Yelemiya 24:2 - Libuka Lya Kuyela

² Mu ntumba ya kutatika mwekalile nkuyu zaziwahe shikuma, zafwekele ngo nkuyu zalimenekanga kuhoka. Ntumba ya wubili mwekalile nkuyu zazibi shikuma, kami zabulile kutwesheka kuliwa.

Yelemiya 24:2 Iomraidhean Croise

Ishaya 5:4

Shumangani kami eshe nafwanina kutenda mu mfuba yami, eshe nabula kutenda? Oho natatililile ngayi nibuye mikabo yayiwahe ya shinyanca, haya shumangani kwayimine tuhu mikabo yayishashu?

Ishaya 5:7

Litala lya Ishalela niyo mfuba ya shinyanca ya Nyambi wa Makunge, Bantu ba Yunda niyo mikolobozi akunine. Watatililile ngayi mwikale kupwisha, ngoboni muli kuliziha. Watatililile ngayi mwikale kulunga, ngoboni mu kuyuvwanika mbingo za malwa.

Yelemiya 29:17

Nyambi wa Makunge ukwamba ngayi, ‘Monenu nikatuma mukwale na kapande na wulweli, kami nikabatenda ngo mikabo ya nkuyu ya ku bola, yayibi shikuma ha kuyilya.

Hoshiya 9:10

Nyambi ya Ngula ngayi, “Nawanine Ishalela ngo mukolobozi wa shinyanca mu libelelengwa. Wafwekele ngo mukabo wakutatika ku mutondo wa mukuyu. Ha mwanya wawo wakutatika namonene batatizenu. Ngoboni bayile ku Mbaalu waku Peyola, balifungwilile nibo bamwine ku Mbaalu. Pe bengile ba wunyengwe ngo obyo byuma bahakile.

Mika 7:1

Makando wami tawee, nafwekakale ngo mikabo iya ba kungulanga shikati sha mayinza. Nafweke ngo a mahozozo a mikabo ya shinyanca yinapulumuku. Ngoboni kowa mikabo yinatatiki kuhoka ku mitondo ya mikuyu, hinge ku mikolobozi ya shinyanca eyi nikutwesha kulya.

Nahumi 3:12

Bipata byobe bikenga ngo mitondo ya mikuyu, iya yinayimi nkuyu za kutatika oho mitondo yikunyenkanishiwa, nkuyu zikupulumukila mu tunwa twa bantu.

Kulaba 18:13

Nibyo bikenga byenu. Balupashi lwobe baya banengi ba kuyela ba kutwesha kulyako.

Mateo 5:13

“Enu muli mushele wa hano hanci, ngoboni ndi mushele unahamuku, ukatobalishiwa nahiti? Kutwesha kutobiwa kami hiwufwako, nohobene, ukuyumbiwa hanci, pe bantu ba kuwulyata na mawulu.