Yelemiya 3:12 - Libuka Lya Kuyela

¹² Nyambi ya Ngula wantongwezele kuya mu kubilika awa mazu ku ncelele ngayi, “Boka obe Ishalela wakubula kwoloka, ndaba Ami nili wanceshe, kuka kupenza na wukali nifwako, kami kuka kupilamina mwaya myaka nifwako.

Yelemiya 3:12 Iomraidhean Croise

Shitatiko 4:7

Shinga watenda shiwahe, kati shinga kutambuliwa wufwako ndi? Ngoboni ndaba unatende shibi, wubi ukushinga kukukoneneka, unakubelamini ku shipana shobe ngo shimbwi ukushinga ku kukwata. Ngoboni uku fwanina kuwukoma.”

2 Bamyene 15:29

Nisho shengile shikati shiya Peka engile mwene, oho Tingilati Pilesha mwene wamunene wa Ashiliya apukwile zinkena za Yiyoni na Abele Mbeti Maaka na Yanowa na Kendeshi na Hazola na matunga a Ngiliyande na Ngalileya na Nafwitali, pe washimbile bantu na kubatwala ku Ashiliya mukwinga bantapwa.

2 Bamyene 17:23

hantu noho Nyambi ya Ngula abatandile ku meho wendi, ngonehe abashiwulwile muli bakamilimo bendi bamiluwe ngayi nisho akatenda. Nohobene Baishalela batwaliwile mu wuntapwa mu Ashiliya, oku bashili kuzika nalelo.

2 Bamyene 17:6

Mu mwaka wa mutanu na yinaa wakulela kwa Hoshiya, mwene wamunene wa Ashiliya wapukwile Shamaliya, watwalile Baishalela ku Ashiliya mukwinga bantapwa, wayakile bamo mu lukena lwa Hala na bamo kwakwipi na shibumbo sha mushinzi wa Hamba mu litunga lya Ngozani kami bamina mu zinkena za Mendiya.

2 Bamyene 18:1

Mu mwaka wawuhatu wakulela kwa Hoshiya mwana Ela wa mulume mwene wamu Ishalela, Hezekiya mwana Ahazi wengile mwene wamu Yunda.

2 Byambo 29:10

Ami haya nafungakale kulimama na Nyambi ya Ngula, Nyambi wa Ishalela, nohobene ngayi akabule kutupilamina kami.

2 Byambo 30:9

Ndi mu kuboka kuli Nyambi ya Ngula, niho baya batwala bawushindawenu kwashenge mukwinga bantapwa bakekala na nceshe hahabo na kubetabila ngayi baboke ku litunga lino. Nyambi ya Ngula, Nyambi yenu wenga wa shishemo na nceshe, kami ndi mu kubokela kukwendi, ukamitambula.”

Nyimbo 103:17

Ngoboni shishemo sha Nyambi ya Ngula, sha mwaya myaka shili hali baya ba kumutina, kami kulunga kwendi kukekala ku bihemunwino byabo nimwabyo,

Nyimbo 103:8

Nyambi ya Ngula wa shikeketima na nceshe, wehalanga kupilama, kami wenzala na shishemo sha mwaya myaka.

Nyimbo 103:9

Kukazamina ku shuza mwaya myaka ufwako, kami kaliha watwalililanga kupilama.

Nyimbo 145:8

Nyambi ya Ngula wa nceshe na shikeketima, wabulanga kupilama shawangu, wenzala na shishemo sha mwaya myaka.

Nyimbo 79:5

Obe Nyambi ya Ngula, kati ukatupilamina shikati nimwasho ndi? Kati lihungu lyobe likabanga, ngonehe mundilo ndi?

Nyimbo 86:15

Obe Mwene, Nyambi wa nceshe na shishemo, wehalanga kupilama, kami wenzala na shishemo sha mwaya myaka na kwoloka.

Nyimbo 86:5

Obe Mwene, uli wamuwahe kukwetu na mukakuyatila, wenzala na shishemo sha mwaya myaka, ku nimwabo ba kulombela kukwobe.

Zincimpi 28:13

Ou ukuholeka milandu yendi kukatangama wufwako, ngoboni ou ukulitabila na kuwu futamina Nyambi ukamuyuvwila nceshe.

Ishaya 31:6

“Enu bantu ba Ishalela, tengulukilenu kuli Nyambi ou munafutamini shikuma.

Ishaya 44:22

Nafumishi wubi wobe ngonehe likumbi, na wubi wobe unaketuku ngonehe mbundu. Boka kukwami, ndaba naku kulizakale.

Yelemiya 11:6

Nyambi ya Ngula niho ambile kukwami ngayi, “Yanga ku minzi yamu Yunda namu mikwakwa yamu Yelushalema na kubilika ngayi, ‘Yuvwililenu ku mazu a kulimama kami akonkezekenu.

Yelemiya 12:15

Pe oho nabafumishakale mu matunga, nikabayuvwila nceshe. Niho nikababwesha ku matunga wabo naku makona wabo.

Yelemiya 23:8

Ngoboni bakalibeza na lizina lyami ha kwinga Nyambi wakuyoya ou wafumishile Baishalela ku litunga lya ku ncelele na ku matunga nimwawo abapanzanishilile. Niho bakekala mu litunga lyabo.”

Yelemiya 3:1

Nyambi ya Ngula ukwamba ngayi, “Ndi mulume ukulubula mukazendi, pe uya mbuyama ha kuya na kuyekiwa ku mulume wamina, kati ukutwesha kumubwesha kami ndi? Byo, ndaba litunga likenzala na biheka byabibi? Ngoboni obe Ishalela unakwata banjenge babengi haya niho kami uli na kushinga kuboka kukwami ndi?

Yelemiya 3:14

Nyambi ya Ngula ukwamba ngayi, “Bokenu kukwami enu bana bakubula kukulupila ndaba Ami hekulyenu. Nikafumisha umo mu lukena na kufumisha babili ku lupashi lwabo, pe nikabaleta mu Ziyoni.

Yelemiya 3:18

Ha matena ayo, baka Yunda bakaliwanika hamo na baka Ishalela. Nimwabo bakeza hamo kufuma ku matunga aku ncelele bakaya mu litunga liya napanine bankakazabo kwinga likona lyabo.”

Yelemiya 3:22

“Tengulukenu enu bantu bamafutufutu, pe nikamiyatila ha kuluwa kwenu.” Etu bano, ndaba Nyambi ya Ngula, obe Nyambi yetu.

Yelemiya 3:5

Kati ukakaliha shikati nimwasho ndi? Kati ukapilama shikati nimwasho ndi?’ Ishalela ebye nibyo wambanga, ngoboni watendanga wubi nimwawo ukutwesha.”

Yelemiya 3:7

Pe Ami Nyambi ya Ngula nahanganikile ngayi, ‘Ishalela aha anatende ebye nimwabyo, ukaboka kukwami.’ Ngoboni kuboka wufwako, pe kami nanou kawushinda wendi Yunda wakulungwa unabimono.

Yelemiya 30:11

Nilihamo nanenu na kumipulwisha, eshe nisho akwamba Nyambi ya Ngula, nikalobeshelelela matunga nimwawo muya nakupanzanishilile ngoboni obe kuka kulobesha nifwako, nika kushushula ngoboni nikakweshekela kaliha nika kuleha ngayi uye kwakubula ku shushuliwa.” Eshe nisho anamba Nyambi ya Ngula.

Yelemiya 31:20

Efulemu obe mwanami wakuhakiwa, obe mwana nahaka shikuma. Oho nikukukeyesha na kuhanganikanga na shishemo, mutima wami wambwatukilanga hahabo, nikekala na nceshe hahobe.

Yelemiya 31:21

“Yakenu bilimukisho bya nzila, tetenu luteta, hanganikenu shiwahe nzila iya mwashiyile mwaka. Bokenumo enu bantu ba Ishalela, bokenu ku minzi yenu mwashiyile.

Yelemiya 31:8

Monenu, nikabafumisha ku litunga lya ku ncelele, nikaba kungula kubafumisha kwakumina kaye nimwako. Batushishitwa na bihole bakeza nabo, hamo na bambuyama bakamavumo, nanaba bali hahepi na kubeleka, bakabokela kuno mu muhoko wawunene.

Yelemiya 33:26

Nohobene nikalama kulimama kwami na bazukulya Yakobo na Ndavita mukamulimo wami, nikahata umo ku bazukulyendi ngayi bakalele bazukulya Abulahama na Ishaki na Yakoba. Nikabwesha bantu babo, kami nikaholola nceshe kukwabo.”

Yelemiya 4:1

Nyambi ya Ngula ukwamba ngayi, “Obe Ishalela ndi ukushinga kutenguluka, pe unafwanini kutengulukila kukwami. Ndi ukufumisha tunankishi otu na zimba na kwinga wakulunga kukwami,

Malila 3:22

Shishemo sha Nyambi ya Ngula, kaliha shakwanganga, kami nceshe zendi kumana zifwako.

Ezekiyele 11:17

“Nohobene batongweze eshe nikwamba Ami Nyambi wa Makunge ngayi, ‘Nikamifumisha ku matunga nimwawo oku namipanzanishilile, pe nikamipana litunga lya Ishalela.’

Ezekiyele 33:11

Batongweze ngayi, ‘Mwa shikuma ngonehe Ami Nyambi ya Ngula nayoya kaliha nawahililanga na lufu lwa muntu ukutenda wubi ngoboni nashinganga ngayi atenguluke, mwanga afume ku wubi pe ayoye. Tengulukenu! Tengulukenu fumenu ku zinzila zazibi! Kati ndabangani mu kufwila enu baka litala lya Ishalela?’

Ezekiyele 39:25

“Haya Nyambi ya Ngula ukwamba ngayi, nikabwesha baka Yakobo baya bali mu wuntapwa, nikayuvwila nceshe baka mukoka nimwawo wa Ishalela. Nikakinga lizina lyami lya kuyela.

Hoshiya 6:1

Bantu bakwamba ngayi, “Yekenu, tuboke kuli Nyambi ya Ngula. Hinge ndi niye unatucancozolo, pe niye ukatunyongomanisha, hinge ndi unatulemeke niye ukatupomba ha bitombo.

Balevi 26:40

“Ngoboni ndi bazukulyenu bakalitabila wubi wabo na wubi wa bankakazabo, aba bankananganine na kumfutulukila,

Zakaliya 1:4

Hinga mufweka ngonehe batatizenu, obo bamiluwe bakutatika babilikizile kukwabo. Nyambi wa Makunge unamba ngayi, ‘Fumenu ku biheka byenu byabibi naku ntendelo yenu yayibi.’ Ngoboni kaliha banyuvwile hinge kulama obyo nabatongwezele. Eshe nisho anamba Nyambi ya Ngula.

Ndayano 30:2

Ndi enu na bazukulyenu mukatengulukila kuli Nyambi ya Ngula na mitima yenu na myoyo yenu nimwayo, hi mukwombatala mazu wendi awa anakumipanika lelo.