Yelemiya 23:3 - Libuka Lya Kuyela

³ Haya nika kungula bantu bami aba banashalaho, nikabafumisha mu matunga omu na bapanzanishilile na kubabwesha mu litunga lyabo, bakahemununa, pe bakenga babengi.

Yelemiya 23:3 Iomraidhean Croise

Nyimbo 106:47

Obe Nyambi ya Ngula, Nyambi yetu, tupulwishe na kutufumisha mukati ka matunga, ngayi mwanga tukambilile ku lizina lyobe lya kuyela, na kuyemeza mu wuwahe wobe.

Yelemiya 16:15

Ngoboni bakamba ngayi, ‘Ngonehe Nyambi ya Ngula ayoya, uya wafumishile Baishalela, mu litunga lya ku ncelele naku matunga nimwawo kuya abapanzanishile.’ Nikababwesha mu litunga liya napanine bankakazabo.”

Yelemiya 29:14

Nyambi ya Ngula ukwamba ngayi, mukangwana kami nikamibweshela bitandalisho byenu na kumi kungula kumifumisha ku mikoka nimwayo naku matunga nimwawo kuya namitandilile na kumibwesha ku litunga kuyo namifumishile ha kuya mu wuntapwa.’

Yelemiya 30:10

Nyambi ya Ngula ukwamba ngayi, “Obe mukamulimo wami Yakobo hinga utina hinga kutampwishiwa obe Ishalela, ndaba mona taha, nika kupulwisha na ku kufumisha ku litunga lya kwakutali, na bazukulyobe nikabafumisha ku litunga oku bekalilenga mu wuntapwa. Yakobo ukaboka kami ukekala shiwahe na kwikala mu ku mwena pe kowa muntu ukakutinisha kami.

Yelemiya 30:3

Monenu, matena akeza, oho nikafumisha bantu bami ba Ishalela na Yunda mu wuntapwa na kubabwesha mu litunga liyo napanine bankakazabo, mwanga bakekalemo. Eshe nisho anamba Nyambi ya Ngula.

Yelemiya 31:7

Nyambi ya Ngula ulinakwamba ngayi, “Ishalela yimbilenu na kutangala, wulumwinenu kuli wamunene shikuma ku matunga nimwawo, lwimbo lwenu lwa kuyemeza luyuvwanike, na kwamba ngayi, ‘Nyambi ya Ngula unapulwishi bantu bendi, Enu bantu bamu Yunda mashaliza a Baishalela.’

Yelemiya 31:8

Monenu, nikabafumisha ku litunga lya ku ncelele, nikaba kungula kubafumisha kwakumina kaye nimwako. Batushishitwa na bihole bakeza nabo, hamo na bambuyama bakamavumo, nanaba bali hahepi na kubeleka, bakabokela kuno mu muhoko wawunene.

Yelemiya 32:37

“Haya mona, nika kungulula bantu kubafumisha ku matunga nimwawo kuyo nabapanzanishile hinga napilama, hamo na wukali, haya nikababwesha ku mwanya uno nikabekalisha mu ku mwena.

Yelemiya 46:27

“Obe mukamulimo wami Yakobo, hinga utina hinga utampwishiwa obe Ishalela, ndaba mona taha, nika kupulwisha na ku kufumisha ku litunga lya kwakutali, na bazukulyobe nikabafumisha ku litunga oku bekalilenga mu wuntapwa. Yakoba ukaboka kami ukekala shiwahe, kami kukabula muntu wakumutinisha.

Yelemiya 50:19

Nikabwesha bantu ba Ishalela ku litunga lyabo. Bakalya byakulya biya byamenanga ha lipili lya Kamela na ha lipili lya Mbashani. Bakalya byakulya nimwabyo bakushinga biya byamenanga mu litunga lya Efulemu na Ngiliyande.”

Yelemiya 8:3

Pe bantu baya bakashalaho bakamatunga a wubi, bakalihatila lufu kupitakana wumi, oku nimwako nikabatandila aba.” Nisho anamba Nyambi wa Makunge.

Ezekiyele 11:17

“Nohobene batongweze eshe nikwamba Ami Nyambi wa Makunge ngayi, ‘Nikamifumisha ku matunga nimwawo oku namipanzanishilile, pe nikamipana litunga lya Ishalela.’

Ezekiyele 36:11

Nikahanyisha balume hamo na tuyamana tuya muli natwo, kami mukavula shikuma kupitakana eshi mwekalile, mukekala na bana babengi. Nikamileha mukekale ngonehe mwekalilenga, nikamitangamisha kupitakana eshi mwekalilenga. Pe mukalimuka ngayi Ami nili Nyambi ya Ngula.

Ezekiyele 36:24

Nikamifumisha ku mikoka nimwayo naku matunga nimwawo pe nikamibwesha mu litunga lyenu.

Ezekiyele 36:37

“Eshe nisho akwamba Nyambi ya Ngula ngayi, nikayuvwilila nimwabyo ebye bakalomba bana ba Ishalela kukwami, pe nikabetabila mwanga bakahanye ngonehe bambelele.

Balevi 26:9

Nikamifuywela na kumipana bana babengi, nikalama Kulimama kuya nalimamine nenu.

Mika 2:12

“Enu mashaliza a Ishalela, nikamiwanika hamo ngonehe bambelele ba kuboka ku mutanga. Litunga lyenu likekala na bantu babengi, ngonehe mabuyishilo anenzala na bambelele.”

Mika 7:12

Ha mutena uyo, bantu bobe bakafuma ku zimbalila nimwazo, ku Ashiliya naku Engepita na kuzimbalila za Yufuleti, bakafuma ku liwate, kukakuma kami ku liwate na kufuma ku lipili kukakuma kami naku lipili.