Yelemiya 39:5 - Libuka Lya Kuyela

⁵ Ngoboni bakanzita ba Bambambilona ya bakonkele, bakakwatile Zendekiya mu zimbuwa za Yeliko. Bamushimbile na kumutwala kuli Nembukandineza mwene wa Mbambiloni ou wekalile ku Limbula mu litunga lya Hamati, kuyo niko bakaketula shambo.

Yelemiya 39:5 Iomraidhean Croise

2 Shamwele 8:9

Oho Mwene Toyi waku Hamati ayuvwile ngayi Ndavita unakomo bakanzita ba Handandeza nimwabo

2 Bamyene 17:24

Mwene wamunene waku Ashiliya wafumishile bantu bamo mu zinkena zamu Mbambiloniya na Kute na Aviva na Hamati na Shefwalavayimu na kubayaka mu minzi yamu Shamaliya, kuhinga mu myanya ya Baishalela batwaliwile mu wuntapwa. Bashimbile likona lya minzi eye pe bazikilemo.

2 Bamyene 23:33

Kulela kwendi kwamanine oho Mwene Neko wamu Engepita amutwalile mu wuntapwa mu Limbula, mu litunga lya Hamati. Niho ayumbishile Yunda makilongilamu 3,400 a shiliva na makilongilamu 34 a ngolinde kwinga bya kutupula.

2 Bamyene 25:6

Bamutwalile kuli mwene wamu Mbambiloni ou wekalile ku Limbula, pe niye wakamuyatile.

2 Byambo 33:11

Nohobene Nyambi ya Ngula wetabilishile bakulwane banzita ya Baashiliya kukatukila mutakwe Yunda. Bakwatile Manashe bamukokele na tuhanto bamumangile na mawenge pe bamutwalile ku Mbambiloni.

Ishaya 22:3

Batulela benu nimwabo betukile hamo, pe bakwatiwile oho shilolo bapuhiwe mivwi. Enu nimwenu mwawaniwile mwakwatiwile hinge ndi betukilile kwakutali oho bamalamo bashili kwakutali.

Yelemiya 21:7

Nyambi ya Ngula ukwamba ngayi, ku mamaninino nikapana Zendekiya mwene wa mu Yunda na bakamilimo bendi na bantu bamu lukena luno bakapuluka ku nzita na kapande na wulweli, mu maboko a mwene Nembukandineza waku Mbambiloni mu maboko a bamalamo babo, bayo bakushinga ku baziha. Bakabaziha na mikwale, kuka bayuvwila nceshe hinge shikeketima bafwako.’ ”

Yelemiya 24:8

“Ngoboni nehi bya hali mwene Zendekiya wa litunga lya Yunda na babilolo ekala nabo na bantu bamu Yelushalema aba bekala mu litunga lino hinge aba banatuntukili ku Engepita, Ami Nyambi ya Ngula nikabenga ngonehe nkuyu ziya zazibi za kubula kutwesheka kuliwa.

Yelemiya 38:18

Ngoboni ndi kulishisha wufwako ku babilolo ba mwene waku Mbambiloni, pe lukena luno lukapanikiwa mu maboko a baka Mbambiloni, nibo bakaluhokesha, kami kukapanza kukwabo mufwako.”

Yelemiya 38:23

Bakazenu hamo na bana benu bakatwaliwa ku Mbambiloni. “Enu mufwako kukapanza ku maboko wabo, ngoboni mukakoniwa na mwene wa Mbambiloni, kami lukena luno lukahokeshiwa.”

Yelemiya 4:12

ngoboni yikenga mpepo yikeza na ngovu za lizu lya Nyambi ya Ngula. Haya uli na kubilika kuyata kwendi ha bantu bendi.”

Yelemiya 44:30

Eshe nisho anakwamba Nyambi ya Ngula ngayi, nikapanika Fwalo Hofwila mwene wa Engepita ku maboko a bamalamo bendi obo bali na kushinga wumi wendi, ngonehe napanikile Zendekiya mwene wa Yunda kuli kamalamo wendi Nembukandineza mwene wa Mbambiloni, ou washingilenga wumi wendi.”

Yelemiya 49:23

Nyambi ya Ngula ukwamba ha baka Ndamashika ngayi, “Bantu ba ku minzi ya Hamati na Alipandi, bali na mutentu ndaba banayuvwu mbuzi yayibi. Bali na bowa, kami bali mu makalikiza, ngonehe liwate lya kubula kutulumana.

Malila 1:3

Bantu bamu Yunda bayakale mu wuntampwa, banashiyi minzi yabo, ndaba ya makando amanene na makalikiza shikuma, bali na kuyoya mu matunga ashenge, bafwalyo litunga lyabo. Bamalamo babo banabazinguluku, ku zimbalila nimwazo, kami kowa kwa ku fwanina kutinina.

Malila 4:20

Pe bakwatile likota lya kuyoya kwetu, uya mwene Nyambi ya Ngula ahatile, ou twakulupilile ngayi ukatulama ku bamalamo bakatwingina.

Ezekiyele 23:24

Nibo bakakulwisha kufuma ku zimbalila nimwazo, bakaleta nzita yayinene na makoloyi amanene na bileyi. Banapakata makebo na zihoshi, pe bakamizinguluka. Ami nikamitengulwila kukwabo ngayi bakamiyate na ndayano zabo.

Hambakuki 1:7

Benga bantu ba kutinishiwa, kuyata kwabo na kwoloka na wulemu wabo bikuwaniwa kukwabo nibo bamwine.

Kulaba 13:21

Nohobene balume bayile ku ncelele na kuhokela litunga kubalika ku libelelengwa lya Zini ku mabukubuku a nzila nimwayo ya kuya ku Lehombi, kwakwipi na Nzila ya Ncinencine ya Hamati ku ncelele.

Yoshuwa 13:5

na litunga lya Bangemba na litunga nimwalyo lya Lembanoni kukuma naku mushamuko, kubalika ku Mbaalu Ngandi, elye lili ku mabukubuku a Lipili lya Helimoni naku nzila ya ncinencine yaku Hamati.

Yoshuwa 4:13

Bantu ba kukuma ku 40,000 balishakashakile bya nzita, bazabukile mu nciza mu mbuwa ya hahepi na Yeliko ku meho a Nyambi ya Ngula.

Yoshuwa 5:10

Shikati shiya oho Baishalela bashili kwikala ku Ngilingale ha mbuwa ya hahepi na Yeliko, bapingile Shimbo sha Kupitilila ku mazolo ha mutema wawulikumi na anaa wa ngonda.

Bakakuyata 3:3

Ku nobo bashalile mu litunga, zinkena zengile mutanu za Bafwilishitina na Bakenaani na Bashindoni na Bahivi nimwabo, aba bazikilenga ku mwanya wa mapili a Lembanoni, kubalika ku lipili lya Mbaalu Helimoni kukakuma naku nzila ya Ncinencine yaku Hamati.