Yelemiya 26:9 - Libuka Lya Kuyela

⁹ Shumangani unalubululu mu lizina lya Nyambi ya Ngula ngayi, ‘Elye Litala lya Nyambi likafweka ngonehe Shilo na lukena kami lukafutuka mapembe luya lukabula muntu wakwikalamo?’ Niho bantu nimwabo mu Litala lya Nyambi bazingulukile Yelemiya.”

Yelemiya 26:9 Iomraidhean Croise

2 Byambo 25:16

Oho muluwe ambilenga, Amaziya wamuluwanganishile, wambile kukwendi ngayi, “Kati mutena ngani twakwimikile ngayi winge mukakubela mwene, hinga wamba ndelewa ukuzihiwa.” Ngoboni oho muluwe shilolo amwene wambile ngayi, “Haya nikulimuka ngayi Nyambi unafungu kukunongesha ndaba unatende ebye nimwabyo, kami unalimbululu kubela kwami.”

Ishaya 29:21

Nyambi ukalobesha baka kubangila baminabo bya mahalo, na ku bibiza banatende mulandu, na wupaki wa mahalo ba ku futakanya byambo bya ba kupwisha.

Yelemiya 32:3

Mwene Zendekiya wamu Yunda wayakile Yelemiya mu tolongo na ku mwambila ngayi, “Kati shumangani ukulubulwila na kwamba ngayi, ‘Nyambi ya Ngula wambile ngayi monenu, nikapanika luno lukena ku liboko lya mwene waku Mbambiloni, pe ukalushimba.

Yelemiya 33:10

Nyambi ya Ngula ukwamba ngayi, “Enu mukwamba ha luno lukena ngayi, lwengakale mapembe, mwakubula bantu hinge batuyamana. Minzi ya Yunda na mikwakwa ya Yelushalema yinashiyiwi kwakubula bantu hinge batuyamana, ngoboni mu mwanya uno mukayuvwanika kami,

Yelemiya 36:29

Tongweza Yehoyakimu mwene wa Yunda ngayi, ‘Nyambi ya Ngula ukwamba ngayi unahokeshe liya libuka, kami wepwile Yelemiya ngayi bihi watikitila mwene waku Mbambiloni ukeza na kunongesha lino litunga ou ukashimba bantu na tuyamana.

Yelemiya 9:11

Yelushalema nikamufutula lilala, na malalo a bamimbwe. Nikalobesha minzi yamu Yunda, ngayi kukabule wakwikalamo.

Malila 4:13

Ngoboni eshe shatendiwile, ndaba bamiluwe na bakankombela bamu Yelushalema batendele wubi, aba baleteshele lufu ha bantu bakubula mulandu.

Amoshi 5:10

Baishalela ba kuzimba muntu ukwamba shintwantwa, ou ukuyata mu kupwisha.

Mika 2:6

Bantu ba ku shimikila kukwami bakwamba ngayi, “Hinga utushimikila, hinga utulubulwila bya noho. Etu kukekala na lisheni tufwako.

Mateo 21:23

Yeshu wenginine mu shipango sha Litala lya Nyambi, bakankombela ba bakulwane na bakulwane ba Bayunda, bezile kukwendi oho alongeshelenga. Pe bepwile ngayi, “Kati ukutenda byuma ebye na ngovu ngani? Kami yani wakupanine eze ngovu?”

Mateo 27:20

Ngoboni bakankombela ba bakulwane na bakulwane ba Bayunda bahongele likunge lya bantu ngayi banyepe Pilato ku bashobolwela Mbalambashi na kuziha Yeshu.

Mako 15:11

Ngoboni bakankombela ba bakulwane bahongele likunge lya bantu ngayi mwanga Pilato abashobolwele Mbalambashi.

Yowano 8:20

Yeshu wambile awa mazu oho alongeshelenga mu Litala lya Nyambi, mu kampenci kaya kekalile na bikongelo bya ntupu. Ngoboni kowa muntu wamukwatile, ndaba shikati shendi oho shilolo shikume.

Yowano 8:59

Niho Bayunda batolele mamanya ngayi bamupuhe, ngoboni Yeshu waliholekele, pe watutikile mu Litala lya Nyambi.

Milimo 13:50

Ngoboni Bayunda bahongele bambuyama ba maleema bakakutina Nyambi na balume bakakutwaminina ba mu munzi kulwisha Paulu na Mbanambashi, pe babatandile mu litunga liyo.

Milimo 21:30

Niho munzi nimwawo wayakukile, bantu nimwabo betukile hamo, bakwatile Paulu, bamukokelele ha munkanda wa Litala lya Nyambi. Hohobene bashinkile bihala bya ku Litala lya Nyambi.

Milimo 22:22

Bantu bayuvwilile kuli Paulu. Ngoboni oho ambile lizu elye, niho babobokele mazu a kumanishilila, babilikizile ngayi, “Muntu wanoho afumishiwe ha kaye! Kufwanina kuyoya wufwako!”

Milimo 3:11

Oho uya muntu azengaminine kuli Pita na Yowano, bantu nimwabo bakomokele, pe betukilile kukwabo mu mazezelo atumbiwile ngayi Mazezelo a Sholomoni.

Milimo 5:12

Bantumwana batendelenga bimonekesho na bikomokesho byabingi ku bantu. Bakakukulupila nimwabo ba kungulukilenga na mutima umo mu mazezelo a Sholomoni.

Milimo 5:28

“Kaliha twamikanishile ngayi hinga mulongesha mu lizina elye ndi? Ngoboni mwenzalisha kale Yelushalema na ku longesha kwenu, kami mukushinga ngayi lufu lwa nou muntu lwikale hahetu!”

Milimo 6:14

Ndaba tunamuyuvwu hamba ngayi Yeshu waku Nazaleta ukashiwula Litala lya Nyambi ukafutula biheka nimwabyo biya atupanine Moshesha!”

Yoshuwa 18:1

Oho bakomakale litunga, likunge nimwalyo lya Ishalela lyatulilile ku munzi wa Shilo na kwimika ntanda ya shikungulukilo ku meho a Nyambi ya Ngula.