Yelemiya 3:1 - Libuka Lya Kuyela

¹ Nyambi ya Ngula ukwamba ngayi, “Ndi mulume ukulubula mukazendi, pe uya mbuyama ha kuya na kuyekiwa ku mulume wamina, kati ukutwesha kumubwesha kami ndi? Byo, ndaba litunga likenzala na biheka byabibi? Ngoboni obe Ishalela unakwata banjenge babengi haya niho kami uli na kushinga kuboka kukwami ndi?

Yelemiya 3:1 Iomraidhean Croise

Nyimbo 106:38

Bayitile mukeza wakubula mulandu, mukeza wa bana babo, aba bakombelelele ku tunankishi twa Bakenaani, pe litunga lyabipile na mukeza wabo.

Ishaya 24:5

Bantu bekala hanci banabipishiho ndaba shilolo bakonke mulao wa Nyambi, banahandulu mazu wendi, kami banakana kulimama kwa mwaya myaka oku balimamine nendi.

Yelemiya 2:20

Ishalela, ku mwaka wakanine kunyuvwilila, pe wambile ngayi, “Nifwako kuka kutendela milimo!” Ngoboni ha binkanda na binkanda byabitali, na ku nceto ya mutondo na mutondo wa mumvulu wawuwahe, unatende ngonehi mukalwiholwiho.

Yelemiya 2:23

Haya ukwamba nahiti ngayi, shilolo nilibipishe, kami shilolo nilemeshe Mbaalu? Mona ebye unatende mu mukulo. Ukulifweka na mwana Kamela uli na kushinga ku kandamiwa, ukwituka yituka hinga ashoboloka.

Yelemiya 2:7

Nakutwalile mu litunga lya wilo ngayi mwanga ulikuwe mikabo, na byabiwahe nimwabyo byekalamo. Ngoboni oho benginine mu litunga lyami balibipishile, pe bafutwile likona lyami kwinga lya wunyengwe.

Yelemiya 22:20

Bantu bamu Yelushalema, kankalalenu ku lipili lya Lembanoni na ku bilika, yenu ku litunga lya Mbashani na kulila, bilikizilenu ku mapili a Mowambi, ndaba bakashikonzi benu nimwabo banakomiwi.

Yelemiya 3:22

“Tengulukenu enu bantu bamafutufutu, pe nikamiyatila ha kuluwa kwenu.” Etu bano, ndaba Nyambi ya Ngula, obe Nyambi yetu.

Yelemiya 3:9

Kaliha waliyuvwile lisheni, wabipishile litunga oho atendelenga bya wunjenge ha kulemesha mamanya na bitondo.

Yelemiya 31:22

Mu kacincazala shikati sha kukuma hati enu bantu bakubula kukulupila Nyambi ya Ngula walengakale shuma shashipya hano hanci, sha kufweka ngonehi mukazi alame mukokwendi.”

Yelemiya 4:1

Nyambi ya Ngula ukwamba ngayi, “Obe Ishalela ndi ukushinga kutenguluka, pe unafwanini kutengulukila kukwami. Ndi ukufumisha tunankishi otu na zimba na kwinga wakulunga kukwami,

Yelemiya 4:14

Obe Yelushalema yelesha mutima wobe, ngayi mwanga upuluke, haya bihanganiko byobe byabibi bikekala myaka yinga mu mutima wobe?

Malila 1:2

Wushiku nimwawo uli na kulila, mihozi yendi yili na kukunkula ku mulevu. Bakakuhakiwa bendi ekalile nabo, kowa hinge umo waku fwanina kumubengezeka. Bahoni bendi banamubebe, nimwabo bamufutulukilakale na kumulwisha.

Ezekiyele 16:26

Obe ukutenda wunjenge na Baengepita bandambo bobe banaliwahishili kulala na nobe, kami obe unampilamishi ndaba ya lwiholwiho lwobe.

Ezekiyele 16:30

Eshe nisho akwamba Nyambi ya Ngula ngayi, “Obe unatende nimwabyo ebye ngonehe mukazi walwiholwiho wakubula lisheni.

Ezekiyele 16:35

“Nohobene, obe mbuyama walwiholwiho, yuvwa ebye akwamba Nyambi ya Ngula.

Ezekiyele 33:11

Batongweze ngayi, ‘Mwa shikuma ngonehe Ami Nyambi ya Ngula nayoya kaliha nawahililanga na lufu lwa muntu ukutenda wubi ngoboni nashinganga ngayi atenguluke, mwanga afume ku wubi pe ayoye. Tengulukenu! Tengulukenu fumenu ku zinzila zazibi! Kati ndabangani mu kufwila enu baka litala lya Ishalela?’

Hoshiya 1:2

Awa niwo mazu a kutatika Nyambi ya Ngula atongwezele Hoshiya ngayi, “Yanga ukaliyekele mbuyama, ukatenda bya lwiholwiho na bana bobe bakamufweka, mu ntendelo yimo bantu bami banatende bya lwiholwiho na kumfutulukila Ami Nyambi ya Ngula.”

Hoshiya 2:2

“Bana bami lambililenu mandiyenu Ishalela, mulambililenu ndaba uli na kutenda ngo kaliha mukazami. Kumpanika maleema aku monesha ngayi nili mukokwendi ufwako. Mutongwezenu ashiye makaya a lwiholwiho na wumambe na bivwalo biku monesha muhelengwa wendi.

Mika 2:10

Katukenu, muye. Kuno hikowa mwanya waku kwangulukila, ndaba wubi wenu unaleteshe ngayi lino litunga lilobeshiwe.

Zakaliya 1:3

nohobene amba kukwabo ngayi, eshe nisho anamba Nyambi wa Makunge ngayi, bokenu kukwami, pe nami nikaboka kukwenu. Nisho anamba Nyambi wa Makunge.

Mateo 5:31

“Shambiwile kami ngayi, ‘Ou nimwendi wa ku lubula mukazendi uku fwanina ku mu pana liñwati lya ku ziha maluwo.’ ”

Ndayano 22:21

niho bakamutwala ku menginino a litala lya tatiyendi, kuyo niko balume ba mu munzi bakamuzihila na mamanya, ndaba kankanga unatende shuma shalisheni mukati ka Baishalela ha kutenda wunjenge na mulume oho shilolo ayekiwe, kuwana ushili kwikala mu litala lya batatiyendi. Nohobene mu ku fwanina kufumisha ou wubi mukati kenu.

Bakakuyata 19:2

Ngoboni mbuyama wengile wakubula kwoloka, pe wavundumukilile ku litala lya tatiyendi mu Mbetelehema mu Yunda. Pe wakekalile kuyo zingonda zinaa.