Yelemiya 23:4 - Libuka Lya Kuyela

⁴ Nikahata balishani baya bakabalamanga, pe kukekala na bowa, hinge mutentu bafwako. Kami kowa ou akayongole.” Eshe nisho anamba Nyambi ya Ngula.

Yelemiya 23:4 Iomraidhean Croise

Ishaya 11:11

Ha mutena uyo, Mwene ukwolola liboko lyendi kawubili na kubwesha mashaliza a bantu bendi, baya bali mu Ashiliya na Engepita na Patiloshi na Etopya na Elamu na Mbambiloniya na Hamati namu bikuli bya ku liwate.

Yelemiya 30:10

Nyambi ya Ngula ukwamba ngayi, “Obe mukamulimo wami Yakobo hinga utina hinga kutampwishiwa obe Ishalela, ndaba mona taha, nika kupulwisha na ku kufumisha ku litunga lya kwakutali, na bazukulyobe nikabafumisha ku litunga oku bekalilenga mu wuntapwa. Yakobo ukaboka kami ukekala shiwahe na kwikala mu ku mwena pe kowa muntu ukakutinisha kami.

Yelemiya 31:10

Yuvwenu lizu lya Nyambi ya Ngula enu matunga, kami bilikenubyo ku baya bali mu bikuli bya kwakutali, pe mubatongweze ngayi, ‘Ou wapanzanishile Ishalela, ukamikungula kami na kumi lama ngo mulishani wa bambelele alamanga litanga lyendi.

Yelemiya 33:26

Nohobene nikalama kulimama kwami na bazukulya Yakobo na Ndavita mukamulimo wami, nikahata umo ku bazukulyendi ngayi bakalele bazukulya Abulahama na Ishaki na Yakoba. Nikabwesha bantu babo, kami nikaholola nceshe kukwabo.”

Ezekiyele 36:11

Nikahanyisha balume hamo na tuyamana tuya muli natwo, kami mukavula shikuma kupitakana eshi mwekalile, mukekala na bana babengi. Nikamileha mukekale ngonehe mwekalilenga, nikamitangamisha kupitakana eshi mwekalilenga. Pe mukalimuka ngayi Ami nili Nyambi ya Ngula.

Balevi 26:9

Nikamifuywela na kumipana bana babengi, nikalama Kulimama kuya nalimamine nenu.

Mika 4:4

Muntu na muntu ukekala mu ku mwena, mu nceto ya mutondo wendi wa mukuyu namu mikolobozi yendi ya shinyanca. Nisho anamba Nyambi wa Makunge.

Mika 5:2

Obe Mbetelehema Efulata, hinge ndi uli wamushe mukati ka mavumo a Yunda. Mumwobe kukafuma umo ou ukenga kalela ha Ishalela. Ou watatikile kwikalako ku matena akunyima shikuma.

Mika 7:14

Obe Nyambi ya Ngula, twaminina bantu bobe na muwana wobe ngonehe mulishani, bantu aba wahatile kwinga likona lyobe. Hinge ndi bekala ninkayabo mu lishaka, kwekala mabuyishilo a wilo. Balehe balyenga mu Mbashani namu Ngiliyande, ngonehe batendelenga mwaka.

Zefwaniya 3:13

Baishalela baya bakashala kukatenda byabibi bafwako, kami kukamba mahalo bafwako, hinge ha mivumbo yabo. Bakalya na kulangana, kowa shuma sha kubatinisha.”

Kulaba 31:49

pe bashimikile ngayi, “Hekulu, tunalaba bakanzita bali mu maboko wetu pe kowa umo kukwabo unabuluho.

Yowano 17:12

Oho nekalile nabo nabalamine shiwahe na ngovu za lizina lyobe, lizina wampanine. Nabakowezele, kowa umo hakati kabo nayongo kuya ku kuloba, ndele uya mwana wafwanina kunonga, ngayi byatikitiwile binge bya kupwisha.

Yowano 18:9

(Ebye byatendiwile ngayi mazu wendi enge akupwisha aya ambile ngayi, “Ku baya wampanine nabulu kuyongeshaho hinge umo.”)

1 Pita 1:5

Enu mu kulamiwa na ngovu za Nyambi ndaba ya kukulupila, hantu kupuluka kuya kunawahishiwi mwaka kunaholoko ha shikati sha kukotoka.