Yelemiya 26:3 - Libuka Lya Kuyela

³ Kampe bantu ba kuyuvwilila na ku shiya zinzila zabo zazibi, pe nikalibelula na kubula kubalobesha, ndaba ya biheka byabo byabibi.

Yelemiya 26:3 Iomraidhean Croise

1 Bamyene 21:27

Oho Eliya amanishile kwamba, Ahambu watabwile bivwalo byendi, kami wavwalile mincangwe. Wakanine kulya, niho alalile mu mincangwe, pe wekalile na manyengo na kulishoshota.

1 Bamyene 21:29

“Wamono eshe Ahambu analilimbwilishi kukwami ndi? Aha haya anatende eshe, kukaleta makando ha shikati sha kuyoya kwendi nifwako, shikenga shikati sha kuyoya kwa mwanendi shiya nikaleta makando ha balupashi lwa Ahambu.”

Yelemiya 26:13

Haya munafwanini kutenguluka ku zinzila zenu na zintendelo zenu, ombatalenu lizu lya Nyambi ya Ngula Nyambi yenu. Ndi mu kutenguluka ukalibelula, pe kukaleta malwa aya atoya ngayi akeza hahenu wufwako.

Yelemiya 26:19

“Mwene Hezekiya na bantu bendi bamu Yunda kaliha bazihile Mika. Ngoboni Hezekiya watinine Nyambi ya Ngula na kulambilila kukwendi. Niho Nyambi ya Ngula afutwile bihanganiko byendi ha byuma byabibi biya ambile ngayi ukabileta hahabo. Haya monenu tuli na kushinga kuliletela byabibi bya kutinisha ha zinyutu zetu etu bamwine.”

Yelemiya 36:3

Kampe bantu ba Yunda bakayuvwa byabibi nimwabyo biya nikuyongola kutenda kukwabo, hamina bakatenguluka kuleha zinzila zabo zazibi, pe nikabayatila kukutengama kwabo naku wubi wabo.”

Yelemiya 36:7

Kampe hamina kulambilila kwabo kukakuma kuli Nyambi ya Ngula, muntu na muntu ukatenguluka kufuma ku zinzila zendi za kuluwa, ndaba Nyambi ya Ngula unabatinishi na kubapilamina shikuma na kukalihila bantu aba.”

Ezekiyele 12:3

“Wuluno, mwana muntu, manga shikuta ngonehe atendanga mukakuholama, yanga ku bantapwa shikati sha mwana, enda ngonehe ntapwa kufuma mwanya wamina na kuya ku mwanya wamina nimwabo ba ku mona. Kampe bakayuvwishisha ngayi banengi bakakumfutulukila.

Ezekiyele 18:21

“Ndi muntu wakuluwa ukutenguluka na ku shiya wubi wendi, pe ha kulama ndayano zami na kutenda mwayila ndayano shiwahe, niye ukayoya, kukafwa wufwako.

Hoshiya 11:9

Nifwako kutenda omu munayili wukali wakupilama kwami, nifwako kukalobesha Efulemu kami, ndaba Ami Nyambi, kaliha ngayi nili muntu. Ami wa Kuyela nili mukati kenu, pe nifwako kukeza kukwenu na kupilama.

Yowele 2:14

Yani ukulimuka ndi ukafutuka hinge ndi ukutenguluka, na kutushiyila mfuywezi za ntupu ya mbuto na ntupu ya waine, ya kuli Nyambi ya Ngula Nyambi yenu?

Yona 4:2

Pe walombelele kuli Nyambi ya Ngula na kwamba ngayi, “Obe Nyambi ya Ngula, kaliha nambile oho shilolo nifume kukwetu ngayi eshe shikatendiwa. Nisho shuma shandeteshele ngayi nezeke kutinina ku Tashishi, ndaba nalimukile ngayi obe wenga Nyambi wa shishemo na nceshe kaliha wapilamanga shawangu kami wekala na shishemo sha mwaya myaka walibelululanga na kubula kutenda shibi.