Yelemiya 24:1 - Libuka Lya Kuyela

¹ Nyambi ya Ngula wamoneshele zintumba zibili za nkuyu zatuliwile hambili ku Litala lya Nyambi, eshe shatendiwile oho mwene Nembukandineza waku Mbambiloni wafumishakale Yekoniya mwana Yehoyakimu mwene wamu Yunda, hamo na batulela bamu Yunda na bantu bawutungu na bakamilimo bamanono mu Yelushalema kubatwala ku Mbambiloni.

Yelemiya 24:1 Iomraidhean Croise

2 Bamyene 24:10

Shengile shikati sha kulela kwendi shiya mwene Nembukandineza akatwile nzita ya mbambiloniya, kuya na kulwisha lukena lwa Yelushalema na kuluzinguluka.

2 Byambo 36:10

Oho kwengile mvumbi, mwene Nembukandineza watwalile Yehoyakini ku Mbambiloni kwinga Ntapwa, pe washimbile wuheti wamu Litala lya Nyambi ya Ngula. Niho Nembukandineza akwatile Zendekiya kawushinda wa Yehoyakini kwinga mwene wamu Yunda namu Yelushalema.

Ishaya 13:1

Eze nizo ncango Ishaya mwana Amozi amonene ha Mbambiloni.

Yelemiya 13:19

Minzi ya Nengembu banayizinguluku ku bamalamo babo kami kowa muntu ukutwesha kuyinginamo hinga kututikamo, bantu nimwabo bamu Yunda banatwaliwi mu wuntapwa.”

Yelemiya 27:20

obyo abulile kutwala Nembukandineza mwene waku Mbambiloni, oho atwalile Yehoyakini mwana Yehoyakimu mwene wa Yunda mu wuntapwa ku Mbambiloni kumufumisha ku Yelushalema, hamo na babilolo nimwabo bamu Yunda na mu Yelushalema.

Yelemiya 28:4

Nikabwesha kami Yekoniya mwana Yehoyakimu mwene wamu Yunda na bantapwa nimwabo baya bafumine ku Yunda kuya ku Mbambiloni, ndaba nikapokola mpongoho ya mwene wa Mbambiloni, ebye nibyo akwamba Nyambi ya Ngula.”

Yelemiya 29:1

Muluwe Yelemiya watumine liñwati kufuma ku Yelushalema, lyayile ku bakulwane bekalile mu wuntapwa naku bakankombela na bamiluwe na ku bantu nimwabo baya Nembukandineza afumishile mu Yelushalema na kubatwala mu wuntapwa ku Mbambiloni.

Yelemiya 29:2

Lyatikitiwile oho mwene Yehoyakini na bamandiyendi na babilolo na bakakutwaminina Yunda na Yelushalema na bakakubaza bamanono na bamfuzi oho bafumakale mu Yelushalema kuya mu wuntapwa.

Yelemiya 37:1

Mwene Nembukandineza wa Mbambiloni wahatile Zendekiya mwana Yoshiya ngayi enge mwene wa Yunda. Zendekiya wahingile Yehoyakini mwana Yehoyakimu.

Ezekiyele 17:4

Niye wawutwalile ku litunga lya bakamikwebo, washishangile mu munzi wa bakakulandisha.

Ezekiyele 19:9

Nibo bakwatile na kahanto niho bamuyakile mu shiyengelele na kumutwala kuli mwene wa Mbambiloni, niho bamuyakile mu tolongo. Mwanga kubuluma kwendi kubule kuyuvwanika kami ha mapili amu Ishalela.

Amoshi 3:7

Mwa shikuma Nyambi ya Ngula, Mpandashilanga kutenda shuma kwakubula ku shiholola ku bakamilimo bendi bamiluwe wufwako.

Amoshi 7:1

Eshe nisho amoneshele Mwene, Nyambi ya Ngula namumonene ha wahisha libimbe lya mikumbi ku mabalikilo akushanga byakulya, oho mwene watezakale byendi.

Amoshi 7:4

Eshe nisho amoneshele Nyambi ya Ngula Mpandashilanga namonene Nyambi ya Ngula ou wenga Mpandashilanga heza mu kuyata na mundilo, wayumishile mampunga amatali na kuhokesha litunga nimwalyo.

Amoshi 7:7

Eshe nisho amoneshele namonene Mwene Mpandashilanga hinga emana kukembi, aka katendiwile na kupimisha lunyimbwa, kami wakwatile lunyimbwa lwa kupimisha mu liboko lyendi.

Zakaliya 1:20

Nyambi ya Ngula wamoneshele bamfuzi banaa.

Zakaliya 3:1

Niho Nyambi ya Ngula amoneshele Yoshuwa Mukulwane wa bakankombela nimwabo, hinga emana ku meho a lingeloyi lya Nyambi ya Ngula na Shatana kami hinga emana kami ku liboko lyendi lya shilyo na kumuyatisha.