Yelemiya 26:2 - Libuka Lya Kuyela

² Nyambi ya Ngula wambile kuli Yelemiya ngayi, “Yimana mushipango sha litala lyami, pe wambe ku minzi nimwayo ya Yunda ku bantu aba bafumanga ku minzi kwiza kuno mu kulemesha. Hinga ushiyako lizu hinga limo.

Yelemiya 26:2 Iomraidhean Croise

Yelemiya 1:17

Ngoboni obe Yelemiya uliwahishile. Yanga ukabatongweze ebye nimwabyo ninakutumizi. Hinga ubatampwa, ndelewa nika kutampwisha ku meho abo.

Yelemiya 1:7

Ngoboni Nyambi ya Ngula wambile kukwami ngayi, “Hinga wamba ngayi nishili kanuke shikuma, ndaba unafwanini kuya ku bantu nimwabo nika kutuma pe ukambe kukwabo byuma nimwabyo ebye niku kutumiza.

Yelemiya 19:14

Yelemiya niho afumine ku Tofweta, oku amutumine Nyambi ya Ngula mu kulubulula, pe wemanine mu shinzanza sha Litala lya Nyambi, niho ambile ku bantu nimwabo ngayi,

Yelemiya 23:28

Leha muluwe ou uli na mulo ngayi ashimike mulo wendi, ngoboni ou uli na lizina lyami mulehe atontolole lizu lyami mu kupwisha. Kati mwila ukutwesha kulyezeka na loto ndi? Eshe nisho anamba Nyambi ya Ngula.

Yelemiya 25:2

Muluwe Yelemiya wambile ku bantu nimwabo bamu Yunda na ku baya nimwabo bekalile mu Yelushalema ngayi,

Yelemiya 28:5

Niho Yelemiya muluwe wa Nyambi akumbwile kuli muluwe Hananiya hambili ya bakankombela naku bantu nimwabo baya bemanine mu Litala lya Nyambi ya Ngula,

Yelemiya 36:10

Mbaluki walabile mazu a Yelemiya amu libuka lya kuzenga ku bantu hinga bekala mu Litala lya Nyambi ya Ngula. Mbaluki wekalile ku Kampenci ka Ngemaliya mwana mukakutikita Shafwani oho alabilenga, aka katendiwile mushipango sha kuyilu ku menginino a lipangati lyalipya lya Litala lya Nyambi ya Ngula.

Yelemiya 42:4

Muluwe Yelemiya waba kumbwile ngayi, “Shashiwahe nayuvwu ebye munanyepe, nikulombela kuli Nyambi ya Ngula Nyambi yenu ngonehe munanyepe, kami eshe nimwasho akakumbula Nyambi ya Ngula nikamitongweza, kukamilimbila nifwako.”

Yelemiya 7:2

“Yimana mu lipangati lya mu Litala lya Nyambi ya Ngula, pe ubilikize lino lizu ngayi, ‘Yuvwililenu lizu lya Nyambi ya Ngula enu bantu ba Yunda mwengininanga muno mu lipangati na kulemesha Nyambi ya Ngula.’

Yelemiya 7:27

“Nohobene Yelemiya ukambe mazu awa nimwawo kukwabo, ngoboni kukayuvwilila bafwako. Ukabehana ngoboni kuka kumbula bafwako.

Ezekiyele 3:10

Nyambi wambile kami ngayi, “Mwana muntu yuvwilila shiwahe kuneshe nikukutongweza na kwanuka shuma nimwasho.

Ezekiyele 33:7

“Obe mwana muntu haya nakuyakakale kwinga mukakulama bantu nimwabo ba Ishalela. Obe ukakumisha kukwabo ebye nimwabyo nikakutongweza bya ku bashiwulula.

Ezekiyele 40:4

Uya mulume wambile ngayi, “Mwana muntu, penza na meho obe kami yuvwa na matu obe, yaka bihanganiko byobe kunebye nimwabyo nikuku monesha, ndaba unaletiwi kuno ngayi mwanga nikumoneshebyo. Ukatongweze baka mukoka wa Ishalela nimwabyo ebye uku mona.”

Mateo 28:20

Pe mubalongeshe kwombatala nimwabyo ebye ninamilaya. Nikekala nenu shikati nimwasho, kutwala ku kukotoka kwa kaye.”

Luka 19:47

Yeshu walongeshelenga mu Litala lya Nyambi ha mutena ha mutena. Ngoboni bakankombela ba bakulwane na bakakulongesha ndayano na bakulwane ba Bayunda bashingile kumuziha.

Yowano 18:20

Yeshu wakumbwile ngayi, “Ninambanga mwaanancanana ku bakakaye nalongeshelenga mu mashinangonge na mu Litala lya Nyambi oku ba kungulukilanga Bayunda nimwabo. Kowa ebye nambile kuwi.

Yowano 8:2

Oho kwashile lumenemene wezile kami ku Litala lya Nyambi. Bantu nimwabo bezile kukwendi, niho ekalile hanci, pe wabalongeshele.

Milimo 20:20

Mukulimuka ngayi kaliha nalimbile shuma sha kumiyavwa, oho na shimikililenga na kumi longesha mwaanancanana na mu matala wenu.

Milimo 20:27

Ndaba kaliha nalimbile kumishimikila shifungo sha Nyambi nimwasho.

Milimo 5:25

Niho kwezile muntu umo wabatongwezele ngayi, “Bantu baya mwayakile mu tolongo, banemana mu Litala lya Nyambi na ku longesha bantu!”

Milimo 5:42

Pe ha mutena ha mutena balongeshelenga na ku shimikila mu Litala lya Nyambi na mu matala a bantu, ncango zaziwahe ngayi Yeshu niye Kilishitu.

Ndayano 12:32

“Tendenu byuma nimwabyo biya namilayile. Hinga muwezelelako shinge shuma shimo, hinge ndi kufumishako.”

Ndayano 12:5

Ngoboni mukashinga mwanya uya Nyambi ya Ngula, Nyambi yenu akahata ku mishobo nimwayo, kuya bantu bakeza na kumulemeshela ku meho wendi.

Ndayano 4:2

Hinga muyakilako ku mazu nikumilaya, hinge kufumishako shuma shimo. Ombatalenu ndayano za Nyambi ya Ngula, Nyambi yenu, ziya namipanine.

Yoshuwa 8:35

Yoshuwa walabile mazu nimwawo awa abatongwezele Moshesha, ku Baishalela baya nimwabo bakungulukile, kufungila kumo na bambuyama hamo na batwanuke na mapukwenda bazikilenga hakati kabo.

Kuholoka 22:19

Kami ndi muntu wamina ukafumishako ku mazu a kulubulula ali munelye libuka, Nyambi ukafumisha ku shitapilo shendi sha mukabo wa mutondo wa wumi na ku shitapilo shendi mu Lukena lwa Kuyela, ngonehe byatikitiwa munelye libuka.