ukayoya ndi? Byo, wufwako. Niye unatende byuma nimwabyo ebye kwinga byawunyengwe, ukafwa, kami ukanyanciwa niyemwine ha lufu.”

Ezekiyele 43:9

Haya balehe kulemesha tunankishi, pe bafumishe mituntu ya bamyene babo, hinga yikala hahepi na nami ndi bakatenda noho pe ami nikekala mukati kabo mwaya myaka.”

Hoshiya 14:1

Obe Ishalela boka kuli Nyambi ya Ngula, Nyambi yobe, ndaba unapukala ha kuluwa kwobe.

Hoshiya 2:2

“Bana bami lambililenu mandiyenu Ishalela, mulambililenu ndaba uli na kutenda ngo kaliha mukazami. Kumpanika maleema aku monesha ngayi nili mukokwendi ufwako. Mutongwezenu ashiye makaya a lwiholwiho na wumambe na bivwalo biku monesha muhelengwa wendi.

Hoshiya 7:16

Banabokele kulemesha nyambi wakubula ngovu. Banengi ngo shipando sha mukunzi shinatentebele. Babilolo babo bakawa ku mukwale, ndaba ya lihandu lya zindimi zabo. Ndaba yanebye bantu ba mu Engepita baka bahepa.”

Yowele 2:12

Nyambi ya Ngula ukwamba ngayi, “Hinge ha shikati shino, tengulukilenu kukwami, na mitima yenu nimwayo na kuzila kulya, na kulila na kutuwa mbingo,

Zakaliya 1:4

Hinga mufweka ngonehe batatizenu, obo bamiluwe bakutatika babilikizile kukwabo. Nyambi wa Makunge unamba ngayi, ‘Fumenu ku biheka byenu byabibi naku ntendelo yenu yayibi.’ Ngoboni kaliha banyuvwile hinge kulama obyo nabatongwezele. Eshe nisho anamba Nyambi ya Ngula.

Ndayano 27:15

“‘Shikuto shikekala ha muntu nimwendi uya ukutenda kanankishi ka limanya hinge shondo na kukalemeshela kuwi, shinengi wunyengwe kuli Nyambi ya Ngula.’ Kami bantu nimwabo bakamba ngayi, ‘Ameni.’

Ndayano 4:30

Oho muli mu makalikiza, pe byuma nimwabyo ebye hibikuholoka kukwenu ha kukotoka, mukatengulukile kuli Nyambi ya Ngula na kumwombatala,

Yoshuwa 24:14

Yoshuwa wambile kami ngayi, “Hayaboni, lemeekenu Nyambi ya Ngula na kumutendela milimo na mutima umo na kwoloka. Fumishenu banyambi aba balemeshelenga bankakazenu mu Meshopotamiya namu Engepita, pe tendelenu milimo tuhu Nyambi ya Ngula.

Bakakuyata 10:16

Nohobene balehele banyambi babo bashenge, pe balemeshele Nyambi ya Ngula, Nyambi ya Ngula waliyakatile ha makando a Ishalela.

1 Shamwele 7:3

Shamwele wambile ku bantu Baishalela ngayi, “Ndi mukatengulukila kuli Nyambi ya Ngula na mitima yenu nimwayo, munafwanini kufumisha banyambi ba mapukwenda nimwabo na tunankishi twa nyambi wa mbuyama Ashitaloti. Lifungwilenu enu bamwine kuli Nyambi ya Ngula na kumulemesha niye tuhu pele, pe ukamilamwina ku ngovu za Bafwilishitina.”