Yelemiya 3:9 - Libuka Lya Kuyela

⁹ Kaliha waliyuvwile lisheni, wabipishile litunga oho atendelenga bya wunjenge ha kulemesha mamanya na bitondo.

Yelemiya 3:9 Iomraidhean Croise

Ishaya 57:3

Ngoboni enu bana ba mulozi wa mbuyama, bana ba mu wumambe na lwiholwiho.

Ishaya 57:6

Mukati ka mamanya akulembuka, niko kuli shitapilo shenu mukayitilila waine, na ku baletela ntupu ya mpeka. Kati mu kuhanganika ngayi niku wahilila nabyo ebye ndi?

Yelemiya 10:8

Nimwabo bakuyeba na kubula ngana, ndaba kowa ebye ba kutwesha kulilongesha kutunankishi twa kubaza ha bitondo.

Yelemiya 16:18

Nikabashushula shikuma ndaba ya kuluwa kwabo na wubi wabo, ndaba banabipishi litunga lyami na tunankishi twa wunyengwe twa kubula wumi, banenzalishi litunga lyami na banyambi ba mahalo.”

Yelemiya 2:27

Bambanga ku mitondo ngayi, “Obe tatiyetu,” na ku limanya, “Obe mandiyetu.” Banamfutulukili, ngoboni oho muli mu wukalu mukwamba ngayi, “Yeka, utulamwine!”

Yelemiya 2:7

Nakutwalile mu litunga lya wilo ngayi mwanga ulikuwe mikabo, na byabiwahe nimwabyo byekalamo. Ngoboni oho benginine mu litunga lyami balibipishile, pe bafutwile likona lyami kwinga lya wunyengwe.

Yelemiya 3:2

Penza meho wobe ku binkanda byatuyelele, kati kuli mbalila yimo unabulu kutendela wunjenge ndi? Wabelamininenga banjenge kunkumo ya nzila ngonehe kapondwa wa Kaalembiya ukubelamina muntu mu libelelengwa ngayi amukwate. Munabipishi litunga na lwiholwiho lwenu.

Ezekiyele 16:17

Obe washimbile shiliva na bya kuliyenga bya ngolinde biya nakupanikile, watendeshelenga mu kubumba bifwekesha bya balume na kutenda nabyo wumambe.

Ezekiyele 23:10

Nibo bamuvulile na kumushiya muhelengwa, bakwatile bana bendi babalume na ba bambuyama, pe niho bamuzihile na mukwale. Bakazi nimwabo noku noku bashimokelenga bya lufu lwendi.

Ezekiyele 23:21

Obe Oholiba washingilenga ku bokela kutenda wubi wobe ngonehe watendelenga ha wunkanga mu Engepita omu balume bafukanishilenga mabele wobe na kuyongesha nkaanga yobe.”

Ezekiyele 23:3

Oho nibo bashili wanuke batendelenga lwiholwiho, kami oho bekalilenga mu Engepita batendelenga lwiholwiho, nibo bavulamine bya nkaanga yabo na kuyibipisha mu wunjenge.

Hoshiya 2:2

“Bana bami lambililenu mandiyenu Ishalela, mulambililenu ndaba uli na kutenda ngo kaliha mukazami. Kumpanika maleema aku monesha ngayi nili mukokwendi ufwako. Mutongwezenu ashiye makaya a lwiholwiho na wumambe na bivwalo biku monesha muhelengwa wendi.

Hoshiya 4:12

Bantu bami bakuya na kwipula shitondo, ngayi shibatongweze mwa kutendela. Kubuka mwa shikuma niko kwezanga mu mitima yabo. Banankana. Ngonehe mbuyama akwinga walwiholwiho, banalipana nibo bene ku banyambi bashenge.

Yowele 1:19

Nikwihana kukwobe, obe Nyambi ya Ngula. Ndaba mundilo unahokeshe mabuyishilo amu mbuwa. Milangi ya mundilo yinahokeshe bitondo nimwabyo bya mu mafuba.

Hambakuki 2:19

Makando nimwendi ukwambila shuma sha kubaza ngayi, “Tona,” Hinge ku limanya lya shimumu ngayi, “Katuka.” Kati ebye bikutwesha kuholola byuma ndi? Monenu, kanafwikiwi na ngolinde na shiliva, kami mukati kako mowa kwoya.

Mateo 5:32

Ngoboni haya ami nikumitongweza ngayi mulume wakulubula mukazendi ndele ndaba ya kutenda wunjenge, ukamwinga mukakutenda wunjenge ndi ukayekiwa. Kami nimwendi ou ukamuyeka, ukatenda nendi wumambe.